مســـاء الخير يا حريم الكويــــــــــت شرايكم كل وحده تكتب لنا قصة ولادتها وأنا أدري أن مو شرط قصة كل وحده تنطبق على الثانية مجرد تثبيت لقلبي لأن ولادتي قربـــت وحدي متصروعه وشي يديد ماني عارفة شعوري وأشكر كل وحده ترد ولو رد بسيط علشان يرفع الموضوع وكلن ينتبه له والله يسهل علينا كلنا ويعطي كل محرومة يا ربــــــــــــــــ :75_75::71_71::75_75:
انا مثلج مابقي شي وحدي تعبانه وابي اولد بسرعه ومن تجربه سابقه الحمدلله في بنتي الاولى ماحسيت بشي بس اخر اسبوع من شهري كنت اراجع واقول حق الدكتور ولدني تعبت ولم فحصني دخلني الولاده لان كان عندي الرحم فاتح 3 سانتي وفي بنتي الثانيه هم كملت شهري وتعبانه وكنت كل يوم اروح الطبيب واقوله ولدني ما اقدر امشي من الثقل ولم فحصني كان عندي الرحم فاتح سانتي واحد وكنت كل يومين اروح له ويقولي ما اولدج انطر لم يفتح رحمج مابي اتعبج واتعب الياهل والمهم كملت شهري كله ودخلني اولد بس حسيت بكل شي الله يسامحهم السسترات ماكان عندهم اي اهتمام الللي في غرفه الولاده انا اطلق واهي تقولي شيلي الكمام وحطيه عليج صج بهذلوني لم ياني الدكتور وانا موصله وحسيت حتي بطلعت الراس ومن عقبها نمت وتميت اتخيل شنو صار فيني والحين ودي اولد بس لم رحت حق الدكتور اسبوع اللي طاف قالي بس واحد سانتي وراس الياهل شوي مرتفع اهو نازل بس مو وايد وعطاني موعد هذا الاسبوع وقلت له اذا رحمي مفتوح ابي ادخل الولاده خلاص تعبانه انشاء الله موعدي الاربعه ويارب يقولي دخول وقاعده اشرب اشياء حاره بس ماكو فايده والله يسهل علينا ويرزقنا الذريه الصالحه
هلا اختي . . . ربي يسهل عليج ولادتج ويقومج بالسلامة . . . لا تحاتين كل شي توكلي على رب العالمين وان شاء الله الامور سهالة . . . وأختي أم دانة تولدين بالسلامة يااارب وتبشرونا بولادتكم
الله يسهل عليج يأم دانــــــــه ياربــــ ويعينا على الثقل اليوم موعدي بالسلام وبقولها تفحصني من داخل لأن أخر مره ما افحصتني وأعتمدت على التخطيط .! ومشكوره أم عبدالله على المرور : )
ربي يسهل عليكم يا ام كروش حبيبات قلبي لاتعورون قلبكم ترى كل ولاده غير عن الثانيه ويارب هالمره تكون سهاله عليكم ويفرح قلبكم بالبيبي السليم المعافى
انا بجريه وحدي خايفه الله يهون علي وعليكم ما ابي احس بالولاده شلون يا ربي عشان جذي بدور مستشفى خاص ما تحسسني بالعوار لان جسمي ما يستحمل الالم
اللله يسهل عليكم يااارب وتفرحون بشوفت ضناكم ان شاء الله وان شاء الله ماتتعبون وهي ساعة الم والباقي فرحة وكثروا من الاستغفار والله يسهل عليكم ياارب ولاتخافون في ناااس بس تخوف من الولادة انا صح تعبت من تخويفهم فلاا تسمعين كلام احد رااح تنسين كل شي مااكانه ولدتي اقسملج اني ماااااحس بوجع شلون جاه سبحان الله يعطي المرا نعمة نسيان الطلق ولا مااكان احملت مرة ثانية وان شاء الله تفرحونة ان شاء الللله قريب بولادتكم وتقولونا قصتكم رااح تحسون نفس الي حسيت صح تعب بس من يوم شفت بنتي مااكاني حسيت بشي والله العظيم واللة يسهل على كل حااامل يااارب ويرزقي ويرزق بنات المسلمين بالولد الصالح ياااارب
