فيدوني ياهل الكويت

اهلين نسوان الكويت انا ان شاء الله في الاجازة حابه ازور الكويت ونجلس فيها كم يوم وعلى شان كيذا ابي اعرف اماكن زينه تستحق الزيارة ومطاعم ومتاحف وهل ابراج الكويت تستحق الزيارة ابي اماكن محترمه بعيد عن الجنس الثالث والبويات هل فيه مجمعات هاديه وعندكم اماكن حق الجلابيات يقولون روعه ورخيصه ياليت تدلوني وابي اخذ جلابيات هدايه واسعارها تكون حلوة.

الكويت كلها اماكن حلوه ودام هي اجازه وبتستمتعين انصحج تزورين كل مكان وانتي تكتشفين اللي يستحق الزياره او لا لانه كل بنت لها رايها
اما بالنسبه لموضوع البويات والاماكن المحترمه فيا اختي العزيزه من قالج انه في اماكن غير محترمه بالكويت؟لاني صراحه مواطنه كويتيه وعمري ماسمعت انه بالكويت اماكن غير محترمه وماتصلح للناس

بالمجمعات تلقين الزين والشين حالنا حال كل الدول ولكن الانسان يمشي باحترامه وماله شغل باحد

عذريني على كلامي بس في جم كلمه تفضلتي بكتابتها أثارت غيرتي على بلدي

المجمعات عندج...
المهلب -النقره الشمالي والجنوبي-الافنيوز-الفنار-الصالحيه-مول360-الكوت-سوق شرق-الرايه-المارينا-كويت ماجيك-سليل الجهراء-في وايد مجمعات بالفروانيه بس ماعرفهم صراحه

وعندج طبعا سوق المباركيه فيه اشياء وايد حلوه ورخيصه وان شاء الله يعجبج

مشكورة اختي المزاين وعذرا

بصراحه انا قريت الموضوع واثار تسالات عندى بس الحمد لله مزاين ردت عليج احنا مافى عندنا اماكن غير محترمه والحمدلله وكل ديره ودوله اصبح فيه الى تقولينه واذا تبين تجين الكويت حياج الله اهم شى والحمدلله احنا ماعندناخمور وهذا المهم ولامان وكل الكويت حلوة واهله اهل طيبه واهل ذوق واذا توقفين تسالين الرجال ونساء كلهم بيفيدونج

عذرو ني خواتي والله من ها الي نسمع في العالم ونشوف صرنا نشك بكل شي حسبي الله على ها الاجانب كلشي يدخلونه لبلد المسلمين ومافيه احد كامل في ها الدنيا

عاذرينج يا وخيتي
بس لاتلومينهم من حبهم لاحلى ديره درتنا الكويت فديتها والله
عندج المركز العلمي الاكوابارك المسيله المائية المدينه الترفيهية الشعب والمجمعات ما قصرت اختي المزاين
اماكن رخيصة عندج المباركية والفروانية والفحيحيل
هذا اللي في بالي الحين

الله يعطيش العافيه اختي املي الله زرت الكويت وستانست وشكر المجمعات ودخلت الابراج كانت رحله حلوة في يوم وتعشينى في فريج صويلح وختمنها مسك بدون تسوق لانها غاليه مرة

انفسي ازور الكويت

تبون شقق فندقية او مفروشة بالكويت ورخيصة ونظيفة اتصلوا على السيد محمود 90006113
غرفة وصالة 20 دينار الايام العادية و 30 دينار الاعياد

طريق السفر الملك عبدالعزيز مدخل 211 المهبولة تلفون 0096590006113