مرحبا حبيباتي الحوامل بصراحه انا اول مره احمل والحين توني داشه الشهر الخامس بس حدى بايعتها اناقز وانط واتشغلب جني ياهل وخايفه على الجنين قالولي اذا تقلبت بليل من الجهه اليمين إلى اليسار ممكن الحبل السري يلتف على البيبي ويختنق تكفون قولولي صج ولا لأ واذا فعلا ممكن الحبل السرى يخنق البيبي هل في طريقه معينه عشان اتقلب بليل وانا نايمه انا وايد خايفه واحاتي تكفون يا حوامل الخبره فيدوني فهموني علموني ولكم الأجر انشاء الله:sad_smile:
هلا أختي تنطين تناقزين وتلعبين مثل اليهال !!!!!!!!!!! أمورج اللي تسوينها السابقة هي أقرب الطرق للإجهاض !! وربي يثبت حملج يارب يعني ما يصير تسوين هالاموووووووووووووور أبداااااااااااااااااااااا وبالليل إذا نمتي وحبيتي تنقلبين ع جنبج اليسار أو اليمين قومي قعدي وبعدها نامي ع الجنب اللي تبين وربي يثبت لج حملج وحطي في بالج إن البيبي يبي تغذية ويبي تراعينه في حركتج يعني بالعدااااااال على عمرج
يعني صج ممكن يختنق بافلبي الله يستر خلاص بمشي حبه حبه بس انا كل خوفي من نومه الليل ابي اعرف شلون اتقلب مشكوره حبيبتي ويعطيج العافيه
شوفي نامي على ظهرج وبعدها تسندي على ايدج وقعدي وانتي مادة رجولج جدام وبعدها نامي على الجنب اللي تبينه (مثل لما تكونين مسندة ظهرج ع الطوفة ومادة رجولج جدام ) أهم شي ما تقلبين وانتي نايمة لازم تقعدين وبعدها تقلبين في حوامل بكثرة يتقلبون وبقوة فهالشي يمكن يسبب التفاف الحبل السري حول رقبة الجنين ولا تحاتين دامج تقعدين وبعدها تقلبين فالأمور بإذن الله عادية ولا تهملين مراجعة الطبيب وخصوصا السونار لمعرفة وضع الجنين وربي يبلغج بشوفة البيبي
مشكوره يا قلبي بس ام عبدالله انا عندي سؤال اخاف تزفيني ملابسي الداخليه ضيجه موحيييييل بس ضيجه على بطني في مشكله على الجنين
لا عااادي طبيعة الحملة الأولى تخليج تتسائلين عن اي شيء ومع الوقت تصيرين خبيرة لا تلبسين الضيج كلششششششششششش اشتري ملابس داخلية ( الكلوتات ) واسعة ومناسبة روحي شركة الجميع في كلوتات للحوامل اخذي منهم والستيان لما تنامين قطيه ونامي بملابس فضفاضة ومريحة وإذا حابة بنطرونات في بمذكر كير جينزات للحوامل تكون صوب البطن سترج هالفترة يبيلها ملابس مختلفة شي فضفاض واسع يعني يبيلج روحة للسوق وتتسوقين حق فترة الحمل حتى الجواتي وانتي بكرامة لازم تكون مريحة مو ضيجة وعالية ومع الوقت بتتضايقين من الكروشة فعلشان تنامين وانتي مرتاحة حطي بين رجولج كوشية صغيرة ونامي على الجنب
شوفي حبيبتي الي كاتبة ربي يصير انا بحمالي الاول بجر مااعرف شي انام على بطني ومرة علي 7 اشهر وخدامت اهل ريلي رايحة داشة معاهم انظف المطبخ طحت على بطني تخيلي ماصار فيني شي بس الحركات الي قاعدة تسوينهه غلط لازم تدارين نفسج والله يتمم لج ترى مو كلشي يقولونة الدكاترة تصدقين بس داري نفسج