السلام عليكم شلونكم حبيباتي ان شاء الله بخير بنات انا حامل بالشهر الرابع بس طبعآ هذا ثاني بيبي لي بس حددي خايفه من الولاده لان ولادتي في بنتي البجريه كانت صععععبببببه حييييييلللل ثلاث ايام وانا اتولد وبالاخر قيصريه وكنت والله حاسه بالبيبي لمن طلع بس الدكتوره الله يسامحها كانت ادخل البيبي عشان تبي تسوي قيصريه وكانوا السسترات معاملتهم زفته والصراحه كرهت الخاااااااااااااص والحين مادري وين اولد فيه افكر بالعدان بس خايفه ومادري وين اراجع فيه عشان ابي الي اراجع عنده اهو يولدني ان شاء الله ويكون عارف اني مسويه عمليه من قبل وللعلم صارلي سنتين من سويت العمليه ... تكفوووون خواتي ساعدوني جعل ربي يفرج همكم ويرزقكم
شوفي يا قلبي لا تخافين ولا شي ودايم ولادة البجر متعبه حيل .... والولاده الثانيه بتكون وايد حلوه , أنا تقريبا نفسج ببتي الاولى تعبت حيل حتى صار عندي نزيف ونقلوا لي دم وبلاوي ....\ اما لما ولدت الثانيه كنت خايفه حيل ودايم اوسوس خايفه تنعاد التجربه , بس كانت ولاده تهبل حيييييييل دفعتين وطلعت فأنت لا تفكرين لأنج برابع فخايفه , بس توصلين شهرج بتحسين بثقل وتعب وضيق تنفس فبس ودج تولدين , وطمنيني عليج ... ها ما انصحج بالعدان لأنه زفت من قلب , بنت عمتي ولاده فيه , وبعد سبوع من ولادتها تصييييح من بطنها ,, رجعت لهم , ولا طلعوا بوقت الولاده مركبين بربيش البول غلط , { تكرمين } ومسبب لها تلوث بالمثانه أحسن شي بالولاه بالحكومه الصباح , وبالخاص دار الشفا ,,,[ عن تجربتي ]
هلا حبيبتي.... انا بعد ابجري على بالي قاعده اموت واتشهدت... بس الحمدلله الله كتب لي عمر يديد... اول ولاده لي في مستشفى دار الشفا عندالدكتوره معصومه... الولاده الثانيه الحمدلله سسسهلـــــــــــــه وكانت ابمستشفى العرف بالجهرا عند دكتوره مارينا الولاده الثالثه لااله الا الله حسيت بس بأول طلقه لاني كنت ابي ابقا صاحيه ((يعني قويه)) وبعدها اخذت الكماااام حبيب قلبي وكانت ولادتي الثالثه ابمستشفى العرف عند الدكتوره مارينا...
حبيبتي انا مثلج تعسرت ولادتي الاولى وجبت قيصريه والحمد الله واللحين حامل واراجع عند دكتور محمد رشاد ممتاز استشاري وناويه اولد عنده ان شاء الله موجود بمستشفى عاليه الطبي بالمهبوله رحت له لقيت عندهم عرض للولاده الطبيعيه 222 والقيصريه 444 نهاية العرض اخر شهر سبعه بس تقدرين تروحين تحجزين وتدفعين 222 وتولدين عندهم موعد ولادتج انا توني وحجزت ودفعت وخذيت وصل بالمبلغ واذا لاسمح الله صارت قيصريه تدفعين الفرق 220 يعني العرض يبقي معاج دقي عليهم استفسري عن العرض http://t1.gstatic.com/images?q=tbn:ANd9GcQKGHB848TSfQcIv9Pqy6MoGdUBRo_5ndS2RsjkoG-CGO9ceuAqAw علي فكره اختي قبل ولدت بالمستشفي وعند نفس الدكتور وسهالات ان شاء الله
يااقلبي عاادي اعرف ناس واجد حملوا على طول بعد قيصري مو سنة ولاسنتين والله جابوا طبيعي لاتاخافين ادعي ربج وحدة الي يعرف وان شاء الله بعون الله الحقج لاني بعد قيصري وصار لي سنة وربج كريم مرة اخوي ببنتها قالوا لها قيصري علشان طفل عزيز والله ثم الله قالها دكتور بالعدان اتبعي كلامي ومالج شغل باحد والله اتبعت كلامه وولدت طبيعي والحمد الله وجابت احلى بنوتة والله الحمد وربي يقومج بالسلامة انسي الحين واذكري الله واستغفري التساهيل من رب العالمين مو من العبيد يااختي وان شاء الله بعد كم شهر تدخلين تبشرينا بولادتج الطبيعية ياارب يااكريم
الله يسهل عليج ياقلبي انا انصحج ابولادتج الثانية انج تاخذين ابرة الظهر هالابرة وايد تكلمو عنها وذمو فيها وانا كنت خاايفة حييل وبالليل كنت احلم فيها بس يوم جربتها لان عمي دكتور وطمني الحمدالله راااحة مو طبيعية وهالابرة قامو يستخدمونها حق الولادة القيصرية مو بنج كامل والمستشفى الي ولدت فيه السلام و معاملة ولا اروع ترى مو كل مستشقى خاص يعني اهتمام
