يابنات انا ابي رايكم بموضوع حيل مهم بالنسبة لنا مالكم بالطويلة بنت خالتي انخطبت وكثر ما سالوا عن الرجال ما لقوا اخوانها كلام واضح عنه خاصة انه منعزل عن العايلة بس محد سبه ويمدحون عايلته حيل المشكلة الحين انه البنت ما عندها رغبة في الزواج بكبره وتقول كل ما عطيتوني وقت اكثر احسن بس هم ما راح اتخذ القرار تقول ما ادري شفيني ودي اقبل على الزواج مثل البنات بس مو قادرة وتستخير وهم ما اتخذت القرار واهي بموقف محرج لانه خواتها الكبار ولا وحده متزوجة يعني اهلها خاطرهم توافق بس ما يدرون وين الخيرة ولا ودهم يضغطون عليها خاصة انه البنت الوحيدة المتزوجة في هالعايلة تجربتها مو ذاك مع الزواج يعني الكل وده بس خايف والاهم من كل هذا انه ابوها عطى من خطب الرجال بس اخوانها كلموه يمهلهم وقت عشان يسالون وهذا هم يماطلون لانه كثر ما يسالون ما لقوا شي بس قالوا ما يصلي بالمسجد ومو حيل اجتماعي ومستواه التعليمي محدود واهي مخلصة الجامعة وتعرفون كلمة الابو سيف خايفة ترفض وتتكلم عليها الناس انها كسرت كلام ابوها وتخذل اهلها وتسكر باب خواتها ومو قادرة تقول موافقة لانه ما عندها رغبة ومتخوفة نبي شوركم لا تبخلون علينا بالردود والله يجعله في ميزان اعمالكم
هلا اختي . . . خل تستخير رب العالمين . . . ويسألون عن الخاطب في دوامه . . . يعني صفته يبيلها تمحيص اكثر خصوصا انه غامض ولا يصلي وغير اجتماعي !
ربي يكون بعونها عليها ظغط من كل ناحيه والله ياحبيبتي لابد انهم يسألون مره واثنين وثلاث لانه اسمها تامه عند اهلها وااااايد ابرك من كونها مطلقه لا سمح الله خليها تستخير مره ثانيه وربي يجيب اللي فيه الصالح
صباح الورد حبيبتي دام ماخلوا احد ماسألوه واخوانها اكيد بيسألون عدل ولا بيضرونها خليها تستخير وتبين رايي كل وحده تخاف اذا احد خطبها طبيعي اول شي ترفض قولي لها توكل على الله وتوافق وربي يوفقها ويرزقها ويكون لها الزوج الطيب الي يسعدها طيب مايصير تقول لاخوانها ابي اقعد قعده شرعيه تشوفه !!!!!!!!!!!!! خليها تجرب يمكن ترتاح له وطمنيني عليها
والله رايى تحزم امرها وتتوكل على الله والله يوفقها انشالله لوكانت رافضه فعلا كان تكلمت ورفضت بصراحة الحين ماكو خوف وحيا مثل قبل هى تعرف مصلحتها بس دلع تقرر بنفسها والا تبى احد يتزوج مكانها خل تتزوج وخلاص الله يسهل امورها ان شاء الله
الله يسهل عليها ولازم تفكر بالموضوع بجددد وتفكر معا اهلها مو تقعد كذا ساكته ولاتدري شسالفه ولا هم عارفين شقراراها!! تستخير وتدعي ربها يسئلون عنه عند الجيران وبالعمل وبكل مكان والله فى ناس حتى يسئلون عنه بالشرطه يفصفصونه تفصيص مافي شي اسمه محد يعرف عنه شي الا اذا كان شخص منعزل عن الناس وهذا بعد مشكله بالتوفيق يارب
حبيبتي انا من راي ان يسالون عنه اكثر واذا مالقوا جواب عادي سالواا اهله منو ربعه بشنو يقضي وقته عيال عمه اي احد والله يوفقها
والله بقوول راي بصراااحه انا تعليمي احسن من زوجي وحتى وضعي الاجتماعي يعني انا احب اخالط كل النااس ووجب محدوود بعلاقاته الاجتماااعيه بس ولله الحمد حيييييييل زين علي وحيييل طيووووب والمهم ان يتقي ربه فيني عمر الشهااده ماكانت سبب ولا العزل عن الناااس خل تستخييير ربهاااا احسن ولاتحط شغلااات تااافهه جدااام عينهااا عشااان توقف نصيبهاااا الله يوفقهااا لما يحب ويرضى
