السلام عليكم ورحمة الله وبركاته كيفكم بنات؟ انا متزوجة ولدي ابن واحد ولي الان 3 سنين احب زوجي ويحبني بس الفترة الاخيره جداً صار شوي يبعد عني ادري بتقولو ظفش مل او لازم تتغيري وتشغلي نفسك كل شي مسويته معه وبلسانه يقول لي انتي ما قصرتي بشي ومشاء الله يمكن عينه تزوغ لكن نهاىي مايفكر انه يعمل شي محرم اما زنا او مقابله ...؟؟ الغريب بالقصه رحت واخذت شريحه واتصلت عليه وغيرت صوتي وعاد بالبدايه تكلم وكان مستغرب منو اعطاكي رقمي وقاعد يسولف وكم عمرك ومن وين قلت انت متزوج قال مو متزوج ومتزوج ؟؟؟ قلت انت وش تحب يكون في المراءه اللي تحبها قاعد يقول موصفاتي الا الشعر يقول ابي شعر مرررره ناعم ؟؟ انا شعري ناعم بس كيرلي شوي المهم قلت انا بمطنقة وهو بمنطقه وبيجي اشوفك قال اوكي بشوفك واخذك وامشيك دايم اذا طلبته شحن بس يرسل 10 ووقتها قلت ممكن شحن ارسل لي 100 واااه بكيت قهر المهم هو اذا خلص الدوام يجي على البيت واليوم يوم كلمته اتصل وقال اعذريني عندي اشغال بتاخر برا وارسل رساله لشريحة الثانيه كاتب دايركت بخلص الدوام وبقابلك ؟؟؟ بنات جدا مصدومة وابي حل وكيف استغل هالفرصه وماني عارفه وش الحل ؟؟؟؟؟؟ وبليز لحد يلومني الرجال كلهم مالهم امان بس ابي اعطيه درس يحرم هالطريق ؟؟؟ ربي يخليكم خايفه عليه وعلى بيتي ونفسي بليز ساعدوني قصه منقووووله شاااااااركوني بـ الردوووود والحلوووووووووووووووول فديتــــــــــــــــــــكم بس
اولا اشكرج على النقل ثانيا مو كل الرجال ماعندهم امان .....في وايد منهم يخافون الله ويحترمونهم زوجاتهم قصة هالبنت صارت وايد تتكرر هالايام تشوفين الزوج في بيته شخصيه وبره البيت شخصيه ثانيه انا دايما افضل المواجهه... اللي صار صار مع انها سلكت الطرق الخاطئ بالتعامل مع هالمشكله وتاكدي انه عمرها ماراح تثق فيه بعد اللي صار لازم تواجهه وربي يعين
مشكوره اختي المزاين علا مروووركـ كثيير من الحريم تضعف في هاللحظه اللي مره مؤلمه وماتواجه ابداااا بسس الله يعين الرجال مالهم امان ولاخاتمه الله يعيناا علا الدنيااا بخيييييييير
انا براي لو كنت مكانها راح البس واعدل شكلي واساله من الاخير ليش تخوني طبعا هذا اول سوال لكل مجرووحه لانه بالحقيقة مافي سبب كافي غير ملل وتغير روتين كان حاس فيه والله هاللحظه تكسر القلب الا الخيانه وخااصه من لمن تكون بدون مقدمات وتنصدمين من اعز انسان بالوجود واللي يقهر بهذي اللحظة كل شي يطري ببالج ابسط شي شلون يقولج احبج وهو يخونج شلون يحضنج وايدينه القذرة لمست غيرج لاني ام باصبر عشان عيالي لاكن قلبي واحساسي يموت لحظتها ويكون هو اللي خسرني مو اناخسرته تقبلو تحياتي
مشكورة على النقل ويعطيك العافيه موزين الوحده تجني على بيتها وعلى حياتها بهذه الحركات تعيش حياتها وتفلها لاني من واقع تجربة بصراحة أنا سويتها مع زوجي قبل أربع سنوات بس عن طريق الايميل وصار يسولف ويرسل قصائد وغراميات وفي الاخير طلب رقمي ومقابلتي وعرض علي خدمات هو مايسويها لي كزوجة وفي الاخير كانت بيني وبينه مصارحة بالواقع المرير وأحس أني كرهته وأي حركة يسويها أفسرها أنه أنه يخون وحتى بالعمل صرت مأثق فيه حتى هو صار متحفظ من تجاهي وكانه كرهني ومايثق في فالوحده تعيش حياتها طبيعيه ولاتخرب حياتها بنفسها وألأن أنا محبطة ومصابة بالسكر والزوج يعيش حياته بالطول وبالعرض عيشو حياتكم وأتركو الرجال في حالهم فهم متشابهون
