أبي حل ساعدوني طالبتكم

ياجماعه انا في حيره من امري وقلق مستمر اتمني من اصحاب العقول الحكيمه مساعدتي والمشوره الطيبه .. اناموظفه وعندي طفلتين اثناء حملي بطفلتي الثانيه سافرت خدامتي لظروف في دولتها واحضرت خادمه اندونيسيه مسترجعه ومنذ دخولها البيت وانا ماني مرتاحه منها المهم كنت اقول حق زوجي ما ابيها يقول انا تعبت من الفرفره خلاص تحمليها المهم تحملتها سنه وعقب السنه قالت انا بسافر رغم انا دافعين فيها 700 دينار واول ما جت قالت ابي اقعد سنتين المهم الظاهر هذا كان اتفاق بينهم هي وصاحب المكتب المهم اول اسبوع قعدته عندي فتشت اغراضها لقيت ملابسي الداخليه خاشتهم بوسط ملابسها وكل فتره تلقط اغراض من بيت اهلي ومن بيتي ما ادري بغرض السرقه ولا عندها غرض ثاني وامي تعطيها من اغراض خواتي القديمه مع اني اقولها يمه انا اشتري لها تقول لا حرام مسكينه المهم يوم سفرها ما عطيتها اي خبرطلعتها من البيت ووديتها عند اهلي وشريت لها ملابس جديده تلبسهم ووديتها السوق خليتها تشتري كل اللي تبي المهم بعد هذا كله وديتها المطارقالت ابي اغراضي اللي في بيتكم قلت لها مافيها اغراض وعطيتها فلوس وقلت لها هذي احسن من الاغراض اخذت الفلوس وقامت تبجي ابي اغراضي اللي في بيتكم وتقول انا ادري انتوا تحبون بناتكم ًشكثرـ خوفتني بهالعباره ـ رغم انها لما جتني من البيت اللي كانت تشتغل فيه ما معاها الا شنطه صغيره فيها دراعه وحده وادوات التنظيف الخاصه رغم انها قاعده عندهم سنه المهم زوجي قالها عطيني عنوانج وانا ادزهم لج وبسرعه عطته العنوان واخذت رقم التلفون والله ياجماعه اني شريت لها اغراض باكثر مماتتوقعون وعطيناها فلوس تسوي اغراضها واكثر والله ماخلاني ارفض رجعوها للبيت الا اني متاكده ميه بالميه انها ماخذه نص اغراضنا والله العالم شنو تبي تسوي فيهم الحين ياجماعه والله اني ميته من الخوف علي بناتي مادري ادز لها اغراضها ولا لأ تكفووووووون ساعدوني لاتبخلون علي بمشورتكم الطيبه

حبيبتي انصحج لاتدزين لها شي لان الاغراض بالاصل تخصكم ومعروفين هالاندنوسيات بسوالف السحر والشعوذه شلون تظمنين ماتسوي باغراضكم شي استخيري احسن نصيحه

حبيبتي لاتطرشيلها شي .. انتي تقولين شريتي لها كل شي واكثر وكل شي جديد

وتقولين احوالج مو اوكي... مالج شغل انسي موضوعها

ودوري ببيتج على بعض الشغلات يمكن لا سمح الله مسوية شي

انا اختي لقت فرشات اسنانها وعيالها الخادمه حاطته بسيفون الحمام ..عزج الله

واذا لقيتي شي ببيتج كلمي شيخ شوفي شتسوين

وان شاء الله مافي الا الخير

مشكورين وجزاكم الله خير خواتي سالي واخترتك بكيفي علي مشورتكم الطيبه بس والله اني خايفه منها علي بناتي رغم اني ماخليتها تاخذ الا كل شي جديد
@فديتكم خواااتيًًًًً@

لاتخافين اختي قل لن يصيبنا الا ماكتبه الله لنا

انتي لاترسلين لها اي شيء ،، وخلي سورة البقره دائما شغاله في بيتك وحاولي تقريها على ماي

وحطيها بمطاره كبيره وكل يوم اشربوا منها وباذن الله مايصيبك الا خير من الله ،، والله هالخدمات

مامنهم الا المشاكل وعوار الراس بس الفصل اللي يجبرنا

ولاتنسي تحصني نفسك وبناتك وزوجك باذكار الصباح والمساء دايما ،، والله يكفيك شرها وشر من شابهها

جزاكي الله الف خير يااختي محترفه ومشكوره عالنصيحه الطيبه فعلا انكم احسن من الخوااات الله يكفيني وياكم وجميع المسلمين شر كل ذي شر ويحمينا ويحرسنا بعينه اللي ماتنام بس حبايبي بغيت اضيف شغله انا لقيت مع اغراضها جم قطعه شاريتهم اهي جدد وفي اغراض لها من جتني وهي معاها بس شغلات بسيطه مادري شسوي فيهم ادري اني طولت عليكم بس ادري ان صدوركم وسيعه والله يجزاكم عني خيرر الجزاء

ربنا يحفظك انتى وبناتك ان شاء الله من كل سوء

الله يحفظتج انت و بناتك من كل سوء ويسترنا و يستر عيالنا و عيال جميع المسلمين باذن الله

عودي نفسج وبناتج وزوجج وحصنيهم با اذكار الصباح والمساء وبتلقين مايسرج