واخيرا وجدت الكريم اللي على كوكب الأرض

السلام عليكن ورحمة الله وبركاته


من فترة كتبت موضوع استفسر فيه عن كريم يكون خفيف ما يكتل ما يكون مثل

صبغ الطوفة يدمر حجابي و. . . و. . . .

والاهم يكون ناعم وميل على انه يكون وردي وطبيعي

وكان هذا موضوعي اللي استفسرت فيه عن الكريم :

http://www.kuwaiteya.com/vb/t162773.html


طبعا البشارة اني حصلت هالكريم اللي اهو اساسا كان علاج للبشرة والجلد بعد عمليات الليزر
لكن لاحظوا المستخدمات للكريم من النساء انه وضع هالكريم حلووو وثابت ع البشرة

وبنفس الوقت علاج لها .

الماركة كورية ومشهورة جدا عند الاسيويات والاجنبيات.

دشوا اليوتيوب وكتبوا اسمه :

B.B CREAM

طلبت منه كريمين علشان اجرب واحكم بنفسي خصوصا اني سويت وتعبت في البحث والقراءة عنه ،فقلت التجربة بتكون خير برهان .


الأول سميته كريم الاضاءة :
هذي صورته:



مواصفات المنتج :
40 ml tube
الحجم 40مل
Sun blocking
حماية
For all skin type
مناسب لكافة انواع البشرة

شرح أكثر عن الكريم :
يجعل بشرتك تبدو أكثر إشراقا مع اللون اللؤلؤي الوردي.
تبييض + إصلاح التجاعيد

فيه منتج المورينغا ، و الزيتون اللذان يناسبان الجلد اي كان نوعه.

وتبقي على رطوبة البشرة ويخلق درع الرطوبة .

فيه منتج الأدينوساين واحتوائه على وأربوتين ، اللذان يحسنان لون البشرة والخطوط الدقيقة.

يظهر البشرة بمظهر مشرق لؤلؤي ومضيئة وناعمة وحيوية موردة .

ملاحظاتي الشخصية على الكريم :

وضعت من كلا الكريمين على الوجه

لاحظت انه اعطى لبشرتي لمعة واضاءة بلون حلو وردي خفيف + ملمس ناعم وحيوي

ومشرق يعني عجبني هالكريم ولله الحمد لقيت اللي كنت ادور عليه وخفيف .

- يصلح للدوام .


---------------------


الكريم الثاني :
كريم التغطية

هذي صورته


مواصفات المنتج :
Multi function BB Cream
متعدد الوظائف (حماية - تجديد - اخفاء عيوب . . . بتلاقون هالوظائف في الشرح التالي )
SPF42 PA+++
Whitening and Wrinkle care
مبيض ويعالج التجاعيد
20 ML
حجمه40مل ( وفي أكبر منه لكن بما اني بجرب شريت هالعبوة )


الكريم كريم تفطية للتصبغ (النمش ،الكلف ) .

مميزات المنتج :

يغطي حب الشباب أو البقع الداكنة.

مناسب لكافة انواع البشرة

الاستخدام المنتظم له يخفف الاحمرار وتهيج الجلد ويعطيها نعومة ،ويحافظ عليها.

مثل ما قلت لكم الكريم طبي وتصنيعه قائم على المحافظة على البشرة .

هالكريم لمساعدة المرضى الذين خضعوا لجلسات بالليزر ، أو عملية جراحية لتهدئة وتجديد الجلد.

يساعد على تنعيم البشرة الملمس مع طول الاستخدام

يساعد على تحسين نسيج الجلد لتتلاشى حب الشباب والندوب

يستخدم كقاعدة وأساس ماكياج ،

يغطي skintone الدوائر undereye (تحت العين ) ، والندوب.


بعد تجربتي الشخصية (لحظة خل اطالع بمنظرتي ) :

- تغطية شاملة للبشرة .

-تغطيه لتحت العين .

- الكريم انسيابي يعني ما تكتل ولا صبغ طوفه رقيق وبنفس الوقت غطى البشرة وحد

لونها .

- يصلح للدوامات .

----------------------------------

بعرض لكم صورة طلبيتي :

هذا البوكس للشحنة :




هذي طلبيتي :

طلبت الكريمين

وقطرة للعين

وفرش مكياج

وعينة من كريم من نفس ماركة الكريمين .(بجربه ان شاء الله واكتب لكم عنها قريبا )



--------------------

وهذي صور الكريمات يم عصيري المفضل من كي دي دي :



------------------------

وهذي صورة الحلوين بريحاتهم :


----------------------

وحطيت من كل واحد على ظهر ايدي :



------------------

وهذا الكريم الهدية بجربه قريبا واكتب عنه بالموضوع :



واي استفسار عنهم ع العاااام علشان الكل يستفيد

وعموما اللي حابه من الكريمات تراسلني ع الخاااص لانه مو من الكويت

=================

هلا ي حبي ,,,,,,,,,

مبروك وصول الطلبية الجديدة ......وتتهنين فيهم ان شاء الله ..

