تكفون بنات ساعدوني في مشكلتي .......

السلام عليكم ورحمة الله وبركاته
بنات انا عندي مشكله وبالاحرى امي المسكينه حرام صارلها تقريبا سنه والى الان
ما عندها خدامه كلما تطلب خدامه من المكتب مايوصلون الا بطلعة الروح وكل وحده تيي لازم تقعد 3شهور وبس عقب ما نسوي اقامتها تنحاش مع معاشاتها الثلاث شهور وكذا خدامه عقبها ونفس الحركه علما مع اختلاف المكاتب والجنسيه والله ياخواتي تعبت حرام هي طول الفتره بدون خدامه وهي الي تشتغل بالبيت تغسل وتنظف وتطبخ وحرام مع انها مريضه وكبيره في السن بعد وخواتي بعد يساعدونها بس الي لاهي بالدراسه والي دوام لاحول ولا قوة الا بالله تكفون بنات فرجوا عنا هالهم عسا ربي يفرجه عنكم انشاالله ساعدونا .

ياقلبي عسي ربي يخليها لج انا صار معاي جذيه وتخيلي شنو طلع السبب الخدامه القديمه كاتبه علي الكبت مال الملابس ماما مو زينه وما تعطي معاش وبابا يطق وبيبي مو زين وكاتبته بكذا لغه تخيلي وانا شغلتي جذيهوشلون عرفت اخر خدامه جبتها اهي اللي علمتني يوم طقها راعي المكتب وقال شنو السبب اللي خلاج ترجعين للمكتب قالت مكتوب في غرفت الشغاله المهم رحت ومسحت اللي مكتوب في الكبت والحين خدامتي لها 3 سنوات عندي فتشي بيتكم يمكن مكتوب فيه

هلا والله اقوي الصبر جزاج الله الف خير على هالرد وهالمساعده بس حبيبتي حنا فكرنا بهاالشي وصبغنا الغرفه وغيرنا السراير والكبتات حتى المطبخ دورنا في الثلاجات في كبتات المطبخ وفي كل مكان بس اعتقد المكاتب هي السبب لانها ما تساعد نهائيا ولا يتناقشون مع هالخدم والله صاروا مدلعين هالايام ويعطيج العافيه حبيبتي اشكرج
:smile: