انا ياخواتي ولدت بتاريخ 9/5 وطبعا انا دخلت الشهر العاشر وماياني الطلق وسرت المستشفى لاني قلت خلاص لازم اولد عشان مايصير شي ابنوتي بس الله لايوريكم صار فيني فلم هندي مابطول عليكم .... دكتورة تقول عملية ودكتورة تقول ولادة وتهاوشو بيناتهم وانا اصلن كنت موقعة على عملية لان الحوض عندي ضيق وبعد ثلاث ايام من الالم والموت اللي شفته ولدتني دكتورة يزاها الله الف خير وبعد الولادة خيطتني دكتورة باكستانية وكان لخياط اي كلام وقلت حق امي ان هذي الدكتورة خيطتني بدون نفس وبعد اول يوم من ولاتي التهب لخياط ولاحني فايروس وصار عندي الم فضيع صرت لا اقوم ولا اقدر اقعد ولا اسوي اي شي وانا في المستشفى تميت عندهم اسبوع وكل ما اسلهم اقول لهم ليش هذا الالم يقولون لي عادي وطلعت ورحت البيت ونتكست وماقدرت اقوم من مكاني ابد قلت بروح عيادة خاصة وفحصوني هناك وقالو كل شي سلم وعطوني فيتامينات بس ورديت البيت وصار اللي مايحمد عقباه تسممت من الفيروس والمشكلة اني ارضع وعقب احترت شسوي خذاني ريلي لمستشفى الايراني اللي في دبي لما شافتني الدكتورة انصدمت وقالت انتي كيف عايشة لين الحين انتي متلوثة من لخياط ورقدوني اسبوع عندهم واعطوني ادوية بحياتي ماشفتها وكل يسوون لي تنضيف باليوم مرتين وعطوني محاليل اقعد فيها مع ماي دافي وحتى اشعه استخدموها معاي وانا الحين بخير بفضل المستشفلى الايراتي
ما تشوفين شر وحمدلله ع سلامتج . . . الفضل لله سبحانه . . . وعموما تصير بأفضل المستشفيات هالامور والسبب قلة التعقيم والخبرة . . .
لاحول ولاقوة الا بالله الحمدلله على السلامه ومبروك ماياج ربي يحفظها اللي راح خلاص راح ولاتخلين هالتجربه تاثر على تفكيرج او تظنين انه كل حمل بتكون نتيجته نفس هالنتيجه ربي المستعان والحمدلله اللي حفظج
ياهلا وغلا باهل دبي دار الحي الحمدالله على سلامتج ومبروك مايالج والله قصتج تعور القلب كل شي بأجره الولاده بالخاص احسن من الولاده بالحكومه من وجهة نظري
