مرحبا بغيت اسألكم تقريبا كمميزانية دبي لمدة اسبوع مصرف من غير مشتريات لان خرعوني يقولون حيل غالية وتقريبا التكاسي اذا مشاوير بو10 دقايق اشكثر ياخذون
هلا حياتي والله دبي غاليه انا وزوجي رحنا 4 ايام اخذنا معنا 1200 دينار ورجعنا ب13 دينار كويتي تصوري000 اذا انتم عايله اخذي معاج 000
اذا ما رح تشترين شي تكفيج 800 وبالنسبه للتكاسى اقل مشوار ب10 دراهم يعني حتى لو مشوارج ب7 او8 بالعداد ياخذ منج 10 هذا نظامهم وتكاسيهم حسب مشوارج وين رح تسكنين
شوفي حبيبتي الميزانيه بيدينكم انتوا اللي تحددونها يعني اكلوا من مطاعم عاديه مثل طقة كنتاكي وماك وبرجر موغاليه والتكاسي اسعارها موحده بس انتوا خلوا روحتكم لاماكن قريبه يم ببعض بيوم واحد واحسن شي تسكنون بفنادق بالسيتي سنتر قريبه من كل شي واحسن تستخدمون المترو حق المجمعات الرئيسيه مثل دبي مول والامارات مول لان المترو يوقف عندهم وبكل مكان تلاقين محطه للمترو..
شوفى حبيبتى انا وبنتى وخواتى الثلاثة وامى واخوى يعنى سبعة اشخاص طلعت التذاكر 200 دينار على الفلاى دبى , واقامتنا بالفندق اربعة ايام بثلاث ليالى فى فندق 5 نجوم وهو كلوب رويال عند نخلة الجميرة ب 140 دينار وهو نظام شقة على البحر . يعنى تذاكر واقامة 340 دينار ل 7 اشخاص . والتكاسى اخذت تقريبا 100 دينار للمدة المذكورة 4 ايام ( من جينا دبى وحنا بالسوق فترتين الصبح والعصر ) اما الاكل فكلفنا تقريبا دون مبالغة 80 دينار , ( الفطور بالشقة لانى اخذت معاى ماجله بسيطة ) وسلامتكم
حبيبتي انا مثلج قالوا ان دبي غالية والتا*** غالي بس كل كلامهم طلع مو صج التا*** بعداد وموغالي سكنت انا وزوجي بفندق الجوهرة غاردن لانه اسلامي مافيه خمر ولا مراقص وليلته 55دينار سفرتنا اربع ايام كلفت علينا 900دينار شامل الت\اكر والفندق والاكل والمواصلات والمشتريات مع العلم انا ماجبت هدايا لاحد
الميزانية انتى تحدينها لاحد يخرعج ويقول دبى غالية ... الريوق فى فنادق ريوقها ب 12 دينار تقريبا وفية ب 6 انتى شنو حادج عليهم روحى الماركت اشترى خفايف وعصاير وكيك وتريقى عليه .. والغدا والعشا بالمطاعم فاست فود نفس سعر الكويت سوالف ماكدونالدز وكنتاكى والبيتزا وهم عندهم مطاعم ايرانية وهندية اذا اشتهيتى عيوش .. والسوق فيه الغالى والرخيص على حسب الماركات .. تروحين وتردين بالسلامة ...
المواصلات غالية عندنا بس تقدرين تستخدمين المترو .. والبترول كل ماله ويغلى ... والاكل والمطاعم وااايد غالية ... يعني شخصين يطلع عليكم قريب ال200 درهم ... وبالنسبة للاسواق في الغالي وفي الوسط وفي الرخيص ودايما عندنا تنزيلات
شوفى دبى غالى للى يبى يتونس ويصرف يعنى اذا رايحه فى شغل تقدرين ما تصرفين التاكسى اى ركبه يبا ب 10 دراهم حتى اذا دقيقه ومطاعم الاكلات السريعه اسعارهم للامانه رخيصه لكن اذا ناويه تروحين سياحه بدون لا تصرفين ما تستانسين انا قبل سنه رحت مع اعيالى واذا بحسب لج العمله بالدينار اخذنا تقريبا11 الف دينار والله يشهد ما بقى معانا الا 200 دينار او اقل وتمينا 8 ايام بس لكن ونااااسه
تعالي دبي وشوفيها بنسبه لاهل دبي مب غاليه وللسياح غاليه لانهم مايندلون الاماكن الرخيصه وانا بالنسبه لي الكويت واااايد غاليه لاني ماعرفت اتشرى الا من سوق شرق زشارع الخليج العربي للعيد مكنت ادور عبايه ما حصلت غسلت عبايتي ولبستهاواول يوم العيد اهل ريلي لابسين وانا بعباتي لان ما حطيت في بالي بعيد واصلا ريلي كان في الخبر عنده دوره في ارامكو وعقبها سرنا الكويت 4ايام بس الحمدلله عرفت شو البس بنتي بدله كلفتني 44دينار بس جلد وكدت لبني 2(((بس عقب مارديت بفتره اكتشفت اني حامل وبنتي عمرها 7شهور
ساعدوني ابي شقق بدبي ؟؟؟؟؟ السلام عليكم خواتي بغيت منكم خدمه اللي عندها خبره بدبي ناويه اسافر انا وعيالي لدبي بعد يومين لكن ماني عارفه وين اسكن ابي شقق تكون اسعارها مناسبه وتكون قريبه عند المجمعات ويعطيكم العافية .........
حبيبتي دبي غاليه كا تا***ي انه يحسبلج بالثانية ... اذا عندج عيال يكفيج على الاقل 1000 ... الانة انا سنة طافت رايحه دبي اذا تبين مشتريات او تشتريت اكيد رااح تكلفج وايد.. خلي مزانيتج محدودة و بسيطة .. وموفقه حبيبيتي ورحلة سعيدة.. وتروحين وتردين بالسلامة
