عندي اختي تطلقت وتزوجت واحد بس كان شرطة ان مرتة الاولي ماتدري والحين اهو ينام عندها بس خميس وجمعة وباقي الايام يجي المغرب ويروح الفجر مع العلم ان اختي حتي لو يروح لزوجتة يخلي اختي علي الخط مايسكرة عشان ماتحتر وتنقهر المشكلة ان اختي قامت تغار حتي من اتفة الاسباب حتي لو سلام ومو قادرة تتحمل شريجة وزوجها مو مرتاح مع زوجتة الاولي ودايما يتهاوشون واهو ينام بغرفة وازوجتة بغرفة ثانية وما يطلع معاها بس ان صابر عشان عيالة واهو متعلق وايد بعيالة واختي تقول مو قادرة اتحمل شريجة بشنو تنصحونها تضل معاة ولا تهدة وتطلق وعلي فكرة مرتة الاولي تدري ان عندة رفيجة يروحلها ماتدري زوجة ثانية وتنصحونها تدق عليها وتقولها ولا تسكت
لا ليش تستعجل وتدق وتقوول للمراه تخليهاا بحااالها احسن وتدري من زوجهااا احسن من غيره وبعدين اختك ليه ماترضى بقضاها وقدرها الحين جت تقوول مااابي شريجه بعدين لو هو رجال ليه ماقال لام عيااله من البداايه ولا مااالها حق وهي المسكينه تدري ان رجلها راعي سوالف وتقولين عنده رفيقه الا بـ الحلال اهوووون عليهاااا الغافله الامنه المووووهــــــــــــــــــــيم لاتتسرع وتصدم بنت الحلال الله يعينهاا ويصبر قلبهااا ويخلي لهاا اطفاالهاااا
حبيبتي ماادري بصراحه شقولج بس اختج على علم بكل شئ وخليها تتحمل نتيجه قراراتها يعني مثلا لوماخذه مطلق او ارمل مو احسن لها ؟ عالعموم حرام عشان عياله ومستقبلهم وصدقيني الرجال اذا اشتها شئ بيطلع زوجته كلها عيوب وانها مهملة فيه وهذا باين عليه ماقدر العشرة ولاحاول يصلح بزوجته خلي اختج تدير بالها وتستخير على امورها والله يوفقها
ابي ردودكم بنات لان مهمة واللة واختي محتارة حيل وبعدين صج اهي رضت بس اهي متحسفة وقاعدة اقولها تتركة تقول اهو مو مخلي قاصر ويحبها ومخليها ملكة بس الغيرة ذابحتها بتنفجر من كثر البجي
ياحبيبتي الموضوع باين من عنوانه واللي اوله شرط اخره نور هو صارحها من البدايه وقالها شرطه زوجته ماتدري !! هي ليه قبلت باالامر هذا كان فكرت فيه وطلبت علم زوجته ثاني شي هي الي تزوجته وهو متزوج يعني هي الشريكه الخطوه هذي كانت تحتاج منها تفكير كثير وعميييييق بس الحين خلاص كل شي انتهى اذا اختك تحب زوجها وتبيه ترضى بهالوضع لانها بغته من الاول ودام الرجال يبيها ومو مقصر عليها تتحمل ولو تقعد معه وتقوله الى بخاطرها بعد يكون احسن على لااقل يعلم مرته ويوقف وقفة رجال ويحسم الامور ويعدل بينهم في الايام حتى لو زوجته مهملته لان الرجال مايوقف عنده شي بس هو باغيها ولو تفكيره بس بالعيال كان طلق زوجته اللي مبهذلته وحط العيال عند اختك وطبعا اختك ماراح تتحمل هالوضع وبتقول امهم اولى فيهم وبكذا بيدخلون البزران في دوامه لها اول مالها اخر. هي خلها ترتاح وتخلي الامور تمشي مثل ماهي ومافي داعي زوجها حتى يسمعها بالجوال وضعه في بيته هناك لان هذا بيزيدها شرار اهم شي يعلم زوجته بالموضوع ونتهي كل الحكايه ويقسم لاايام بينهم لان الوضع كذا مو عدل والله يعينها
مدري بس اختج ماتدري انه متزوج وعنده عيال ماتدري ان اذا درت زوجته بيصير مشاكل بينه وبينها انا اقولج خل تتركه وهو لو يبي يقول جان قال من زماااان بس شكله خايف على شعوور زوجته الاولى او خايف تاخذ العيال منه لالا تدق نصيحه اللي بتسويه اكيد بيصير فيها بعدين لأن بجذيه راح تسوي مشاكل ويمكن زوجته تاخذ العيال منه بعدين صدقيني راح يكرها وبالاوول والاخير زوجته راح تدري
هلا حبيبتي خليهااااااااااااااااا تتحمل وخليهاااااااااااااا تجبره يقول لزوجته الاولى انه تزوجهااااااااااااااااااااااا عشان يعدل هذا حراااااااااااااااااااام راح تتعب اختج والزوجه الاولى لازم ترضى .................................. تقبلي مروري.............................
