تكفون تكفون خواتي باختصار شديد ولدي ذبحني عمره عمره سنه وعشر شهور ملقووووف بشكل موطبيعي العابه مايجيسهم بس الي ماله شغل فيه اغراضي اغراض ابوه لدرجة اني مااقدر احط جدامي لو صينيه وسكاين يتغافلني وبسرعه يحذفها جم مره يحرقني ويحرق روحه بالقهوه والله ذبحني والاكل ما اقول اكله موشي الا ماياكل نهائيا يعني لا صمون لاكورن فليكس لاعيش حتى الوجبات السريعه قلت يمكن يشتهيها ماكو فايدهاذا كلش ذاب من الجوع عطيته ممته شرب منها 5 او6 ارقام وماشالله عليه قابل جدا للتعلم يعني اي شي يصير جدامه مره وحده يحفظه الحين ايفون حقي وحق ابوه يعرف يبطله ويحط العاب ويطول الصوت ويقصر ولاتقولي اكلمه ولابابا وعيب ماكو فايده اطق وهو يببجي يرد يسوي الشغله الي انطق عشانها فيه نشاط زايد حيل حتى بنومه يتقلب احسه مومرتاح تكفون منو مرة عليها نفس الحاله تفيدني الله يخليكم لاتقصرون
اخر وسيله تستعملينها الطق وترى الياهل اذا اربع وعشرين ساعه اطقينه يتعود ومايخاف حرميه من لاشياء اللي يحبها اذا غلط واذا سوى شي صح عطيه اللي يحبه
صح كلام اختي اللي فوقي أول شيء لازم ماتقولين حق الناس ولدي يسب ولدي يطق ولدي فعلته ولدي تركته هذا الامر شي غير محبذ لولدك لان الي يصير حق ولدك او بنتك لازم ما تتكلمين عنه وخصوصا جدامة عشان لا تعززين موقفه وعشان لا تصير علوقة يكبر الياهل وتصير علوقته هذا لسانه وصخ أو هذا ايدة طويلة انت امه وتنسين بس الناس ما ينسون ثاني شيء دايما الدعاء بالهداية الصلاح وهذا اهم شيء ثالث شيء لو افترضنا ان لي قاعد يعفل هذا الفعل السىء شخص كبير وفاهم اكيد ما راح تنزلين لمستواه وتظربينة أو تهاوشينة ترى نفس الشي ولدك عشان شذي احسن شيء حق ترك هذي الافعال هو لفت النظر لشيء آخر ان شاء اله البنات يساعدونج و يفيدونج تقبلي مروري
حيالله ام جروح وولدها الحلو شوفي حبيبتي عن واقع تجربه وربي شاهد عندنا بنت صغيره اكبر من ولدج بشوي بس مشكلتها مثل ولدج بالضبط وماكانت امها منتبه لها لان الكل يقول لها انها شطانه وباجر تكبر وتتغير وطبعا وقتنا مو مثل اول الام دارسه وفاهمه ولله الحمد قالت بتوديها طبيب اطفال ونصحوها بطبيب بمستشفى السلام وراحت له...وعمل لها تحاليل شامله وهني المفاجاه طلع انه عندها حساسيه من نوع معين من الاكل وهو اللي مسبب لها الطاقه الزايده وعدم التركيز على الكلام اللي يتوجه لها مثل امها لما تنصحها انها ماتمسك اي شي ضار على سبيل المثال طبعا والحين صار لها تقريبا اربع سنين مانعه البنت عن هالانواع اللي ذكرها الطبيب ولله الحمد البنت ردت طبيعيه هذا رايي وانتي حره برايج
ياعمري تسلمووون ماقصرتواا بس اهو خل ياكل عشان يصير فيه حساسيه ههههههه يعني عمره قريب السنتين ماوصل عشره كيلو تكفين شسم الدكتور بوديه باذن الله بطرج الاسباب والله معور قلبي ماكنت اتخيل بجري بهاللقافه والشطانه ادعوله بالهدايه تكفون
هلا حبيبتي أم جروح . . . الله يسلمج ويسلم ولدج يااارب . . . شوفي الاكل مرده بيحس باليوع ويدور الاكل هذا شي ،والشي الثاني لا طقينه وانتبهي لتصرفاته والاشياء الخطرة شيلها عنه،يعني حالة بيتج بأثاثه بيدخل في حالة استنفااار بتشيلين اغراضج الخطرة وتنتبهين انه ما يطيح على الممنوعات اللي مثل الشي الحار السجاجين القهوة الحارة الموبايلات . . . اذا اسم الله عليه يتعلم بسرعة اشتري له اي بود ونزلي له قرآن والألعاب مناسبة لعمره . . . لكن لاتقولين له هذا حقكك خليه اهو يطيح عليه ويتمسك فيه وبين فترة والثانية قوليله عطني اي بودي ابيه واخذيه طقطقي فيه شوي علشان تحسسينه ان الجهاز ملكج مو ملكه وبالتالي ما يوصل لمرحلة الزهق ويحذف الجهاز ويدور اغراضكم . . . الشغلة الثانية خليه يلعب ويمشي ويتحرك وبالتااالي بيحس بالتعب وينااام . . .
هلا ام عبود والله كل ماقلتوا شي اطلع مسويته جبناله ايبود وماقعد جم يوم الا الشاشهه صايره طحين يطقه بالسيراميك ويصرخ بروحه
حصه نفس تفكيري والله قلت اكيد هذا الحل الوحيد لان مره حطيتله رقيه وقعد يسمع ونام تقريبا اليوم كله واستغربت من هدوئه حتى يوم قعد من النوم ماركض ولاصارخ قعد بالصاله ويطالع التلفزون ساكت
ام جروح..............شسوي فيج؟ يعني مجربه قراءة القرآن وهم تقولين شسوي مع ولدي؟ ربي يحفظه ...حطي في بيتج القرآن على طول وانتي كل ماشفتي ولدج قعدي يمه بدون مايحس اقري عليه آية الكرسي ونفخي عليه لاتطقييييييييييييييييييييييينه ترى انا اهددج هههههههه هذا ياهل وتأكدي ماراح يتم على هالحال مده طويله
ولدك لازم تقرين عليه المعوذات واية الكرسي واذا جى وقت نومه حطي سورة البقرة وخليها شغالة دايم من تجربتي القران له مفعول عجيب على الاطفال اولادي ماينامن الاانا مشغلة سورة البقرة والطق في هذا السن بدري لانه مايفهم انتي انتبهي له والله يهديه اقري عليه ومايشوف ان شاء الله شر
