مرحبا حبيت اسالك واتمني تساعدوني انا حامل بشهر الخامس واحس تنزل معاي نفس السؤال وافرازات اتوقعون شنو هذا حدي خايفه:sad_smile::sad_smile:
هلا اختي . . . السائل اللي ما تخافين منه اهو الشفاف اللي مثل لون الماي بلا رائحة اما السوائل اللي لونها غير شفاف ولها ريحة وبكثرة . . . فهذا معناته التهاب ياريت تراجعين دكتورتج تسوين تحاليل وبناء عليها تحدد مسبب الالتهاب وتصرف لج المضاد . . . والاهم لاتخلينها تسوي لج سونار داخلي كلشششششششششش والاهم في هالجو كثري شرب الماااي والسوائل . . . وماتشوفين شر . . .
انا امس من يومين مسويه سونار بس مافي شي بس السوائل شفافه نفس ماقلتي بس حبيت اسالج شلون احس اذا ينزل معاي ماي والله موعارفه شي
هلا اختي . . . لا تخافين ولا تحاتين ان شاء الله الامور سهالة في افرازات شفافة ترطب الجهاز التناسلي الانثوي واهي بسيطة جدا يعني تنزل من غير الام في الظهر او الخواصر . . . الافرازات اللي سببها التهابات لها لون (اصفر -اخضر -محبب ابيض مثل الجبن ) ويصاحبها اما حكة او الام بالبطن او الخواصر او الظهر طبعا من المهم جدا عدم اهمال نفسج ومراجعة الطبيبة علشان تحدد لج تحليل تسوينه وفي لي موضوع في القسم مثبت عن الالتهابات اقريه يمكن يفيدج
هلا اختي . . . اذا تقصدين ماى البيبي اللي بالرحم لا سمح الله اذا نزل بتحسين ان في مثل التسرب وشي غير طبيعي يعني الافرازات نزولها عادى لكن الماي بدفع اقوى وانتي بتحسين ان تزلت ان في شي مو طبيعي هذا اهو الموضوع : http://www.kuwaiteya.com/vb/t131546.html
اى قصدي ماي البيبي الان قبل هل مره كنت حامل وبشهر السابع قلت كميه الماي برحم وسبب موت الجنين بس ماكنت احس انه في شي ينزل مني علشان جذي احس نفس السؤال معاي وخفت انه يكون ماي الجنين الان كل 5 دقايق اروح الحمام عزج الله فخفت
ان شاء الله ماافي الا الخير وان شاء الله هذا عااادي بس روحي للدكتور لاتسكتين على عمرج الطبيب هو الي راح يقول اذا كان عاادي اونه مااي البيبي وان شاء الله تولدين وتقومين بالسلامة وتفرحين بالبيبي ان شاء الله
هلا اختي . . . لازم تروحين الطبيب وتشوفين ماي البيبي لا تسكتين على عمرج ترى اللي في بطنج امانة برقبتج . . . وابسط شي تسوينه تتوكلين على الله وتروحين الطبيب . . . هالشي مو بالوصف نعرفه ولا بالشرح بتعرفينه في امور دقيقة تتطلب طبيب . . . وربي يثبت لج حملج ويرزقج فيه سالما معافى يااارب
هلا ام الجوري . . . بشري رحتي الطبيب لا تتكاسلين اختي في هالموضوع . . . وبلغينا شنو يصير وياااج . . .
شوفي يالغاليه انتي اللي قاعده تسوينه قاعد يوترج ومامنه فايده احسن شي تروحين طبيبج وتسوين تحليل وسونار وتتاكدين احسن لج ربي يتمم عليك حملج ولاتخافين ترى موت الطفل الاول مو ضروري يتكرر ولاتشبهين حمال بحمال سابق كل حمل له ظروفه ربي يسهل عليج
ربي يتمم عليج والله انشغل بالنا عليج اشوه الحمدلله ولدنا مافيه الا العافيه الحين لازم تقرين قرآن على طول علشان يهدى بالج ولاتفكرين وايد ربي بيتمم عليج وبتقر عينج بشوفة الحلو او الحلوه