الشرع محلل له بأسباب وهو زوجته مهملته فالموضوع واضح خلاص زوجها مالها عذر تسوي عمرها وتناشبه يفهم مرته ويقولها ويعدل بين الثنتين واختك دامها تحبه خلها تحاول قد ماتقدر انها تتأقلم معا الوضع والله يساعدها ويسهل امورها
حبيبتي انا من رايي ان تقوله يصارح زوجته بزواجه لي متى بتقعد بالسر جذي وانا مع اختي اسماء ليش شرط جذي معناته ان يبي عياله يعني لو شنو صار راح يتمسك بعياله لا تحاول تهدم بيته وتتصل على زوجته وصح كلام اختي المزاين الريال لو كره شي يطلع الف عيب فيه يمكن اهو اللي كان مو زين مع مرته وجذي كانت ردة فعلها واختج رضت بهالوضع في حلين يا انها ترضى وتسكت او تنفصل
اي غيرة اختي الله يهداج ، اهي اللي ماخذته من زوجته واهي اللي تغار والله عين قوية ، لا يكون تبيه يطلق الأولى وتشتت عياله عشان ترتاح ، خافوا الله احنا مسلمين والرسول عليه الصلاة والسلام متزوج اكثر من وحده ، منتو احسن من النبي عليه الصلاة والسلام . واهو اصلا لو يبي يطلق الأولي جان طلقها من زمان الرياييل ما يردون على احد ، بس اهو مايبي يطلق ، قولي حق اختج تكسر الشر ترى اهي الدخليه مو ام العيال . خافو الله واذا ما تقدر تتحمل خل تتطلق لكن لا تهدم بيت وتشتت العيال ،
ممكن سؤال؟ هي من شنو تغار بالله الباين من كلامج انه الغلا والوله والحب كله لاختج وهذيج مافي احساس او شعور حلو صوبها يعني بالعرب............قولي لاختج مسكي مينونج وايد احسن لج وبلا خرابيط وافكار مو زينه....انتي الغاليه وعلى قولة البنات اللي اوله شرط....اخره نور هي اختارت برضاها والحين يايه تقول ما اقدر استحمل؟
الله يهديج انتى واختج ابى افهم شكو مسويتها مظلومه واهى ظالمه وحده مسكينه ونا ويه تخرب بيتها بعد واذا تقولين ما لها ذنب واهو الى ركض وراها ذنبها انها وافقت واهى شريكه معاه بالظلم 0 تدرين اختج كانت راضيه على كل شروطه بس لما شافته متعلق فيها صارت طماعه وتبى الريال يكون دايم عندها يعنى عشان حبته وتعلقت فيه لازم تخرب بيت زوجته الى اهيا اصلا دخيله عليهم0 و اذا مستانسه انها يقولها زوجتى ما تهتم و00 تصدقه اسمحيلى اختج واااااااايد ساذجه لانه تتوقعين بيمدح بزوجته يعنى ؟؟ الرياييل اغلبهم يتزوجون لاكثر من مره عشان يرضون نزواتهم يعنى بالعربى البنت الى ما يقدر عليها بالحرام يدش لها من باب الشرع والزواج وانتى خلج محضر خير وانصحيها لا تصير سبب خراب بيت المره لانها ولله احلف لج بتشوف حوبتها اهى واعيالها فيها و يا بخت الى ينام مظلوم مو ظالم0
هلا اختي . . . اذا الريال اوكي وياها ويبي الراحة اللي مو محصلها عند الاولية ليش تفكر بالمشاكل وعوار الراس . . . اهي قبلت بالزواج بهالطريقة خل تشغل نفسها بأمور ثانية . . . والاهم خل تعرف شنو مصيرها اذا حملت ويابت عيال هل بيتم زواجهم بالسر !! مع ان من شروط عقد الزواج الصحيح . . . الاشهار يا اختي . . . هل اشهر زواجه منها والا يبيها فترة وبعدها طلاق !! هذا الامر المهم مو غيرة واتصل بمرته وهالامور . . . خل تقعد وياه وتكلمه وتقوله انها تبي يهال لكن في حالة انجابها هل بيتم زواجهم بالسر ؟!! ولاتنس انها اهي اللي خذت الريال من مرته وبيته وعارفه ان في شريجة لها في هالرجل . . . وربي يقدم لها اللي فيه الخير يارب . . .
لاتندمين :wink_smile:اختي وبدون زعل اقولج خلي اختج تحمد ربها وهي مطلقه صح ورضت من البدايه وخليها تمسك مجنونها لايجي وانت عارفه الباقي بلا خراب بيوت احسن وين تلقي احد يحبها بعدين تحسف تنسي ان لها جاره احسن عشان تعيش بسعاده وهو ماخذها الا عشان يرتاح اذا تطلقت بتزوج يمكن احسن منها واذاهي وين بتلقي احسن منه ولاتزعلين اختج وبتنصحك المصلحتج وانت بكيفك دعواتج لي