السسلام عليكم حطيت نفسي بمكانها وعورني قلبي عليها الله يكون بعونها ويحفظ لها زوجها وازواجنا جميع يارب اذا تبي رااي لو انا بمحلها لاسمح الله تنتظره لين يجي من برى طبعا بيتاخر لانه قاعد يتاخر الموعد الوهمي تجهز نفسها وترتب عمرها وبيتها له وكانه هي بتقابله تجلس تسولف معه وتجيب طاري و اللي اخره طبعا بيكذب من هنا تواجهه وتقوله اعتبرني صديقتك مو زوججتك وقلي زوجتك وش مقصره فيه عشان تتاخر من البيت وتخليها على شان تشوف بنت ماتعرفها ولا تعرفك لا تعب عمرك ترى كل البنات لعابات وخصوصا معا المتزوج لانها مااراح تقبل تاخذك بس بتاخذ فلوسك زي ما انا سويت لك وانت ادرى بالحريم طبعا وتحاول تحتظن زوجها بالكلام الزين معا العتب وتانيب الظمير والله يعينها
المشكله لو سويت حاجه بسيطه ضده خلااااااص ينسى الثقه ويكرهكـ ويعتبرك خاااينه وابو الشباااب مايشووف اغلاطه يسلمموووووووو ريم33 علا المداخله منوووووووووورهـ
خلاص الحين هيه عرفت شو اللى فخاطره وتحاول تعدل من عمرها مشكلتنا نحن الحريم ما نبادر نتجرء فابسط الامور اما لانا نخاف من رده الفعل او نستحى وبشكل عام الرجل يحب المرأه الجريئه ولو كانت اقواله العكس...انا من رايى انها تسكت عن الموقف وتكسب الموضوع لصالحها ما فيها شى لو رجع البيت منصدم من موقف البنت وشاف زوجته مثل ما يبى واهم شى انه يكون واثق منها وهيه تعطيه الثقه بس تتحذر .........
غلط الى قااعده تسويه وغلط اكبر اذا اعترفت له انها كانت رفيقته وقتها بيقوول تعرفين شبااب وتفتح ل نفسهاا فااتوحه الله يهديهااا ليه تفتح لها باب هى فى غنا عنه
خليني اقولج شي يمكن انتي جات معاج بالصدفه من ربج يوم كنتي تبين تسوين المقلب انقلب المقلب عليج وانتي الحين تعرفين شنو اللي يبيه زوجج بالضبط وبعض الازواج ماعنده او مايعرف الطريقه اللي يقول فيها حق زوجته هي في شنو مقصره بس وسوسة الشيطان لعبت دور معاج وكملتي المقلب اللي انقلب ضدج اما النصيحه لج لاتواجهينه ولا تقطين عليه كلام مباشر لانه لو عرف انج انتي اللي اتصلتي فيه بتنقلب عليج المشكله وهو راح يطلع منها مثل الشعره من العجين وراح يبرر تصرفاته بس انتي بتفتحين عليج بيبان وشكوك ضدج انتي مستقبلا بس غيري المعامله وبعض الرجاجيل اذا اهتميتي فيه زياده عن اللزوم يمل فلا تبينين له اي اهتمام في بعض الاحيان وبجذي راح ينطر منج الاهتمام وراح تصيرين انتي شغله الشاغل بالتوفيق يالغاليه
أنا أشوف مالها داعي الحركه اللي سوتها جابت الهم لنفسها الحين هي بين نارين إذا سكتت الشك راح يموتها وإذا تكلمت بتنفقد الثقه بينهم وبتصير المشاكل هذا إذا ماقلب السالفه عليها و طلعها غلطانه وبتكون ما أستفادت شي الله يعينها على اللي هي فيه
