بسم الله الرحمن الرحيم بسم الله والصلاة والسلام ع رسول الله سيدنا محمد علية الصلاة والسلام... اول شي انا توني بجر وكنت مخططه بأشياء ومجهزه حق ولادتي كنت ابي اولد بمستشفى الهادي بغرفة ملكية وادور استاندات والي منه وادور توزيعات من الشهر السادس وانا ادور وحتاسة وصلت لاسبوع 34بسابع وكنت بشقتي مع ريلي قاعدين انشوف تلفزيون جان يقولي روحي ييبيلي ادلاغ عشان بروح النادي انا بس جندست عشان اييب الدلاغ اننهد علي الماي انا انا مو مستوعبه رحت ركضت الحمام عزكم الله اتأكد والا فعلا ماي مادري جان اروح اتسبح وطلعت جان اقول حق ريلي جان يقولي امشي الطبيب رحت عند دكتورة معروفة اتصدقون ما اعرفت واهيا دكتورتي كويتيه قالتلي روحي سوي تخطيط وتحليل وانا عندها اكشفت علي وما اعرفت... المهم ثاني رحت عند اهلي والماء ينزل علي جنه كاتين كوب ماي تحتي قلت حق امي امي تقولي لا ما عليج احتمال التهاباتمو معقوله بعدين يايينا كل اهلي طبعا قاعده معاها الا بدا العوار ظهري وبطني من تحت تحملت لين اطلعوا الساعه 11 بظبط يوم 1_1 _2009 صارت الساعه 11 ونص قلت ما اتحمل لامي وديني الطبيب ودتني وانا فيني طلق للعدان دخلت للدكتور كشف علي جان يقولي مفتوحه 6 سانتي وهذا ماي الهادي باللحظه هاذي اقوله ما ابي اولد اهنيه ودوني مستشفى الهادي يقولي مستشفى الهادي ما يتحملون مسؤلية ام سبعه اشهر ودخلوني والله شفت الموت دخلت الساعه 12 بالضبط طلق ومعاملة السسترات مثل الزفت يزفون وانا ابجي اقولهم انا بجر هذا اول بيبي تقولي يلا ولي وبعدين ولدت 5 و10 دقايق يبت بنتوته سميتها (جنا) ... طبعا قعدت مع بنتي 11 يوم بالمستشفى طلع فيها ميكروب بالدم لما صارت زينه طلعت .. حبيت اوضح لكم خيره لي اني اولد اهناك والحمدالله ع كل حال:tongue::tongue:
مبروك والحمدلله على السلامه وتطلعين من الشر انشالله والحمدلله على كل شيء،وهذي خيره لج انشالله مرات الخاص ألعن من الحكومه. والله يابنات بنت خالتي دشت دار الشفا تبي تولد مافيها شيء وبشهرها والا الحبايب سادحينها بالعنايه. مستشفياتنا الداخل مفقود والخارج مولود هههههههههههه
