يابنات أبي رأيكم بمشكلتي أنامتزوجه من 11 شهر وحملت من أول اسبوع وجالي مولود ياخذ العقل فديته ماشاءالله عليه المهم زوجي من النوع الشكاك وماعنه ثقه فيني ودايم يغلط علي واسامحه على سبيل المثال يوم طلعت من الأربعين سويت نقش حناء على خصري من وراء يعني أسفل الظهر نفس التاتو وعلى صدري لو تشوفون وش سوى قعد يهاوشني وقال انتي مو مضبوطه وهاذي حركات البنات الصايعات -وعندي سوالف كثيره لو بتسمعونه بيشيب راسكم
حمدالله ع سلامتك ويتربى بعزكم المولود طولي بالج وابتعدي عن الامور اللي تثير شكوكه وتحملي وصبري واكثري من الاستغفار
هذي تعتبر عند الناس من مناطق محظوره محد يشوفها الاابو الشباب .................... ذكرتيني بقصه صارت لوحده لما طلعت الاربعين سوت نقش على المنطقه الحساسه وراحت لزوجها وهي فرحانه واول ماشافها جلس يهاوشها قالها ايش مسويه يعني كذا راح احبك اكثر وبعدين من اللي مسويه لك قالت النقاشه سوته للي قالها كيف تخلينها تشوف عورتك انتي ماتخافين من الله انا مايلزمني حرمه ماتخاف الله ولاتستحي واللي طلعت عورتها لغير زوجها مهو صعب عليها تسوي شي ثاني وقام طلقها وهي ماتمت عنده الا سنه ..................والفال مهو لك بس انتبهي اختي اذا زوجك شكاك لاتثيرين شكوكه بامور مالها داعي والله يوفقك ويسعدك ويخليلك ولدك ويسخرلك زوجك ... تقبلي مروررررري
مادري شقول الله يعينك على ما بلاج زوج اختي مثل طبع زوجك شكاك لدرجه ما اتصورينها حتى الصالون بطلت ما عاد اتروح له والسبب شكه لها المهم اضم للإخت إللي قالت لك صبري وديري بالك لاتنرفزينه وحاولي تكسبينه بالكلام الحلو والله يسخره لك ان شاء الله ومبروك على المولود
الله يعيينج حبيبتي لا عاد تسووين جذي بلا عوار راس بلا بطيخ وخليج شاطرة ولا تلفتيين انتباهه بهالشغلات خليها حق بعدين لما يعرف انتي شنو لاحقه على هالحركات
حبيبتي هذا النوع من الشباب صعب تسويله مفاجاة ولازم تستاذنين منه بكل شي تسوينه وهذا الافضل واذا انتي حابه التاتو اشتري الرسمات اللي تلصق بالماي والله يصبرج انشالله وتتوفقين وفكري البيبي على طول والله يخليه لكم انشالله
الحمد لله على سلامتج اختي كثري من الإستغفار وادعيله بالهدايه والله يعينج على زوجج واصبري اذا مو عشانه عشان البيبي وانصحج اقري سورة (يس) كل يوم ونيتج إن الله يصلح زوجج ويهديه وابعدي عن الشغلات اللي تثير شكوكه
الحمدلله على سلامتج و مبروك على البيبي و يتربى بعزكم ان شاء الله و قبل لا تفكرين بالطلاق فكري بالبيبي شنو ذنبه يعيش بأسره منفصله و السبب انا ما اشوف انه يخليج تفكرين بالطلاق و أهم شي لا تثيرين شكوكه و لا تسوين شي يزعله منج و ان شاء الله الله يهديه
المملكه حبيبتي والله زوجي كاااااااان نفس زووجج بضبط كل مااسوي شي بفرحااااااااا انقلب الموووووضوع ضدي وبعد فترة فهمتاااااا والله من كثر الاستغفاااااار الحين ولله الحمد حيييييييييييييييييل متحسن عليج اول شي تستشيرينااااااااااا بكل شي ونوووووووع هذااا مايحب المفااااجئات كلش انسي كل شي استشيريه وخلي نفسج بريئااااااااااا يعني ماتعرفين موليه حتي لو دعااااااج للفرااااااااااش سوي روووحج مو فااااهمه والكلام الطيب مع الوقت بيغير من نفسيتاااااااااااا بس الاول والاخيييييييير الاستغفااااااااااار والله مارتحت ال بعد الاستغفااااار استغفري وراااااااااح تدعيلي اشلووووووووون راح ينقلب اميه وثماااانين درجاااااااااااا استغفر الله العظيم واتوب اليه استغفر الله استغفرالله استغفرالله
الله يهدي زوجج لج يارب وصدقيني راح يتغير مع مرور الايام بس استحمليه بالسنين الاولى من الزواج والله انا اعرف وحده اذا قالت لزوجها لاتجي الا لما تدق علي وهي المقروده تبي تسوي له مفاجأه وهو يروح باله بعيد ويقول اكيد وراها بلاوي وتقول خمس دقايق الا هو جاي ومن غير لا يدق يبي يشوفها شنو تسوي والحين صارلها تقريبا خمس سنوات صار يثق فيها ثقه عميا وقبل مستحيل تروح ويا السايق الحين هي تقضي شغل بيتها مع السايق بروحها لما شاف مافيها الا كل خير وعرف انه غلطان عشان جذي اقولج احتسبي الاجر ولاتفكرين بالطلاق وراح يتغير ان شاء الله والله يخليه لج ويسخره لج يارب .
الحمد لله على سلامتج ويا فرحة ماتمت انا عندي من الأولاد خمسه الله ايحفظهم ما فكرت اسوي حنه او نقش داخل جسمي لانه ما يجوز احد يشوفج ولآنه حرام وعارفه طبع زوجي وفكري باي شئ راح أتسوينه الف مره
حبيبتي حاولي تقعدين معاه تفهمينه انه بين الزوجه وزوجها مافي شي عيب وكل هالحركات قاعده تسوينها عشان عيونه لا تستعيلين ماتدرين انشالله يتصلح
لاتسوين اى شى يثير شكة وادعيلة وحاولى تكسبين ثقتة يمكن عشانج توج متزوجة فمايعرفج عدل ولازم انتى تخلينة يعرف تربيتج والله يهنيج خيتووو
