شعرك خفيف ..مصلعه ..منتف..متقصف....تعالي شوفي....

السلام عليكم ورحمة الله وبركاته........

يابنات اي وحدة شعرها مصلع خفيف من المقدمة او كل الشعر خفيف الخلطة هذا تكثف الشعر تخلي باروكة على رأسك

وتنعمه بعد وتطوله بس أكثرشيء الكثافة وطبعا في خلطتين رووعة للشعر وراح اكتبهم الأثنين ,,, والا تبي تستخدم

بس خلطة وحده براحتها ..

الخلطة الأولى
-------------------------
هذا افضل خلطة ونتائجها رووعة وبعيني شفتها بس يبيلها صبر مو اسبوعين وتقول والله ما تغير شيء ولا شفت شيء

طبعا النتيجة مو اقل من 3 شهور وحاولي تستخدمها طول عمرك خصوصا اذا عندك بنت صغيرة تنفع للأطفال بعد

تستخدم مرتين في الأسبوع والخلطة الثانية ثلاث مرات في الأسبوع ,,, واذا راح تكتفي بهذا الخلطة فقط استخدمها ثلاث

مرات

المكونات
---------------
صبار ,,, حلبة حب ,,, زيت نارجين اصلي بالكيلو ,,, بصلة مسلوقة

الطريقة
-----------------
اول شيء تجيبي قطعة كبيرة من الصبار وتغسليها وتشيلي الشوك من طرفها بالسكين بس واحد طرف والثاني تتركي




الطرف الا شلتي وقطعتي منه الشوك تفتح الصبار بالنص يعني تقسميها قسمين والصور واضحة بدون شرح



تغسلي الحلبة الحب وتنثريها في وسط الصبار




بعد ما تنثريها تقفلي قطعتين الصبار على بعض بس انتبهوا الصبار ما يكون مفصول عن بعض بس مقسوم من النص




تجيبي قطعة خيشة الا هي حقت الرز وتفرغيها من الرز وتقسمي قسمين تقصيها لانها كبيرة واذا ما عندك ممكن منشفة تنفع بس الخيشة افضل



بعد ما تغسلي الخيشة زين تحطي الصبار في وسطها وتلفيها وتحطيها على صينية عند شباك المطبخ وتتركيها يومين بس كل يوم تسقيها بالماوية يعني ترشي عليها موية اي كمية مافي شيء محدد






بعد مرور يومين انفحي الخيشة وشوفي الصبارة راح تكون الحلبة الا بوسطها زرعت يعني نبتت وهذا المطلوب




بعد كذا تجيبي ملعقة وتشيلي الحلبة والصبارة وتحطيها في وسط الخلاط وتضيفي لها زيت النارجين الكمية بالنظر وتضيفي البللة المسلوقة مع مويتها



تخلطي كل المكونات مع بعض بالخلاط وهذا شكلها النهائي وبعدين وزعيها في قوارير من الزجاج واحفظيها في الثلاجة ,,, وكل ما بغيتي خذي بملعقو نظيفة الكمية الا تكفيك ودفيها على النار وافركي فيها فروة شعرك واتركيهامن ساعتين الى 4 ساعات





الأسئلة المتوقعه من البنات

أول شيء يا بنات بصراحة بعضكم يسأل أسئله وتكون الأجابة موجودة بس لانها ما عندها استعداد تتعب نفسها وتقرأ

كل شيء كتبته لكم وبالصور الا ما تفهم بالشرح بتفهم بالصورة

كل المكونات متوفر الصبار عند محلات الزرع بس انا متوفر عندي بالبيت ,,,, الزيت النارجين ممكن تسوي بنفسك او تشتري بالكيلو من العطارين ,,, الحلبة من العطارين اي نوع وتغسليها بما عادي قبل استخدامها يعني الكمية الا تبي تستخدمها

الا تسأل عن المقادير ما اعرف كل شيء اسوي بالنظر لانه مو طبخه يحتاج لها مقادير هو بس الزيت زيدي في الكمية شوي شوي الى ان توصلي للقوام المناسب مثل اللبن الرائب او اخف بشوي وممكن تخففيها على راحتك

الا تسأل كم انش يطول الشعر ,,, وكم المدة ,,,, ومتى تبان النتيجة ,,, اقولها ما ادري لان كل نوع شعر مختلف عن

الثاني وحسب الضرر ونوع الشعر بس اكرر بالنسبة للكثافة بعد 3 شهور بتشوفيها انا بصراحة ما انتبه لانه ما يهمني

غير الكثافة واللمعه والحصول على شعر صحي




الخلطة الثانية ( خلطة السبع زيوت )
-------------------------------------------------------------------------------
هذا الخلطة تستخدمها 3 مرات في الأسبوع والخلطة الأولى مرتين في الأسبوع وترى الخلطة روووعه

وللأمانه كنت بس استخدم خلطة السبعه الزيوت ولي اسبوع بدأت استخدم لها الخلطة حقت الصبار

بنات أختي ما شاء الله لا قوة الا بالله شعر خيال بس لهم سنتين يستخدموها لدرجة نخاف اننا نفك شعورهم في المناسبات

لانه غصب عنك بتنهبلي في الشعر لا قوة الا بالله ,,, الله يحميهم ويحفظهم يارب


خلطة السبع الزيوت
-----------------------------------------
تروحي للعطار ويكون عطار ثقة ,,, تطلبي من الرجال يخلط لك ربع كيلو

من كل نوع من هذا الزيوت ,,,, اكرر تكون الكميات متساوية من كل نوع

( زيت اللوز الحلو + زيت السمسم + زيت الجرجير + زيت النارجين + زيت حبة البركة + زيت الخروع + زيت السدر )

خلطة الزيوت السبعة تستخدم 3 مرات في الأسبوع وتترك على الشعر من 2 الى 4 ساعات وممكن تتركيها اكثر بس انا ما احب اطول فيها

وخلطة الصبار مرتين في الأسبوع ونفس الشيء من 2 الى 4 ساعات بس الافضل تخليها 4 ساعات





اتمني لكم الاستفاااااااااااااده......

منقول للفااااااائده..

يسلموووووووووو على هذه المعلومة

مشكوووووووووووووورة ياقلبي ماقصرتي
كفيتي ووفيتي

يعطيج العافيه حبيبتي

مشكوووووووووووووورة حبيبتي
تسلم ايدج

الله يعطيج العاااافيه حبيبة قلبي

مشكووووووووره غلاي

الله يعطيج العافيه حبيبتي ماقصرتي

شرح وافي يعطيج العافية

مشكوره...حبيبتي,,

مشكورة وماقصرت علي هاشرح المفهوم اتمني ان كل البنات نفسج مايبخلون علي

خواتهم معلوماتهم المفيدة مشكووورة

الله يعطيج العافيه ماقصرتي حبيبتي جوجو واااايد سهلين بجرب ان شاء الله

اختي العزيزه اتمنى تردين علي هل استطيع استبدال زيت النريجن اللي بالخلطه الاولى بزيت الزيتون لانه يناسب شعري اكثر وشكرا جزيلا على وصفاتك المميزه​

مشكورة اخيتي ماقصرتي ..

الله يعطيج العافيه والشرح الصراحه عجيييب ماقصرتي ولج الاجر عند الله سبحانه مشكووره حبيبتي

مشكوره يا قلبي

مشكورة يالغالية شرح وافي ومفهوم 100 -100

بس وين الي تستمر وتعتني بشعرها

مشكورة حبيبتي وجزاج اللة خير

الله يعطيكي العافيه

الله يعطيج العافيييه