القصة طويلة شوي بحاول اختصرها أعز صديقاتي حبت واحد طول 7 سنوات رفضت كل اللي تقدم لها ودخلت في مشاكل مع اهلها على شانه لين وافقوا اهلها لانها بنتهم الوحيدة بين 3 اولاد مسكينة في ليلة الخطوبة صارت مشكلة كبيرة افتعلتها خالته وبناتها انتهت الحفله قبل لا تبتدي بمراكز شرطة ومشاكل كبيرة وطبعا هم اهلها تنازلو على شانها وعلى شان الريال لان اعتبروه ولدهم بس اشترط ابوها ان يسون العرس في ديرة اهل امها لان امها من بلد وابوها من بلد ثاني في الخليج طبعا والخليج كله بلد واحد المشكلة ان الريال من بعد الخطوبة بفترة بسيطة تغير عليها يحبها والكل يعرف هالشي بس تغير عليها في كل شي تزوجو وهم بعد الزواج ماتعدل تاخرت في الحمل سنه وشهرين ماخلو فيهم مستشفى ماراحوا مافيهم شي لين عرفو ان اللي فيها ربط من مشكلة الخطوبة المهم تعالجت وحملت وبعد على انه فرح الا انه ماتغير اهم شي عنده امه حتى لو هي على غلط مايرضى يطلعها ولا يخليها تتشرى ولا تلبس على كيفها لا تغار مرت اخوه وتصير مشاكل بين اخو وزوجته وهو يعرف انها بنت عز صارت مشكلة بين امه وبينها على ملابس الجنين شي يخص بنت او ولد وهي ماتبي احد يعرف متفقة مع زوجها حتى امها ماعلمتها قام هو قال حق امه ويابت لها ملابس تزاعلت مع زوجها تخيلو شنو قال لها قال لها إن شاء الله اللي في بطنج يموت عشان نرتاح كل هذا عشان امه قالت له شكل زوجتك مو عاجبينها الملابس بس لانها ركبت شقتها ونست ماشالتهم من الصاله الحين هي ولدت من قبل شهر ونص ونفس الشي ما اهتم فيها ولا في ولده همه اخوانه وامه كل يوم يتعذر بشي رغم انها والده بعمليه وتعبت وايد في الولادة الحين هي نفسيتها دمااااااااااااااار وكله تصيح ومتفشلة من اهلها لان مانفسها يعني ماياب لها شي حق النفاس وهي تقول استحي اقول له هو المفروض يعرف هي للحين في بيت اهلها مارجعت شقتها وامها تبي تكلم امه ولا تدري شتسوي اتمنى تفاعلكم وابي ردودكم باسرع وقت لان من جد حالتها تعور القلب
هلا اختي متأكدة ان ردي بيزعلج وما يرضيج لامها رفيجتج لكن قبل النصيحة يطلبونها الناس ومستغدين يعطون ثمن لها جمل ،شوفي اختي رفيجتج للاسف غلطانه يعني شنو ام ريلي ماتعرف جنس الجنين هذا ام ريلها وبيكون هالطفل حفيدها شنو هالتفاهات في التفكير وقلة العقل اللي فيها يعني الناس بتفرح لها مو حاسدينها الكل عنده اطفال وهالخاله عندها خير وعندها عيال واحب ما عليها تشوف ضنى ولدها وهالمسكينة تعنت وشرت ملابس للبيبي ورفيجتج تافهة تقوم وتخلي الجياس بمكانها خير ليش شفيها كل هذا ان يدة الطفل القادم درت بجنسه !!!!!!تري الرجل يزهقققق من هالسوالف الماصخة والتافهة والله لاتقول لامك شنو البيبي جنسه ليش قلت لامك ليش علمتها ليش وليش مرت اخوك كله حرب وحجي حياتها يعني مو مركزة ع شي مهم ان هالرجل حبيبها وتزوجته رغم اهلها واهو تحمل سوالف مخفر بيوم ملجته وتزوجها حتي لو سبب المشاكل بنات خالته وخالته ماتوصل المخافر. يا اختي كلششش ابسط شي يطردونهم بره اذا قلوا ادبهم زيااادة وبس ،وللاسف بدل ما تسعد هالرجل وتسعده بقدوم اول طفل له بدت سوالف التافاهات لاتقول لامك شنو جنس الجنين اسمحيلي انا قريت موضوعج وسوالفها واحتريتتتت يا اختي قولي لها ريلج زهق منج ومن تفكيرج الضيق اللي صار صار خل تترك خالتها في حالها تحشمها وتقدرها علشان انها مرة عودة وعلشان انها خالتها ام ريلها وخل تتصل بزوجها تعتذر منه وتبدا صفحة يديدة وياه وتقوله هالبيبي بيكون اول سطر في كتاب حياتنا اليديد اللي راح راح وانا بتغير وفعلا كنت غلطانه لما فكرت ما اقول لخالتي سالفة البيبي شنو جنسه ،خل تتلاحق عمرها لا يطلقها تري مافي ابو حديث العهد بالابوه وما يطير باول مولود له الا اذا كان زهققققق ولاعت جبده من سوالف مرته وتفاهاتها *