صبـــــــــاح الخير مشكورين المزاين ، وجرحني الزمن على الدعاوي الحلووه وضي العيون خلاص مدامج نفسي نولد لنا بغرفة وحده ونصبر بعض .! هههههههه الله كريم
قوه ليالي انتي اي شهر ؟ الله يهون علينا وع كل حامل ونولد بالسلامه يارب الله قاعده ادور مستشفى سنعه بس التساهيل ع ربج والله اختج ضي حدها تخااااااااااااااااااااااف كوابيس الله وكيلج يالغلا
ااااااااااااااه ياربي تعين بس تدرون انا لحد الان تقريبآ ولدت 20 مره 25 مره ماني متاكده كم بالضبط طبعا كلها بالاحلام من كثر التفكير خلااااااص احس الفيوز ضرب عندي يارب اسئلك تيسيرك يااااااااااارب الله يهون علينا جميع الله يهون علينا جميع
الحمد الله أبشركم أني ولدت ويبت أحلــــــــــى بنوتة وماعليكم من أحد لا يخرعكم عن الولادة السهالات من رب العالمين وأنا ولدت طبيعي الحمدالله وخذيت أبرة ظهرووكلت أمري لله والحمدالله ربي عطاني أكثر من الي توقعته وسهل علي أموري كلها وديربالكم على عمركم بالنفاس والخياط ولا تسوون خبال الردادات وخرابيطهم وربي يسهل على الجميــع
حمدلله على سلامتك والله يحفظ لك بنتك ويارب يسهل علي ويتمم حملي وولادتي انا بالسابع الحين بس اختي سمعت ان ابرة الظهر مجازفه وتخوف
انا الحمد لله ربي يسرلي الولادة بس طبعا ولدوني قبل وقتي لأن جاني التهاب حاد بأول ابشهر الثامن ومافادني اي علاج وكانوا خايفيت على اللي في بطني لا يتأثر من الالتهاب ورحت ثلاث مرات للعدان منهم مرتين نوموني بس كانوا مقعديني في الجناح وما يسوونلي اي شي وكنت اطلع على مسؤوليتي في كل مرة والمرة الثانية كانت قبل ولادتي بأربع ايام وما عالجوني وبعدها رحت لمستشفى عالية الدولي وعطوني تحميلتين استعمل وحدة الليل والثانية في الظهر علشان ينظف الرحم من الالتهاب وبعدها اجيهم وعقب ماجيتهم دخلوني الولادة وولدوني في اربع ساعات بس والحمد لله عنايتهم وولادتهم وكل شغلهم ماشفته في اي مستشفى ثاني كل شي عندهم كان حلو وبصراحة انصح اللي قريب عليها المستشفى تولد فيه
قوووة بناااااااااات وحرم من بعد غياب طووويل لاهية بالنفاس مع البنوتة أرد وأجاوبج عن أبرة الظهر لا تخافووون يا حريم لازم تقوين قلبج ولا يعطيج اياها الا دكتور متمرس وصدقيني هالايام كلن ياخذها وبقولج معلومة ووايد حلوه عن ابرة الظهر الا وهي أن أبرة الظهر أهي نفسها الابره الي يعطونج اياها فالوريد بس يدخلون الابره علشان يدخلون المغذي لظهرج علشان كل ما تحسين فالالم يعطونج جرعة وتره اهي مالها شغل بفقرات الظهر اهي بالعصعص أأأأأأخر الظهر وبوقت الولادة لما تفتحين عشرة سانتي راح يخففون الجرعة علشان تساعدينهم بالولادة الطبيعية وتدفعين البيبي وسألي أي دكتور عنها وراح تعرفين اذا معلوماتي صحيحة أو لا : ) ومرح تحسين بالطلق الا مغص خفيف حيــــل وأتمنى التوفيق للجميع
