السلام عليكم ورحمة الله وبركاته كيفكم ياخواتي والله اشتقت لكم كثير المهم ياعزيزاتي انتم دايم لي سند واخذ رايكم في اشيا كثير المهم المسأله او المشكله متعلقه بطويل العمر زوجي من فتره كنت بشقتنا عند اهله غير المنطقه اللي احنا ساكنين فيها وضليت شهر بسبب ضروف شغله المهم كان كل اسبوع يجي واخر اسبوع قبل لانرجع بيتنا فتحت محفظته باخذ فلوس ولقيت فلوس اماراتيه وفتحت جواله لقيت فيه مكالمات دوليه المهم انابرطمت وماقدرت اتحمل وسألته قلت انت رايح الامارات قال لا قلت والفلوس اللي بمحفظتك قال هذي من واحد من ربعي وكان يبي يصرفها واخذتها منه قلت والمكالمات الدوليه قال هذي عندي ارقام مخزنها يوم كنا بلبنان وحلف لي انه ماراح ولو بيروح كان اخذني معاه انا ماصدقت او مامشت علي السالفه بعدها بكم يوم طلعنا بالسياره وفتحت الدرج ولقيت جوازه الا وفيه ختم انه داخل الامارات بتاريخ اليوم اللي سألته عنه لا ورايح طيران انا للحين ساكته مافتحت الموضوع بس السالفه تقرقع بقلبي واحس بنفجر قهرني يوم كذب علي قلت مالي الاخواتي استشيركم هل اكلمه وكيف الطريقه اللي راح افاتحه فيها شوروا علي بليز *
هلا أختي . . . ربي يوفقج ويسر امورج مع زوجج . . . شوفي جلسة هادية ومصارحة من غير ما تشدين وياااه لان الشد والصراخ بيقلب الامور ع***ة عليج قوليله فلان انا اثق فيك وانك ما تقرب من الحرام ،وان ما عندك خرابيط وساتر نفسك بالحلال وياااي لكن هالثقة يمكن تتزعزع لما تقول لي شي واكتشف شي ثاني وبالصدفة سؤالي يا فلان ليش سافرت للامارات قولها بكل صراحة للوناسة للفسحة للشغل ما ابي الومك ليش سافرت لكن ليش ما صارحتني ؟!! لان عدم مصارحتك لي وسفرتك بالخشاشي معناتها شي مو زين اللي مسويه ! وانا اعرفك تخاف الله في نفسك وفيني بكل هدووووء اختي ولا تنفعلين رجاااء لانه يمكن بانفعالج يقلب السالفة عليج واهو احتمال من الفشيلة يصارخ ويقولج ليششش نبشتي وراااي قوليله ما نبشت لكن بالصدفة الاقي فلوووس وبالصدفة الاقي جوازج بالسيارة وختم الامارات !
حبيبة قلبي انتي قلتي انج لما لقيتي الفلوس في محفظته سالتي ومافكرتي انج تلوين الحقيقه يعني ليش الحين تبين تغيرين شكل الواقع وتبين تدورين لج عذر عغلشان تفاتحينه بغلطته؟ حطي في بالج انه مو الغلط انج تقولين له انج لقيتي جوازه وشفتي ختم الامارات....الغلط انه ماقالج الصج منم الاول وهني تحاججينه ...لو قايل انه بيسافر فهميه انه ماكان في اي مشكله بس انه يخبي الموضوع عنج معناه في غلط صار مع السفر ربي يهديه ويسخره لج ...في وايد رياييل اذا حريمهم من النوع اللي يهول السفر او ماترضى انه زوجها يسافر مع ربعه يحاول الزوج يخبي عنها كل شي وهذا راجع لها لانه يدري اذا ردت عنه بتبلشه وبتاكل قلبه خليج حنونه معاه وفهميه انه الصراحه حلوه ومو حلو تدري بالطريقه هذي الزوجه عن زوجها اذا مسافر
الله يهدي سركم بس يا اختي انا احس ان زوجك يخبي عليك من تصرفك دايم يحس انه مراقب والزوج لما يحس بكذا يقعد يسوي اشياء بالخش ويكذب حسسينه انه مو مقيد ياخذ راحته بس الاهم انه يقولك ولاتنشبين له وتتزعلين وليه رحت وممنوع ومن هالكلام لان كل ممنوع مرغوب ولاتفتشين وراه كثير لانك راح تتعبين ويتغير الحال ويصير كلا شك هو واثق من نفسه لو مو واثق كان حط رقم سري بجواله او قال ليه تفتشين من وراي انا مادورت وراك ! شيلي من بالك التفكير بمحفظته او جوازه او جواله وعطيه الثقه وان شاء الله كل شي بيكون تمام والرجال اللي يبي يغلط بيغلط لو قيدتيه بحدايد.
خل يروح يسافر يغير جو ، بنات انتو ليش كله تفكيركم بسوالف البنات وان الريال لازم يخربط لما يسافر بروحه ، صراحه كله منكم حاكرين رياييلكم لوعتو جبدهم اذا بتسافر لازم يسافر مع زوجته ولا مايسافر بروحه واذا الريال يبي يخربط ترى من الحريم صج لوعتو جبدهم ويييييع ـ لا تسافر ولاتروح ولاترد لا تتاخر بالديوانية لا تروح الشاليه ، لي طلع مع ربعه مليون مره ادقووون عليه ، صج الله يعينه . المشكلة في الحريم مو في الرياييل ، اهمو اللي مايعرفون يتعاملون مع الزوج ، وبعدين يتحلطمون ، اختي صيري زوجته وحبيبته ورفيجته ، خليه على راحته غيري معاملتج ، مو تقعدين قعدة رومانسية عشان اتناجرينه ليش سافرت وما اخذتني معاك كلميه عادي قوليله فلان انا شفت جوازك انت مسافر الامارات جان قلتي جان وصيتك على بخور على اي شي مو ليش ما اخذتني معاك شنو محرم ، وخليج عادي ، رافجيه مو تحاسبينه ، عامليه كانه حبيبج وشوفي شلون انتي راح ترتاحين واهو بعد راح يصارحج بكل شي , الرياييل ليش يجذبون لآنكم لوعتو جبدهم مالهم خلق حنه ، وتزعلون ريايلنا يخوننا ، لو قايل حق رفيجته ان بسافر جان قالته روح عليك بالعافية ، والله اول مايوصل بدق على رفيجته مو زوجته اختي فكرررررررررررررررررررررررري عدل قبل لا تتخذين اي قرار ، صيريله حبيبته ورفيجته قبل لا اتصيرين زوجته
ولله والسامعين والقارئين كدلك لا تشكين فا ابكي والسواه مافيه الانفلسهم علي طول علشان مايلقون مايسفرهم
المشكله بدأت عندما فتشت وراءه وازدادت تعقيداً عندما تحدثت معه بهذا الخصوص وكذبه عليك يدل على استمراره في الخطاء الحل ان تعطيه مساحه والا تكون مراقبتك له لصيقه حتى يطمئن لك ويقرب منك وسيحاول تصحيح نفسه بدون طلب منك ولكن الان الفجوه بينكم تزداد والمستفيد هو صاحب الرقم الدولي
انا معاها ورايها عين العقل... الله يكون بعونج والله يهديه لج وكثرت الاسئله والمناشب تملل الزوج فيضطر انه يجذب.