بالع** حبيبتي اسعدني تفاعلج معاي وكفاية انج تعنيتي ورديتي ربي يوفقج بس ياقلبي لما انتي تتفقين مع ريلج على شي ويقسم لج على كتاب الله انه مايعلم احد وتقسمي له بالمثل ويقوم هو يقول حق امه ويمنعج حتى تشترين شي يبين جنس الجنين عشان امج ماتدري اكيد بتضايقين وهي ماتركتهم هي تلفت في الصاله ماشافتهم ركبت قالت يمكن ريلها اخذهم معاه لولو خالتها عرفت وماخبرت احد مايخالف اخوان ريلها وحريمهم الكل عرف هني السالفة تحر انا ما ادافع عنها لان رفيجتي بالع** انا اختلق الاعذار الى زوجها والشاهد الله هي تحب خالتها وحماتها لان ماعندها خوات بس ان ريلج يطنشج ولا شلون اطلعج وشقول حق بيتنا او لا تشترين اخاف مرت اخوي تطلب من ريلها اولا تطلعين بعدين اخوي يتمشكل مع مرته شي يقهر صح سالفة المخفر هذي خالته اللي كبرت الموضوع ومثل ماقلتي لو طردوها انتهى الموضوع بس ترى هي كانت **ورة خالة رفيجتي وهي ترقص بالتلفون وضربني وبكى وسبقني واشتكى احنا كنا موجودين وشفنا كل شي حتى الجريدة كتبت الموضوع من كبره
هلا اختي نرد لنقطة الزعل اللي اهي سالفة لا تقول ولا تعلم شنو جنس الجنين هالسالفة يا اختي للاسف مالها معني ولا داعي الناس بيفرحون لها لانهم مو غرب هذي ام ريلها وحفيدها بيكون,ولهدرجة توصل فيها تحلف ريلها ع ال**حف اختي رفيجتج يبيلها تقعد مع نفسها وتحاسبها في امور بسيطة لا دقق فيها ولا تهتم وبالسياسة وطولت البال تنحل وبيكون اللي تبيه مشكلة هالجيل ما يصبرون ويبون كل شي ع كيفهم لما يمنعها عن شي تفكر بأسباب المنع ليش وشنو السبب تري الرجل مو نفس المرة يفكر غير وخصوصا اللي توه متزوج تلاقينه ما يعرف لسوالف الحريم ويبيله طولة بال.خل تعوذ من ايبيس رفيجتج وتتصل بزوجها .اهي غلطانه اختي لانها حلفته ع موضوع ما ينخش اصلا واللي مافيه خير لامع مافيه لها لا تكدر ع عمرها وتخسر زوجها علشان سالفة غلط من الاساس وتصبر وريي يهدي النفوس بينهم ويوفقهم
ام عبدالله.......احس فيج وايد عصبتي وانا اكثر منج ربي الشاهد بنات هالوقت اذا تزوجي يبون يملكون الريل باي طريقه صاحبتج هذي يبيلها مو بس تقعد مع روحها....لا يبيلها علاج نفسي بعد ام زوجها امها...اذكر كنت اخلي ام زوجي تروح معاي للسونار علشان تشوف البيبي مع انه علاقتي فيها ماكانت زينه وفي شوية مشاكل بس قلت اشتري راحتي واحاول املك قلبها وابتديت استشيرها بكل شي اسويه مع اني اعرف اسوي كل بروح ومو محتاجه نصيحة احد بس عطيتها اهمية هي محتاجه لها لاني خذيت ولدها وشي طبيعي تبي تفرض رايها علينا صدقيني تغيرت مليون بالاميه وصارت رفيجتي وولدها اللي هو زوجي وااايد استانس على العلاقه اللي بيني وبين امه وبنفس الوقت ملكته لي انا برايي لو تحاول تغير نفسها قبل لاتغير خالتها وايد افضل ربي يسخر لها زوجها ويهديها ويرح بالها
في نظري الموضوع ما يستاهل زعل وكلها كمن شهر والكل بيعرف جنس الجنين وشكلها ام الولد فرحانه بحفيده ف اشترتله ملابس والمفروض هي تفرح مو تزعل ولا اتسوي من الحبه قبه
الموضوع كله صار في لحظة شيطان و للاسف رفيجتج غلطانة ام الزوج تعتبر مثل امها و ليش ما تقولها جنس الجنين ؟؟ اكيد الام تبي تفرح في ولدها قولي لها خافي ربج و شوفي حكمة رب العالمين الله سبحانه رزقها بولد الحين ترضا ولدها يسوي فيها اللي تسويه في ام زوجها ؟؟ ترا الدنيا دواره و كما تدين تدان الحين خلتفرح بضناها و ختخلي المشاكل التافهه على جنب و تعيش حياتها و تفرح بولدها
الموضوع كله صار في لحظة شيطان و للاسف رفيجتج غلطانة ام الزوج تعتبر مثل امها و ليش ما تقولها جنس الجنين ؟؟ اكيد الام تبي تفرح في ولدها قولي لها خافي ربج و شوفي حكمة رب العالمين الله سبحانه رزقها بولد الحين ترضا ولدها يسوي فيها اللي تسويه في ام زوجها ؟؟ ترا الدنيا دواره و كما تدين تدان الحين خلتفرح بضناها و ختخلي المشاكل التافهه على جنب و تعيش حياتها و تفرح بولدها
هلا حبيبتي المزاااين اي والله عصبت صج شنو يعني لاتقول لامك جنس الجنين اهي اول الناس اللي بتفرح لولدها مو عدوة لها . . . لاتذكريني احتر مرة ثانية
