مطعم اوفنتي بالاس

الحمدلله والصلاة والسلام على رسول الله

شلونكم ؟

اليوم باخذكم برحلة سياحية بالكويت ..
خنتسيح بديرتنا ..

بنروح مطعم ..اوفنتي بالاس ..

للي يحبون ستايل قيصر وفايز ..

هذا نفسهم .. بس الصراحة .. كل الاكل الي طلبناه لذيذ ..
والمكان يديد مرتب ..واسعارة زينة .. عادية ..
ونفوسهم حلوة
اهم شي ان الاكل أحلى واحلى

الصراحة كل الاكل اللي طلبناه لذيييييييييييييييييييييييذ
( الا طبق واحد :frown: وهذا مومقياس )

رحت اول مرة 6 اشخاص .. ويوم رحتلة المرة الثانية دوبلناهم .. صرنا 12
خذنا الكبينة الكبيرة ام 18 كرسي.. شراحة و يمعه حلوة ..
حتى يوم قلنا سكرو الموسيقى .. ســـــــــيدة سكروها (اهم شي ...انا ماسمع اغاني)

المهم .. اخليكم مع الاطباق والمطعم ...

العصير أول مرة مسويلنا العصير اشكال .. بس المرة الثانية كان عددنا كبير والظاهر كان عندهم ضغط لان بالعيد .. بس حلو .. مستواه عااااادي .



:teeth_smile:

وهذا طلبي .. ستيك لحم سيزلر مع قطعة دياي داخلة بالجبن والمشروووووووم ممممم



:teeth_smile:

وهذا طبق سي فوود فيه استاكوزا (ام الربيان) .. وربيان واتوقع قطع اسماك ..كله مشوي .. عجييييب



:teeth_smile:

اما هذي الاستاكوزا بالصحن .. بعد القضاء عليها ..



:teeth_smile:

الفيتوشيني .. ولا الذ



:teeth_smile:

طبق تشتش بهامور مشوي .. وربيان مشوي .. ترف وخنين ..يعور القلب ..



:teeth_smile:

اللازانيا .. حلوة .. بس كنت منغثة من الاكل .. ماتحمل اشوف اطباق جدامي
صورتها واهي مقصوصة عشان تبين طبقاتها من داخل



:teeth_smile:

اما الستيك الديانا الدجاج .. يقولون حلو .. ماذقته .. بس دخنه التشتش عيشتني الجو ..



:teeth_smile:

طبعا الشوربة الاشياء الذي منه ما صورتها ..

بس كانت شوربة هوت اند سور بالدجاج أو بالسي فوود عجيبة ..

:teeth_smile:

هذا كان تصويري يوم كنا 6 اشخاص ..
يوم كنا 12 شخص مايمديني اصور .. يالله اتذوق .. و بلع
طبعا اهو اهم ما في المطعم ان يديد واكلة لذيذ

بس اللي محليه اكثر الجمعه .. الله لايفرقنا ..

:teeth_smile:

بحط لكم صورة المطعم ( بس بعدين ان شاء الله ) .. صورتها من كوبون .

اي على فكرة عطونا كل وحدة كوبونات خصم 15% وقوطي كلينيكس ..

هاهاها عشان نرجع مرة ثانية ..

:teeth_smile:

أتمنى أكون فدتكم .. وخذيتكم برحلة حلوة داخل ديرتنا الكويت
شعندنا غير المطاعم ..خخخ

​

شهيتينا وعليج بالعافيه حبيبتي

ممكن تلفون المطعم وعنوانه

الله يديم عليكم لمتكم وجمعتكم يااارب . . .بالأفراااح دوووووم

خوووش أطباااق

غرامي السي فووود

يالا بانتظااار مواااضيعج

عليكم بالعااافية

يمي يمي يمي

بصراحه موضوووع جديييد وفكرة حلوة

اشكرج كل الشكر على هالموضوووع الرائع

واتمنى في كل مرة تروحين فيها مطعم تزودينا بالصور وتعرفينا على مطاعم الكويت المتنوعه وباحلى الاطباق فيها

وما قصرتي يا الغلا

وننتظر جدييييدك بكل حب

تحياتي لك

احلام المتكبرين ​

يمي يمي شكل الاكل لذيذ عليكم بالعافيه

عليكم بالعافيه

إيييي هذا جربته آناو زوجي مره صراحه أكله عجيب حده والمكان راااقي و نفسيتهم حلوه ...

آا جربت البتر جكن..
النان
الستيك بالجبن
العيش الصيني بالخضار يجيييب العافيه ...

سلطة الكول السلو تجييب المرض ...

النودلز لذييذ ...

العصير عادي جدا ما كان فيه أي تميز ...

المقبلات الهنديه من أجار و فلفل .. عادي جدا ..
درجته من 10 :

أعطيه 8 ونص من 10

صح 8 ونص تقدير جدا مناسب حقه ..

انا قبل جم يوم ذقت عندة العيش بالخضار مع صلصة المنغوليا بالربياااان .. تدوخ .
الشوربة ماكانت نفس المستو ى .. شوربة حامض حار لاني طلبتها هالمرة بالخضار .. اهي بالدجاج أو بالسي فود أحلى بوايد.

خبز الناااااان بالجبن ماينشبع منه .. أحلى من خبز الثوم.
والفيتوشيني دسمة حيل بس لذيذة .. انا احب المكرونيات عموما ..
وعصايرهم صح جدا عادية .

حياكم .. نورتوا الموضوع ..
بس حسافة عالصور قامت ماتطلع

وااااي ليش الصور مو طالعتلي

بس بسإلج وين صاير المطعم؟؟؟؟؟

شفتي السالمية مطاعم قيصر و الفايز و أورينتال ؟ اهو بصفتهم
هم بنفس الشارع في بركات هذا مال الكلف ..اذا تعرفينه .

عاد انا حاطة مكانهم و شكل باب المطعم والتلفونات كلة بالصورة .. بس ماتطلع .. قدر الله

أحاول بنات أحطها لكم مرة ثانية ان شاء الله..

مشكووورة حبيبتي