السلام عليكم يا حريم اخباركم يا كرووووشاااات بدخل بالموضوع دايركت بدون ترتيب بس مدري اذا الموضوع مكرر او لا؟ ابي اعرف وش تسوين بعد الولاده يعني وقت النفااااس خلنا نستفيد من بعضنا ونقضي على هالكروش والترهلات وغمااق البشره انا ولادتي قريبه ان شاء الله دعواتكم لي ربي يهون علي لاني منصرعه يعني ابي من كل وحده تدخل تسولف لنا عن تجاربها اللي استفادت منها فعلا والاخطاء اللي سوتها خلنا نستفيد مثل وش اكلتي \ شربتي كيف داويتي الخياطه اذا كنتي قيصريه وكيف داويتي الجرح اذا كنتي طبيعيه استخدمتي مشد ! وأي نوع ! ومتى بدأتي استخدااامه! استخدمتي كريمات لوجهك ورقبتك وافادتك ! سويتي رياضه وش نوعها ومتى بدأتي فيها ! يلا خلنا نسوووولف ولا تسحبون ع الموضوووووووووووووع مع السلااامه :teeth_smile:
هههههههههههههههههههه يا هلاا وغلااا انا مو متزوجه بس ابي اقول لج اللي اشووفه عند خواتي وخالاتي ... اول شي يشربوون اعشااب وياكلون قبوط ومرقووق ههههههههههه وبعدين دويات ههههههههههه يعني بلاوي هههههههههه واخر الاياام يجهزون للطلووعه من الانفااااس وبس اب اب اب
اللله يسهل عليج ويقومج بالسلامة طبعا لازم اللهوم والحلبه بس اول الايام لان تخلي ماي على الرحم والقبوط والعصيده واايد زينه خصوصا حق الرضاعه واهم شي انج تنظمين وجباتج يعني لازم ريوق وغدا عشا مو بس وجبه وحده عادي متني شوي وعقب سوي رجيم ههه ووووو حسووو وايد زين وان شاء الله تحبينه لان انا لاعت جبدي منه وان شاء الله فدتج والبنات ما يقصرووون
انا ولادتي قيصريه كنت احط كريم على العمليه وامي تحطلي مره وكنت اشرب مره شوي واشمها عشان الجرح ما يلتهب طبعا ما سويت رياضيه قويه بس رياضه المشي استخدمت مشد اخر عشرين يوم والعمليه التهبت والدكتور عصب علي وقالي المشد هو الي يسبب ترهل وقالي بس اشفطي بطنج لثواني وكل مره كرري
مشكووورات حبايبي على التفاعل معي بالنسبه للحلبه الله يعيني عليها وعلى الاعشاب الثانيه صراحه اشوف خواتي ريحتهم خايسه بالنفااس ههههه عاد اقول لامي بس باكل بداية النفاس وبعدين مبي بس على فكره وشو القبووووط ماعرفه بالنسبه لخواتي اشوفهم ياكلون الحلبه ومخلوبطه بأشياء ثانيه ويحطونها بدله معا الحليب ومعا الصالونه ومعا العيش الحسااوي اذا تعرفونه لين اخر النفاس وبعدين يحوسون بأنفسهم من حف وصبغ وقص وحناء بس انا ابي اعرف وش الكريمات الي جربتوها حق بشرتكم والمشد هل استخدمتوه ولا صدق يسوي ترهل مثل ماقال دكتور (حبيبة مشعل) انا اشوف الحريم بالمنتديات الي تقول حطت مشد اندنوسي واللي حطت شماغ والي ماحطت شي وبس سوت رياضه عاد قلت نبي نسمع تجاربكم هنا ومتى استخدمتوه انا صراحه لي كرش وعندي ترهلات ابي اشد جسمي وافتح بشرتي
انا عمليه وكنت انظف الجرح بشبه يومي وكنت احط المرااا على اطراف العمليه والخواجوا بعد وكنت اكل مرقوووق فيها حلبه والحبه السوده وكنت اكل عصيده فيها رشاد وفلفل اسود وكنت اشرب حليب فيه دارسين وحلبه وفلفل اسود واكل تمره فيها رشاد واكل مرقت دجاج فيها الادويه واكل الحسوووو وغير الادويه مثل اللهووووم والمردوود واشرب الطبيخه هاذي اطلع الهوا والغازات الي بالبطن ..... وبسسسس هههههههههههههههههههههههه
مشاء الله (شيوختي قلبي) شي حلو وهذي الاشياء فعلا الي اشوفها الله يعطيك الصحه طيب بعد النفاس وش سويتوووو معا بشرتكم وشعركم اللي تساقط معا الرضاعه وجسمكم اللي ترهل يوووه احس الوحده تحتاج ورشه تصليح
وين تفاااعلهم ترانا بحاجتكم دعواتكم لي انا دخلت شهري والله بموت من الخووووف ادعووولي بظهر الغيييب ان الله يسهل ولادتي ويرزقني بطفل سليم عافي معااااااااااااافا حسن الخلقه والخلق
الله يقومج بالسلامه والله انا كنت قيصريه واخذت من وحده لهوم وطبيخه ومردود والله يابنات لمن خلصت النفاس ونمت مع زوجي والله اني جني عروس يعني حتى صراخ صارخت من الضيج الي حصل لي واحيانا اقول يمكن اهما سكروا رحمي مو معقوله الاعشاب جي تسوي بس انا ابي شي للدوره شنو نستخدم
الله يقومج بسلاامه عاد انا ماعرفت بهسوالف الا في اخر ولاده واحده الله يجزيها خير في المستشفى علمتني حتى كنت اغسل الملابس ثالث ورابع يوم وطلع اشرهم بلحوش مع هذاك الهوا والبرد حتى الدلاغات ماكنت البس المهم في اخر ولاده علمتني بهذي الاشياء واحده ورحت شريت لهوووم وحلبه ورشاد كل ادوية النفاس بس ماسويت شي لاني كنت تعبانه وماعندي وقت لهييت الحين اتعالج ايام الدوره
