حنة التنعيم الأصلية بالأعشاب الطبيعية..رجعي فلوسج وارتاحي اذا مااعجبتج النتيجة

حياج الله يا قلبي .. وان شاءالله تسرج نتيجتها ..
اسفة على التأخير .. اي يا قلبي خليها مثل ذيل الحصان لكن لي فوق عشان لي نمتي ما يعتفس شعرج بالمخدة ..
وحياج الله يالغالية

سبحان الله وبحمده
سبحان الله العظيم

جزاج الله خير حبيبتي وانا كلي لج وتحت امرج
وعساج دوم مستانسه وعساج دوم جميلة بكل حالاتج حبيبتي

هلا حبيبتي ويصبرج على مبتلاج يالغالية..
بالنسبة للشيب بإذن الله راح يتغطى بالحنة .. لأن مثل ما ذكرت بموضوعي ان الحنة فيها عشبة الكتم وهالعشبة اوصى فيها الرسول عليه الصلاة والسلام لتغطية الشيب .. لكن كله يعتمد على حسب نمو الشيب عندج اذا كان سريع او بطيئ ..
وحياج الله بأي استفسار حبيبتي

سبحان الله وبحمده .. سبحان الله العظيم

حياج الله يا قلبي .. واتشرف فيج

هلا حبيبتي
بالنسبة للحنة حبيبتي .. انا حنتي الوحيدة المرخصة بالكويت .. وترخيصها بعد جم يوم بنزله بالموضوع عشان الشفافية وعشان تتطمنون فديتج ..
وانا حاطة سعرها رخيص لأن مابي استغل عباد الله عشان جم دينار ولله الحمد ..
راضية باللي كاتبه لي ربي ..
وبالنسبة لبنتج الله يحفظها .. اهي اتناسب الصغار من عمر 3 سنوات ومافوق ..
وحياج الله حبيبتي بأي استفسار

اختج الذوق كله

سبحان الله وبحمده .. سبحان الله العظيم

اسفة على الاطالة حبيبتي .. رديت لج بالخاص حبيبتي جيكي عليه ..
وحياج الله يالغلا ..

السلام عليكم .. هلا يا قلبي .. والله جد اسفة على التأخير لكن للأمانة مو مني..
وحبيت اوضحلج حبيبتي .. دايما اكون لاهية مع العيال في البيت .. وبناتي يرفعون لي الموضوع .. مو انا اللي ارفعه .. فا عشان جذي مو عبالج اني امطنشتج .. لا حشى يا بعد راسي .. وحقج علي ..

وقبل لا ارد على استفساراتج حبيبتي... اذا شعرج بدى يتساقط من الكيراتين .. نصيحتي لج لا اتحطين اي شي عليه .. لا حنتي ولا حنة غيري ولا اي شي .. مجرد استخدمي علاج مناسب لها ..
لأن الحنة فيها عشبة العفص .. ومعروف عنها اهي اللي تفرد الشعر .. فا اتكون قوية على الشعرة ..

وبالنسبة وبالنسبة لباقي استفساراتج ..
الحنة سعرها 10 دنانير .. والتوصيل دينارين .. واذا محتاجة الخبيرة ب5 دنانير.. تجي عندج تستشور شعرج واتحطلج الحنة .. واتكيس شعرج ..
وانا شغلي معاها على التلفون . . بس اعطيها العنوان اهي اتروح .. يعني الحنة ما اتكون معاها .. اتكون مع المندوب فديتج ..

وطبعا مدة النعومة على الشعر تبقى بإذن الله سنة او اكثر .. على حسب نمو الشعر عندج .. واذا نما شعرج .. ماله اتحطين على باقي الشعر.. بس على الجذور ..

واكرر حبيبتي قبل لا انهي .. اذا شعرج فيه تساقط .. نصيحتي لج لا اتحطين الحنة ..
وحياج الله بأي استفسار .. واسفة على التأخير حبيبتي

جزاج الله خير وبارك الله فيج يا عمري
من سعد حظي اني اشوف تجربتج اهني بموضوعي .. ولي الشرف
واسفه على التأخير بالرد لأني والله ما انتبهت عليه الا الحين
وحياج الله انتي ومن يعز عليكم حبيبتي

بارك الله فيج يا بعد قلبي .. وعسى الله يحفظ لج ابنيتج ويجعلها قرة عين لأهلها
وكل ما حطيتي زيوت مرطبة للشعر .. راح يحتفظ بنعومته لمدة أطول .. اهم شي الترطيب المستمر .. سواء استخدمتي الحنة او لأ ..
ويعلج ذخر يا قلبي .. وانا بخدمتكم بأي وقت .. تستاهلين الطيب فديتج

يا مسا الانوار هلا حبيبتي .. بعد عمري والله مشكورة على الكلام الطيب يالغالية ..
لا تتركين الزيوت الخفيفة عشان يظل شعرج محتفظ بنعومته وقوته ..
بالنسبة للصبغ ماراح تقدرين لين تنزل الحنة من شعرج ..لأن عشبة الكتم اتطول على ما تنزل من الشعر ..
وبخصوص اختج .. يمكن نمو شعرج اسرع منها اسمالله عليكم .. فا عادي تقدرين اتحطون حنة على الشعر اللي طلع جديد .. ماله داعي اتحطون على كل الشعر ..
وحياج الله بأي استفسار حبيبة قلبي
اختج الذوق كله
67662710

هلا حبيبتي آسفة على التأخير فديتج
سعرها بالريال اعتقد130 ريال .. شوفي سعر الصرف لأنه يتغير يوميا ..
وبخصوص رقم الحساب اتصلي فيني وراح ابلغج الطريقة
وحياج الله حبيبتي
اختج الذوق كله
67662710

هلا يا قلبي .. حياج الله وحي الله اهل اليمن ..
الاوضاع حاليا عندكم حيل متأزمة وشركات الشحن كل يوم قرار .. فالله يصبركم حبيبتي وان شاء الله اول ما تفرج عندكم بطرش لج اللي تبينه ..
وحياج الله يالغالية

جزاج الله خير يا بعد قلبي .. والله يحفظ لج ابنيتج ويجعلها قرة عين لكم ..
وحياج الله بأي وقت اتشرفيني فديتج

هلا حبيبتي .. اتصلي وبإذن الله اعطيج التفاصيل ..
67662710
الذوق كله

سبحان الله وبحمده .. سبحان الله العظيم

الله يعافيج يا قلبي ..

