السلام عليكم يالعزيزات أبيكم تساعدوني زوجي بسافر وأبي أسويله مفاجأه حق رجعته منو عندها فكرة حلوة ومسويتها بسافر عقب باجر وبيرجع 11/3وقاعدة أفكر من اللحين ؟
يروح ويرد بالسلامة غيري من مظهرج شعرج غيري غرفتج وسوي فيها اضاءات ملونةةةةةةةةةةةة وان شاء الله خواتي بيفيدونج أكثر
يروح ويردلج بالسلامه ان شالله في الليله الهنديه وحده من العضوات كاتبتها ممكن فيدج وانا اقول سوي ليله على طريقتج يعني مثلا ليله صفرا او حمرا او خضرا وخلي الديكور مثل الكفر او الشموع او شغلات الزينه بلون معين مثل الوردي ولبسي وردي وضبطي نفسج وبالتوفيق حبوبه
روحي ايكيا واشتري ناموسيه اللي تتعلق بالسقف ويطيح التور ويغطي جوانب السرير وااايد حلوه، ايكيا عندهم بس اللون الابيض وانتي عاد كمليها اشتري ديباج ابيض وانثري ورد جوري مقطع عالفراش وحطيله هديه، ولازم تسويله عشا على سلامته بينج وبينه او مع اهله