استفساراتي :
الكريم الاول هل فيه حماية ؟

هل يحتاج وضع بودرة ؟

جم سعره ؟
والفرش شرايج فيهم ؟؟؟؟ بغيت اعرف سعرهم بعد ؟؟

وبالنسبة للعصير هل فيه نكهات ثانية مفضله ههههههههههههههههههههههه
وعساج عالقوة

الله يبارج فيج يااارب . . .

الكريم الاول والثاني فيه حماية

ولا يحتاجون بودرة لاني حطيت ع النصف الوجه من كل واحد وجابلت اقوى اضاءة عندي

وتركته ساعتين ورديت اطالع فيهم ،وغسلتهم وحطيت من الكريم الاول بس

ومن نص ساعة ردينا من البحر وطبعا الجو ما كان عليل بالعادة الكريمات يسيحون من الرطوبة والحر هذا الكريم ثبت وقاوم بمنهى البسالة

ولا يحتاج لبودرة كلشششش

بالنسبة للفرش اخذتهم ب 13دولار وهمه مجموعة قطع عددهم 13

طبعا ناعمين جدا لدرجة قعدت العب فيهم مع عيالي ادغدهم فيها حتى زوجي مروا عليه . . .
امصحج انج تشترينهم . . .

نروح للعصير في عندج الجريب فروت مو مفضل عندي لكن اغصب نفسي عليه احيانا

والمفضل الاناناس والعنب وبث ث

-------------------------------
سعر الكريم مع شحنه اذا بوفره لاي وحدة تطلب منه بيكون12دينار مع توصيله

خوووش كريمات والله الزززين عندج جربي وقوليلنا

هلا حبيبتي وردة . . .

جربته واللي كتبته تجربتي مع هالكريمين

بس باجي اجرب الكريم الثالث واكتب تجربتي . . .

ان شاء الله

حبيبتي ام عبدالله تسلمي يا عمري على الافادة، دورت بالنت ولاقيت محلات عندنا تبيعه وبإذن الله بروح اليوم اشتريه، لكن اللي فهمته من تصنيف الكريم انه قاعدة اساسية قبل وضع المكياج ومو مصنيفينه على انه مرطب بشرة، لكن بكل الاحوال بروح ان شاءالله وبسألهم وبجيبه واجربه، شكراااااا يا عمري

الله يوفقج يااارب
والله عاد بشرتى حيل تعبااانه
يبيله كريم..

هلا أختي . . .

انا كنت ادور كريم اساس عملي وخفيف وليس مرطب بشرة

الكريم رقم 1 ناسب بشرتي لانني ما احب الكريم الثقيل

الثاني حلوووو والاهم انه طبيعي ويخفي العيوب

واهو ليس متوفر في الكويت واعتقد بعد الخليج مو موجود

لكن هالشركة بالاساس طبية وهالكريمات تستخدم للعلاج +كريمات للبشرة بعد جلسات

الليزر وخلافه وهالكوريات ما يسنغنون عنه كلششششش شوفي اليوتيوب

الله يسلمج حبيبتي بنفسج . . .

كثري شرب سوائل + ترطيببببببب

خوش موضوع والله يا ام عبدالله

العفو حبيبتي المزاين . . .

حبيبتي الله يوفقج ياااااااااااارب

هلا اختي . . .

الله يسلمج يااارب وحياج الله

السلام عليكم اختي .. يعطيج العافيه . وعليج بالعافيه على الكريمات
اذا بقيت اطلب شلون ؟؟ وثانيا هل في الوان على حسب لون البشره ؟؟ واذا بقيت جم يكلفني حبيبتي ؟؟ تسلمين يا الغاليه

يعطيك العافيه قلبي
ان بشرتي حييل باهته وماحب المكياج احط بس مرطب لوجهي بس لمن اللحين ماعجبني شي وتعبت
عجبني كلامتس وتجربتس عنه لان ماحب الكريم يكتل ابي كانه طبيعي عشان لمن اداوم واذا بطلب شلووووون اذا ماعليتس امر ؟ ويناسب اي لون بشره ؟

عساتس على القوه قلبي

هلا خواااتي . . .

طلبت كريمين الاول يناسب كل انواع البشرة والثاني يناسب البشرة اللي لونها فاتح

عموما اذا بخاطركم الكريم بلغوني اطلبه لكم مجموعة وبجذي يقل الشحن عليكم

ولمزيد من التعرف على الكريم كتبوا اسمه باليوتيوب وبطلع لكم هالكوريات والاسيويات والاجنبيات

يحطون منه ويقولون اى رقم مستخدمين من هالكريم . . .

فديييييتك انا ابي وكم سعره توصلين للسعوديه ماعليتس امر

مرحبا ام عبدالله الثاني الي مع خافي عيوب بجم سعره

يعطيك العافية كم سعر الكريمين وتوصلين لسعودية