مسائكم خير جميعا خواتي العزيزات عندي مشكلة او بالاصح متضايقه حدي لدرجة البكاء وكثرة تفكير لدرجة نومي مو مضبوط اصحى اشوف روحي افكر وتعبت بجد والسبب اقتراب زواجي بعد اسبوعين ونفسيتي تعبانه طبعا اببعد عن اهلي بس بنفس السعودية وهالشي ذابحني ابي نصيحه لوجه الله وش السوات وهل حالتي ذي طبيعيه توتر يعني قبل الزواج ولا شنو لاتنسوني من دعواتكم الطيبة والله يهدي سري ويصلح شأني
ربي يسعدج ويفرح قلبج بييج يوم بتذكرين هالشعور وتضحكين عليه هذا حال الدنيا وكل وحده لازم تكبر وتتزوج وتفارق احبابها واهلها لدار غير الدار اللي لعبت وضحكت فيها انتي الحين مقبله على حياة جديده ليش خايفه؟وليش تخلين الخوف اول درجه في سلم حياتج الزوجيه فكري بشي ثاني ...يوم العرس وفرحتج ولبسج وزفتج زوج المستقبل وطريقة تعاملج معاه اهل زوجج واشلون تكـسبينهم وايد اشياء حاولي تفكرين فيها علشان ماتشغلين نفسج بالفراق واشلون بيكون ربي يسخر لج ريلج ويسعدج ويالله عاد خلي عنج هالتفكير المو حلو ياحلوه
وسعي صدرك حبيبتي كل البنات كذا بس تختلف من وحده لثانيه لاتفكرين واجد وترهقين نفسك عيشي هالايام وانبسطي لانك بتودعين العزوبيه واشغلي نفسك بالتفكير بالاشياء الحلوه اللي جايتك لانك بتعيشينها مررره وحده بس وهي تجهيزات العرس والحوسه والزفه وشهر العسل وفكري بالامور الحلوه الي بتسعد زوجك والله يوفقك ويتمم عليك وهالدرب كلنا مشينا فيه وتذكرناه وضحكنا.
كلناااااااااااا مرينا بهالشغلة ولازلنا نعيش ولله الحمدلله . . . يعني ركزي ع التجهيزات وشكلج ومكياجج ونفنوفج . . . وتوكلي قبل كل شي على رب العالمين . . . وربي يوفقج في حياتج المقبلة . . . ومبروووك مقدمااااااااااااا . . .
اي والله بييي يوم بتضحكين على هالشهور عادي حياتي لا تحاتييين ان شاء الله خير الله يوفقج ومبروووووووووووووووووك مقدما
