بسم الله الرحمن الرحيم اقولكم البارحة وش صار معايا رحت عند سلفتي كان عندها جمعة حريم وتعالوا شوفوا الهرج عن الحمل والولادة اه ياربي اربط على قلبي الي تقولي ليه ماحملتى ولي تقولي روحي عند الدكتورة الفلانية وزوجة عم زوجي تقولي زوجك يقولك لاتجيبي اطفال عشان كده قاعدة ما خلفتي وعمتي ام زوجي الله يحفظها تقولي روحي عند الدكتورة الي وحدة من الضيوف راحتلهم وحملت بعد اربع سنين ماشاء الله ربي يتمم لها على خير والله العطيم من وقت ما جيت البيت انا ابكي على حااالي يااااارب رحمتك التى وسعت كل شئ حبيت افضفض لكم لني مره مضايقة
ما علية فديتك هذي مشكلة الحريم بس همهم يتكلمو ومايحسو بالشخص الي يسمع انة يتحسس او يضايق من هذا الكلام سمعي وطنشي فديتك الله يرزقك بالذرية الصالحة الشافية المعافية اجلا غير اجل كثري من الاستغفار والصدقة والله يعطيك ع قد نيتك
الوحده يصير ايمانها بالله قوى ... والله ما ابتلاج الا لانه يحبج كثرى من الاستغفاااار والصدقه وصلاه الليل وروحى لدكاتره مو واحد ولا اثنين ثلاث واربع لين تجيبين نتيجه .. والله يرزقج بالذريه الصااااااااااااااااااااااااااااااالحه ياارب والله ما تدرين وش الخيره فيه...
والله يااخت بنفسج الدكاترة قفلوها بوجهي مالي الا ربي هوالذي يحي العظام وهي رميم شكرا لكي ولكل وحدة ردت وواستني الحمد لله على كل حال
أم روئ ربي يرزقج بالذرية الصالحة والمعافاه وماعليج من كلام وهرج الحريم كثري من الاستغفار الصدقة وصلي قيام الليل وادعي وتوكلي على الله لان من توكل عليه ماخآآب~
هذا كلام الحريم ويمكن يبون يفيدونج عشان تروحين لدكتوره معينه وشاطره بس كل بنت بالوضع هذا تحس انه ناقصها الشي والكل يعايرها ترا صدقيني مو معاير والله
الله يرزقج بالدرية الصالحة ان شاء الله تعالى حبيبتي عليج بالدعاء وكترت الاستغفار وخاصة هدا الدعاء ****رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ***** فضيلة الشيخ المعروف (صالح المغامسي) حفظه الله تعالى في يوم الثلاثاء الموافق 14 من شهر ذي الحجة 1428هـ وكان يقول فيما معنى قوله إن من ابتلي بالعقم .. عليه وهو ساجد أن يتلو تلك الآية العظيمة { رَبِّ لَا تَذَرْنِي فَرْداً و! َأَنتَ خَيْرُ الْوَارِثِينَ } الأنبياء89 ويرددها (40) مرة وهو ساجد في صلاة النافلة ...... ويردد ذلك بنية طلب رزق الذرية..ويستمر عليها كل يوم لماذا بالتحديد (40) مرة? لأن ا! لله تعالى ذكر ذلك العدد في بعض الآيات القرآنية ومنها وعده سبحانه تعالى لموسى عليه السلام ( وَوَاعَدْنَا مُوسَى ثَلاَثِينَ لَيْلَةً وَأَتْمَمْنَاهَا بِعَشْرٍ فَتَمَّ مِيقَاتُ رَبِّهِ أَرْبَعِينَ لَيْلَةً ) الأعراف142 وحيث قال الشيخ المغامسي حفظه الله.. التجارب كثيرة .. وذكر أنه أوصى اثنان من الرجال بهذا الدعاء.. و اتصلوا عليه وبشروه بأن الله رزقهم بالذرية فسبحان الله منقول
خلي ايمانك بالله قوي وكل قدر كتبه الله للانسان فانه لحكمه لا يعلمها الا هو سبحانه (وعسى ان تكرهوا شينا وهو خيرا لكم)
حبيبتي مالج شغل فيهم وهذي سوالف بعض الحريم يا غثهم انا كنت جذي انقهر والله عقب بالطقاق اللي الله كاتبه بيصير وانتي جم صار لج متزوجه ؟ اذا تبين نصيحتي عشان ترتاحين روحي الطبيب بس لا تقولين حق احد حتى امج بس انتي وزوجج وتاكدي وان شاء الله ما فيج الا العااافيه واتفقي مع زوجج ان اي احد يسالج مره ثانيه بتقولين لهم هذا شي خاص واللي الله كاتبه بيصير والا قولي لهم زوجي ما يرضى اتكلم بهالموضوع طبعا بعلم زوجج وادعي ربج بيقييين والله صدقيني ما راح يرد دعائج انا دعيت ربي ورحت الطبيب بس كل مره اروح اقول يا ربي اني متيقنه ان الرزق من عندك والاطباء ماهم الا عبيد لديك يعملون بما كتبته لهم والحمد الله الله استجاب دعائي والله يرزقج بالذريه الصالحه ياااااااااااااااااااااااااااااااااااااااااااااارب
جزاكم الله خير على الردود وللاخت الله املى صارلي تسع سنين متزوجة ولم احمل والسبب من زوجي قرة عيني سويت انابيب مرة ولم تنجح قبل ثلاث سنين وتعالي شوفي نفسيتي مرة تعبت وانهرت بشكل فظيع بس مااقول الا مايرضي ربي الحمد لله قدر الله وماشاء فعل انا لله وانا اليه راجعون
حياتي بعد التوكل علي الله ثم الدكاتره اختي نفسك مسكينه ماحملت يوم اصفوو لها دكتور بالاردن بعمان اسمه المستشفي فرح والدكتور زيد الكيلاني اختي من بعد الله ثم هوو الحين عندها 4 اطفال الحمدلله الله يحفظهم لهااا سوي سيرج بقوقل وشوفي طرشي ايميل لهم عن حالتج وتقاريرج والله يرزقج يارب ويرزق كل محروووم يارب
شكرا ياام نوافي على الرد بس انا مااقدر اروح الاردن عشان التكلفة حتى لما سويت انابيب المرة الاولى فاعل خير تكلف بالعلاج والعملية والحمد لله رب العالمين