اهي نتيجتها اتنعم الشعر وتعطيه لون اسود بلمعة .. نفس مو كاتبة بالموضوع ..

وطبعا عقب سنة او اقل او اكثر .. راح يطلع شعرج الأساسي .. على حسب نمو شعرج..

فا اذا طلع شعرج .. بس حطي حنة على مكان الجذور فقط ..

واذا شعرج يتساقط لا اتحطينها لين يوقف التساقط .

وحياج الله بأي استفسار حبيبتي

67662710

الذوق كله

هلا يالغالية .. بخصوص الشيب بإذن الله تخفيه .. لكن راح يطلع على حسب نمو الشيب عندج ..

طبعا والعشبة اللي اتغطي الشيب اهي عشبة الكتم ..

واهي ما اتطيح الشعر.. لكن انا دايما انصح اللي عندها تساقط بشعرها او شعرها خفيف لا اتحطها..لأن الحنة قوية . والشعر اللي يتساقط ماعنده مقاومة من اي شي..

والتوصيل دينارين حبيبتي .. بالاضافة الى سعر الحنة

وصفحة التجارب بيرجعونها عن قريب.. لأن حطوها بقسم ثاني وفيها اخطاء بالموقع

الله يعافيج يا نظر عيني .. عساج دوم فرحانة يالغالية ..

لا ما راح ينصبغ لو صبغتيه .. لأن فيها عشبة الكتم ..

بس أنصحج اتظلين اترطبين شعرج بالزيوت .. كل ما رطبتيه ..كل ما زان بعينج اكثر حبيبتي

وموفقة يالغالية

جزاج الله خير حبيبتي.. لا خلا ولا عدم يا نظر عيني

الله يكافيج شر الحروب حبيبتي

وحياج الله .. اتشرف بتجربتج

هلا يالغالية .. الله يعافيج ياعمري
المواد اللي فيها كلها طبيعية ولله الحمد .. لكن خليني اضرب لج مثال ..
الليمون فاكهة طيبة ..اذا حطيتيها على جرح بجسمج بتحرقج مع انها طبيعية ..
اللي حبيت اقوله .. ان مو كل شي طبيعي ينحط على شي فيه خلل ويصلحه ..
فا انا من باب الأمانه قاعد اقولج هالشي مثل ما قلته لغيرج ..
الفرد بكل انواعه قوي على الشعر .. فا هذا فرد طبيعي .. والشعر اللي فيه خلل اكيد ما يقاوم اي شي ..
اتمنى اكون وضحت المعلومة بشكل واضح .. ولأي استفسار حبيبتي اتصلي فيني
اختج ام فهد
الذوق كله 67662710

هلا فديتج .. الله يخليلج امج ان شاءالله
للأمانه راح تصبغ الشعر لون اسود .. واتطول على ما تنزل من شعرج لأن عشبة الكتم يبيلها فترة طويلة على ما تنزل من الشعر..
بس نقدر انخفف من لون السواد .. باضافة الكركديه اذا تبينه احمر .. او الكركم اذا تبينه اشقر..
بس هم مو على كل شعر يضبط .. فيه شعور تصير اسود مايل على احمر وفيه شعور اتصير شقار خفيف..
وحياج الله بأي استفسار حبيبتي

هلا ياقلبي

حبيبتي زيت الزيتون ثقيل على الشعر .. استخدمي زيوت خفيفة مثل زيت اللوز او الجوز او زيت شجرة الآس ..

وحياج الله بأي استفسار يالغالية

اختج الذوق كله

مرحبا
انا ودي استخدم الحنا مالتج بس بقولج قصتي اول انا كنت صابغه ثلجي شهر ١١ورديت صبغت بني فاتح شهر واحد وشعري تنتف وتدمر تدمير من الصبغات وصار ناشف ومتقصف وكنت استخدم زيوت وبكثره بس مافي نتيجه صج كان يطول بس متقصف حيييل قبل شهر حطيت الحنا العاديه مع السدر وعشبة الياس وعشبة قشر الرمان وحطيتهم علي شعري وهو مصبوغ بني وطلع اللون برتغالي لووووعه بعدين حنيته حنا بني قامج اللي تصبغ الشعر وتغير لونه صار حلو وادري هذا غلط ولعبت بشعري بس لقافه الحين شعري تدمر مره ماينمشط كلش ولي الحين انا مستمره بالحنا بس التقصف ماراح
الحين سؤالي اقدر استخدم حنتج وابي اخليه اسود وهل تنفع مع شعري وترده ناعم لان قبل الصبغات كان شعري خياااااالي بس بقولج شغله انا لي ٤سنوات كل ٣او ٤شهور صبغه يعني شعري رايح فيها
بذمتج حناج بتنفعني او لا لاني مقرره اقصه بوي وانطر ينبت من جديد
وترا شعري. طوله لاخر ظهري ومو كثير كم يكفيني
تكفين طالبتج ردي علي واذا بطلبها جم يوم وتوصلينها انا بالجهرا وجم سعرها مع المندوب
انطر ردج باسرع وقت
واعذريني عالاطاله