انا ولدت بتاريخ 24/5 بليل والحمدلله ربي رزقني بولد مثل البدر وسميته بدر ولنا عوده اقولكم قصتي ومعاناتي .........
الحمد لله ع سلامتج والف الف مبروووووووووووووووووووك ويتربى بعزكم ان شاء الله ويجعله من الصاااالحيييين ياااارب
ألف حمدلله ع سلامتج وسلامة بدر ويتربى بعزكم يااارب . . . وربي يجعله من أطفال الصلاح والفلاح ياارب . . . وبانتظار كتابة قصة ولادتج . . .
الحمدلله على السلامه وجعله الله من الابناء الصالحين البارييين ولاتقولون معاناااااااااااااه ترى دورنا جاي بالطريق لاتخرعووووني تراني بكريه اهيء اهيء
اولا مشكورين كلكم ماقصرتو والله يسلمكم . ثانيا : من قبل قلت لكم اني من اول حمالي كان الحمل ضعيف واخذت حبوب تثبت وبعدين قالولي في فرق بالحساب الياهل اصغر من تاريخ الدوره بعدين لم قالولي اسبوع فرق عادي الحمدلله وستمريت اراجع بين المستوصف ودكتوري بدار الشفا لي السابع قالي الدكتور بسافر فرحت اراجع بالمواساة عند الدكتور ناهض يمدحونه والصراحه الدكتور محترم بس قالي المشيمه شوي نازله واحتمال اذا مارتفعت ولاده قيصريه بس كل ما اروح يسويلي سونار يقول الحمدلله المشيمه وضعها زين اهي نازله بس مو وايد قالي لا تمشين وايد وتبذلين مجهود زايد عشان المشيمه ماتنزل زياده وقعدت اراجع عنده لي شهري المهم كان اييني عوار كل جم يوم ويروح هذاك اليوم رحت له وقلت ياني عوار شلون فحصني قالي بس واحد سانتي فاتح الرحم وراس الياهل لم الحين بعيد عن عنق الرحم قالي راح تكملين شهرج بس اللحين روحي امشي وشربي الاشياء الحاره دارسين وخروع طاف اسبوع رحت مشيت وشربت خروع وانا من الفير ياني عوار طلق رحت المستشفي 6,30 الصبح ولم دخلت ووفحصوني 2 سانتي وفيني طلق المهم حطولي التخطيط ويدقون علي الدكتور مايرد المهم وانا طلق ما وقف وقوي والدكتور اللي فحصتني تقولي راس البيبي بعيد عن عنق الرحم مع الطلق ينزل بس احنا ننطر دكتورج وقعدت لي الساعه 9 الصبح انطر لم وصل الدكتور قالي انا مابي اعطيج طلق صناعي عشان لا تتعبين والياهل راسه فوق وكان عندي الرحم فاتح 3 سانتي (راس البيبي فوق بس بالحوض مو راضي ينزل عنق الرحم ) خلاني بالمستشفي وسوالي دخول وحجزت الغرفه ودفعت واخر شي لي الساعه 9 بليل طلعوني لان الطلق خف والمهم نطرت 3-4 ايام جان ينزل علي مخاط مع لون بني خفت رحت المستشفي لم فحصتني الدكتوره قالت عادي هذا مال الفحص اللي من جم يوم ونفس كلامه 3 سانتي وراس البيبي مو نازل بعيد وكانت نفسيتي حده تعبانه خلاص وصلت مرحله ابي اولد بأي طريقه لم امي قالت لي ليش ماتروحين حق دكتورج اللي كان بدار الشفا اهو رجع بس راح رويال حياة قالت لي امي روحي بس استشيريه شوفي شنو يقولج رحت له علي طول جان يقولي نفس ما قالو بس قالي الدكتور المواساة غلطان المفروض لم ايييج طلق طبيعي يعطيج شي يساعدج ما يخليج لم يروح الطلق وقالي ماتفرق تبين اليوم تدخلين او باجر احط لج طلق صناعي ونشوف وكل ما اخرنا الياهل يكبر بالبطن ويكون صعب علي اولد طبيبعي فقلت له افكر واشوف قالي اذا تبين تعالي باجر الصبح سوي دخول ورجعت البيت افكر واحسب حسبتي لان فرق بالحساب وها اروح ولا انطر جم يوم مابقى شي علي موعد ولادتي الا يومين فقررت انا وزوجي وامي وخالتي ام زوجي اني اروح وادخل لاني صج تعبت بتاريخ 24/5 رحت الصبح مثل ماقلنا الدكتور وعلى ما دخلت الغرفه ملاحظه وبدو معاي باول تحميله الساعه 11 مثل الجل ماياني طلق لي الساعه 4 بعدين حطولي التحميله الثانيه الساعه 5 وبلش معاي الطلق لم يت الدكتوره وفحصتني قالت 4 سانتي والطلق قوي وراس البيبي راح تنزل مع الطلق دخلوني غرفت الولاده اوفتحت لي 10 سانتي يعني ولاده وراس الياهل معلق بالحوض مو راضي ينزل حاولو يشفطونه وماقدرو لم انا قلت بس تعبت وانا ابجي لان البنج قام يخف عشان يبودني ادفع بس ماكو فايده قلت ابي قيصريه اهني بسرعه وقفو كل شي وحولوني القيصريه وانا ابجي من عوار الطلق بعدين قلت حق الدكتور عفيه مابي احس عطوني كمام او ابره خلاص وما حسيت بشي لو بغرفت الافاقه سمعت صوت ريلي وخالتي عشان بروحون البيت كانت الساعه 2 بليل ولم صعدوني فوق سألت امي متى ولدت قالت 11 ولدج يهبل شحلاته بس الصبح لم صحيت وكلمت ريلي قالي شفتي الياهل قلت له اي قالي شلون الجرح اللي براسه عاد مت من الخوف ولا حياتي لم حاولو يشفطونه جارحين راسه حبيبي والحمدلله على كل حال المهم الصحه والعافيه والجرح هذا سطحي وبالنسبه حق المستشفي حلو جنه فندق وهذي قصتي وسامحوني طولت عليكم وايد
