على قولة المثل ماكان اول كان تالي المعنى انه اللي مو من اول تعرفينه عمرج ماراح تعلمين عليه الحين هذي الاشاياء اللي تطلبينها تيي من الله عز وجل تكون الوحده جرئيه وتعرف ترد وتسكت اللي جبالها مافي شي اسمه علموني بس تدرين حقريهم وايد احسن لانه في ناس كثر الحجي معاهم يوصخ الحلج يالغاليه
الحال من بعضو ههههههههه ياعزيزتي في بس طريقه وحده قالتها لي وحده كانت نفس طقتنا وتغيرت صارت عوبه اذا بتهاوشين تذكري اعوب وحده وحطيها في بالج وتخيلي هي داخلج وتغمصي شخصيتها وعوابتها بتعرفين تردين بس دايم الانسان الخواف نفس حالتي لما يسكت يقولون عنه حيه رقطه من تحت لي تحت وداهيه وهذي فكرت اعدائي اللي حوالي تقبلو مروري
مافي حل الا تقولين لهم (ربي ثبتنا بعقولنا)يعني اذا سبوج ؟؟اوتلفضو الفاض وسخه ردي عليهم بكل برود ماشاءالله ونعم الالفاض وعطيهم ابتسامه حلوه وامشي بكل برود صدقين بينقهرون منك لانك حقرتيهم ؟؟؟؟؟ لان الحقران يقطع المصران وراح يندمون لان مستوى اسلوبك اكبر من مستوى سلوبك؟؟؟؟ واذا مشاكل جهال وخدامات نصيحه خليها تتكلم ولاتحطين عينك فيها سولفي مع اللي جنبك او تقهوي ومزاجك رايق الاسلوب هذا راح يجننهم اكثر من انك تصيحين وتسبين عطي مزاجك ريلاكس قد ماتقدرين صدقين ولا راح ينظغطون وينفجرون وبنفس الوقت تكبرين بعيون زوجك والناس وحتى حموانك طبعا اقصد هذا اذا كان مع حمواتك واهل بيتك وشكررررررا
عمري موانتي لحالك الله يعين على هالمعاقين الطناش افضل حل لهم ما كنك تسمعينهم ورددي قولة تعالى (رب اشرح لي صدري ويسر لي امري واحلل لي عقدة من لساني يفقهوا قولي)اهم شي ارضي ربكم والله بيسهل امرك معهم وراح تشوفين وقولي هذا الدعاء اللهم اجعل لي كافي منهم
بصراحه هالزمن ماينفع تكون الوحده عاقله وثقيله كلش ماينفع.. بس مو يعني تصير ملسونه وبايعتها مرة وحده لاااااااا يعني شوية عوابه على شوية طولة اللسان بحيث انج تقدرين تدافعين عن نفسج وتاخذين حقج ومحد يستغفلج...... والــــــــــــــــــــــــواقع خير دليل على ان الطيبه والثقيله والساكته حقها مهضوم ومحد يحسب لها حساب حتى زوجها... بس هاه لازم الوحده يكون عندها ذوق وتحترم الكبير وتقدر الصغير وتعتذر إذا اخطات بحق احد وخاصة ام الزوج والعمات والخالات والام وغيرهم من الاهل الكبار.. بس ماتسكت عن حقها وما تكون ضعيفه وسلبيه ...انا عن نفسي الحمدالله ماني ملسونه بس ماني هينه...............ههههههههه
حبيبتي الي خلقج ربي اهو الي ينخاف منه اذا الواحد تمادى عليج بشكل علني ومؤذي ردي عليه حتى لوكان شنو شوفي خليج قدام المرايه وقولي الي بقلبج وخلي نظرتج ثابته وكرري وصدقيني الواحد صح يرد بس اذا تمادى واايد لاوالله بحط اصبعي بعينه ماجيته وكليت من حلاله شي منهو محتررم يحترررم... تحياتي
