السلام عليكم قريت كثير مواضيع يسألون عن مستشفى السيف بقولكم تجربتي معهم مع اني مااحب اذكر قصة ولادتي عندهم لانها مأساة بس بذكر لك بعض الشغلات المهمه انا يوم صارلي بالتاسع خمس ايام رحت لمراجعتي العاديه عند الدكتوره نادين الله يشل يدينها ياحي ياقيوم اتمنى الكل يعذرني على الدعوه لانها عذبتني عذاب مايعلم فيه الارب العالمين المهم سوت لي كشف وقالت لي انتي مفتوح 2 سانتي لو بس تشمين ريحة الطلق الصناعي على طول تولدين وقلت لها انا مابي طلق صناعي بالمره وقالت لي انا ماراح اعطيك طلق صناعي بس بعطيك ابره زينه حق الطلق وقالت لي ادخلي عشان بالكثير انتي 6ساعات وتولدين قلت لها بروح بيتي واذا حسيت بطلق قوي جيت قالت لي لا انتي ماتعرفين شي بالولاده على انه توني بكريه لازم تجين الساعه8 الصبح وانا خفت ويوم جت الساعه 8 رحت لهم وسووا لي اللازم من تخطيط وغيره شوي الا حاطين لي تحميله وما زاد الطلق وحطولي ثانيه الى اربع تحاميل طلق صناعي وانا ماكنت ادري شنو هاذي التحاميل وتقريبا العصر نزلوني لغرفة الولاده وانا ما احس بشي وقعدت فيها الا اليوم الثاني وانا نفسيتي تعبت بالمره صرت ابكي من التعب النفسي مو من الولادهوكل شوي تحميله وحسيت في الطلق بس مو قوي جتني الدكتوره وقالتلي شرايك احطلك ابرة الظهر قلتلها لا تبي فلوس زياده ماكان همهم الا الفلوس وراحت ويوم خلاص انهرت جت تكشف فجرت الماي وهو وقالت مفتوح اربعه سانتي وجتني الدكتوره الثانيه كشفت قالتلي اصلا ماانفتح كانت دكتورتي تكذب وافجرت الماي عشان ما اقدر اطلع وقل نبض البيبي والحاله حاله وقررو لي عمليه وخلالالالاص ماعاد مرت علي بعد العمليه الامره وحده وماعاد شفتها والسسترات اليوم الاول والثاني مسوياتني يادهينه لاتنكتين بعدين يوم ماعاد يمرن علي اسويلهن ندا ومايجن واما بنتي حاطينها بالحضانه واهي مافيها شي سليمه اسم الله عليها ومسوين لها اشعه كل هذا عشان الفلوس ادري طولت عليكم بالسالفه بس لانه من زمان خاطري اكتب موضوع عنهم حسبي الله عليهم الله لايوفقهم جعل الفلوس اللي خذوها نار في بطونهم ياذا الجلال والاكرام ونصيحتي لكم ابتعدوا عنهم وعن اي مستشفى جديد ماله خبره
الحمد لله ع السلامه .. والله ياخذ حقج منهم بس دامج بكريه ع الاقل سائله بنات من معارفكم وايد احسن هالمره عدت بس لا تعودينها خخخخ .. تقبلوا مروري
الولاده تكون سهاله من رب العالمين سبحان الله وثانيا السيف فيه من ولدت فيه وتمدحه وفيه من تذمه وانتي الله ياجرج عاللي صار حبيبتي وانشالله ماتتكرر هالغلطه الله يكون بعونج
حمدالله على سلامتج ياللـــــــــــــــــــــــــــــــــــــــــــــــــــــــه كل هذا عشان فلــــــــــــــــــــــــــــــــوس والله لما دعيتي باول كتابه والله قلت نفسي والله مايجــــــــــــــــــــــــــوز الدعوه على اي ان كان بس لما قريت لنهايه الله يلوم اللي يلـــــــــــــــــــــــــــــــــــــــــــــــومج
الولاده اصلا تساهيل من الله وكل شي مكتوب من ربش والحمدلله على سلامتش وان شاء الله مره ثانيه تجيبين طبيعي
بالعاده يمدحونه ولا ردت كا المستشفيات الخاصه جذي جربت اختي العرف هم عذبوها وحماتي الهادي وهم عذبوها واللي جربت حكومه تقول الحمدلله على العافيه
