انا بفتح صالون بليز ابي اراكم

السلام عليكم
بداية ابي خدامه وبخليها تشتغل صالونه منازل وعقبها بالارباح بفتحلي صالون بس ما ادري شلون ازهب حق الصالون يعني ديكور ادوات مكاين ارجو الافاده باراكم

حبيبتي

انتي ابتدي بالمشروع وكوني ارباح حلوة وبعدين توسعي يعني تجيبين نقاشة ومكياج كله بالبيوت طبعا وبعدين تبين نصيحتي جذي اريح لج يعني خليج على خدمة المنازل

والله خدمه البيوووت حلوه.. بس ماتضمنين الخداامه من بيت الى بيت
وفيه ناس ماعندهم ضمير يخربونهااا عليج ويشتروونهاااااا


ف الصااالون حلوووو واظمن
بس نصيحه مشاااااااااااكله واجدصص مكياااج او شى
حلو انج تقاابلين رزقج عشاان المشاااكل

اما اذا كنتى بتداومين فيه.. يعنى لج تخ

وموفقه خير

يعني قلت اونس نفسي بشي احبه بعدين لي يمعت ارباح افتح صالون وحطلي مديره تجابله اذا ما كنت موجوده على الاقل استفيد من مواهبي ههه بس للحين ما ادري من وين اييبون اغراض الصالونات

مشكورين على مروركم

لا تشترينهااااا جديده ولا تفكرين
انتى توج مااالج خبره

ف فيه صوالين تنباع ويبيعوون اجهزتهم وكراسيهم كلهاا شبه جديده

ف التوفير حلووووووووووووووو
واذا ان شاء الله توسع رزقج وصار ل صااالونج دووووووووس

ذيج الساااعه صبغى وغيرى وحطى
ماكو خساااره

فهمتينى


وموفقه خييييييييييييييييير

صج اي والله معاج حق ليش اعور راسي والله كنت احاتي اصلا كنت بشتري شقه وبسويها من اول ويديد بس لان ما كنت ادري ان في صالونات تنباع مع اغراضها يديه هذي

الله يوفقج ان شاءالله
انا من راي خدمه المنازل حلوه بس ماتلقين الخدامه اللي لها ضمير صاحي والله مرات اروح الصالون اسوي شيره وانا بالغرفه تقولي اذا تبين اسوي ظهرج عطيني دينار ولا تقولين لحد او اذا تبين ابيعلج الشيره ولحد يدري هذي داخل الصالون جذي برا عيل اشلون !!

من تجارب البنات انا ضعت اشلون انتي عيل ؟؟؟؟؟؟؟؟؟؟؟؟؟

انا ما اقول الا ربي يوفقج وبــــــــــــــــــــــــس

وااااي لا تخرعوني كنت متحمسه

بالعكس ماودي اخرعج بس احرصج شوي .. شوفي الخدم بالبيت ماينعطون ويه عسا مادلعتيهم قلبو عليج ونفسوا واللي بتاخذينها ماراح تكون عندج بالبيت يعني مو تحت نظرج فالحرص زين انا لو مكانج افتح صالون وبس من غير خدمه منازل عالاقل تحت عيني

مرحبآ ,

حبيبتي توكلي على ربك وسويهـآ , بصرااحه انآ ماأعرف خدمة المنازل هذي ,
لأن احنآ عندنا بالسعوديه مافيه هالخدمه عندنا صالون وبس ,
وبصراحه انآ من رأيي تسوين صالون على قدك وجيبي 3كفيرات شعر وجيبي 2متخصصات بالميك اب
و وحده نقاشه و 1 خياطه, ونشري موقع الصالون بالمنتديات و نشريهـآ بالصحيفه الأسبوعيه
واذا الله وفقك وجمعتي كم فلوس توكلي على ربك ووسعي الصالون وجيبي مجموعه كبيره من الفلبينيات و الخياطات و ......................... الخ

الله يوفقك ياارب ويبارك لك في عملك ,
لكن عندي نصيحه قبل تسوي المشروع , صلي صلاة اللإستخاره , سبحان الله ما خاب من استخار ربه

بالتوفيق لك يااارب

توكلى ع الله
وفتحى صاالونج وجااااااااااااااااااابليه
لالالازم مجااابل اول سنه

ان شاء الله ومشكورين على النصايح ومشكورين على مروركم حبايب ما قصرتوا وبسوي المشروع وبتوكل على الله والله يوفقني قولوا امين

عندك من الجوثن ومن بيضون و من محلات كتيرة بيكفي تطلبي من 1808080 أسماء شركات معدات وتجهيز صالونات
اما بالنسبة للخدمة في البيون فممكن تطرحي خدمة عبارة عن مجموعة من العاملات و الموظفات تدربيهم منيح و يعدين تخلي عندك خدمة منزلية مثلا تجهيز عروس ورفيقاتها أو أي شئ من هذا القبيل لكن ما تطلعي طلب أقل من 10 او 20 د.ك
ولازم يكون عندك دفتر فواتير عشان تعرفي شو دخلتي وشو طلعتي
بالتوفيق

بالتوفيق يا عمري

حبيبتى انا عندى صالون شاريته جاهز وعلى فكره الصالون اضمن من خدمه منازل بدون بطاقه عمل بالصالون فيها سجن للعامله وغرامه الف دينار
واهم شي لازم تعرفين ان كل شوي بيطبون عليج يجيكون على المشط والشمع والنظافه عامه واهم شي المشط شعره وحده فيها غرامه واذا لقو عاملات بدون اقامه بتروحين فيها
علشان جذى انتى جابلى شغلج مو مديره تعميها
والله ايوفقج ياقلبى

حبيباتي والله شكلي ببطل سالفة الصالون لان سمعت انه حرام وفيها لعنه من الله فخلاص بحول علئ مشروع ثاني ماني مستعده ادخل على بنتي وريلي وعلي مال حرام

مشكورات حبايبي

عزيزتي
شو بدك بهل الحكي الفاضي لو كان عمل غير قانوني او غير شرعي كانت الحكومة منعتوا احنا بدولة تشريعاتها مستقاة من الشريعة الاسلامية هيدا 1
2 في ناس بس يشوفوكي بدك تبتكري و بتنجحي بيصيروا يطلعوا 10000 حجة لحتى ما تنجحي بنصحك تقري قصة حياة ستيف جوبز مؤسس أبل عهل الرابط وشوفي شو قايل
وكمان بعض المقولات و الدروس المستقاة من حياته عهل الرابط
وبالتوفيق