طريقه شرح الدراسه الصحيحه بالصور // حمله نبيها امتياز هالسنه // حياكم لكل المراحل

بسم الله الرحمن الرحيم




اتمنى تستفيدون من موضوعي

العوده للمدارس

هالموضوع سويته عشان الطلبه بأي مرحله حتى لو كانوا بالجامعه

الهدف من الموضوع :

المساعده الطلابيه في امتحانات ، تلخيصات ، ملزمات ، كتب ، حل التقاويم ... الخ
و الرجاء ما تطلعون من محور الموضوع الاساسي
يعني السوالف الجانبيه ممنوعه
الكلام عن مدرسه معينه ممنوع
ذكر اسم مدرسه او دكتور ممنوع
خلي شعار الكليه الي تبين توصلين لها بتوقيعج بالمنتدى او جدام عينج
مثلاً :




مثلاً :
لو كنتي داشه مرحله الصف الثاني عشر و انتي مخلصه كتاب تاريخ و تسألين في كتاب تاريخ ثاني للصف الثاني عشر ، شنو الفرق بين الكتابين ؟
نقدر نجاوب عليج و نقولج ان الصف الحادي عشر التاريخ يتكلم عن الدول الاسلاميه
و الثاني عشر يتكلم عن الدول الاوربيه و الحرب العالميه الالولى و الثانيه

هذي الطريقه اتمنى تكونون فهمتوا و انا كل فتره بنزل اساليب و طرق للدراسه اتمنى تفيدكم

اول شي
الدراسه وناااسه : دايخا قولي هالكلام في بالج ،،


طريقه لبدء الدراسه

نومه الظهر متعبه وااايد و تعطي الانسان كسل خصوصا ان ينام بعد الاكل ( الغدا ) و وقت الليل الي يرتاح فيه جسمه يكون سهران
فالنقطه المهمه في تغيير حياتج الدراسيه تشيلين نومه الظهر نهائياً و بليل تنامين الساعه 10


النقطه الاولى : تحطينلج هدف تبين توصليله : مثلا مدرسه ، مهندسه ، مديره بنك ، دكتوره ، محاميه و حددي تخصصج (( علمي او ادبي ))
الهدف تعلقينه بغرفتج او مكان دايماً تشوفينه

اختاري التخصص المناسب لقدراتج
حابه الرياضيات و الفيزيا و المواد الي تعتمد عالفهم
روحي علمي :






او اذا كنتي تحبين الادبي
و تحبين الحفظ
روحي ادبي :



النقطه الثانيه : بعد الغدا بعد ما تريحين بربع ساعه حلي واجباتج و حظري حق باجر و شربي عصير برتقال طبيعي
•ملاحظه : ري اقري الدرس مو الا تحفظينه صم هالنقطه بتفيد الادبي اكثر من علمي لان الادبي يعتمد عالحفظ و هالنقطه تساعد على تركيز المعلومه

النقطه الثالثه : قعدي بمكان اضاءته عاليه و تكونين فيه بروحج
النقطه الرابعه : حبي المعلومه و حاولي تستقبلينها استقبال صحيح
النقطه الخامسه : سيري صديقه ابلتج قبل ما تكون اهيا ابلتج ،، شاوريها ،، حسسيها مدى اهتمامج بالماده
النقطه السادسه : وازني بأكلج ، لان يأثر على التركيز و الريوووق وايد مهم
النقطه السابعه : قبل طل امتحان درسي و توكلي على الله و شربي عصير برتقال طبيعي و لا تكثرين اكل بليل عشان لا تقلب معدتج الصبح
النقطه الثامنه : اخذي الوقت الكافي و انتي تجاوبين على الاسئله و فهمي السؤال قبل لا تجاوبين عليه عشان تكون اجابتج بمحلها و ذكري دعاء قبل الامتحان

نصيحه :
الدراسه مستحيل تكون جماعيه او بمكان مزعج
درسي بمكان هدوء و يكون غير غرفتج (( لان السرير راح يخليج تنامين ))



حمله ابيكم هالسنه امتياز
و الي مستعده تغير من حياتها للأفضل و تغير مستواها للأعلى تشاركني راح افيدكم بأفكاري المسليه و الجديه بنفس الوقت
ماراح اضغط عليكم و اخليكم تدرسون يوم بيوم عشان لا تكرهون الكميه و تكرهون الدراسه اليوميه
راح ابلش معاكم بجدول حلو و بسيط و اي استفسارات انا حاضره و راح نساعد بعض بالتجمع ان شاء الله
و هالتجمع عام للكل (( يعني كل المراحل الدراسيه ))
و راح اسوي لكم صور على طلباتكم و ذوقكم
تحطونها بالمسن او البي بي او اي مكان تعزز الدراسه فيكم
مثلا :
صوره دكتوره و اكتب يمها : هدفي درسه الطب و طول الوقت شوفي الصوره عشان هدفج يكون جدام عينج

و اول شي الموضوع ابيكم كل فتره و فتره تدشونه تشوفون شنو اليديد فيه حق مصلحتكم

فتره راح انزل مواضيع حلوه تساعدكم و فتره راح انزل مواضيع تفرفش عنكم و تفيدكم بنفس الوقت
يعني راح نسوي الموضوع اجزاء

و اول شي راح ارتب وقتكم مثل ما قتلكم


هذا الترتييب


اول شي القعده و الريوق اهم شي يخليج مصحصحه اكلي اكل صحي و خفيف عشان معدتج تستوعب
ثاني شي تروحون المدرسه
و على ما تردون البيت 2 او 2:30
تتغدون و تريحون
المهم
الساعه 4 تتجهزون حق الدراسه و ابيكم تستانسون من كلمه دراسه
تحلون واجباتكم ، تحضرون تقرون دروسكم ، ماراح ياخذ اكثر من ساعتين و نص
الساعه 6:30 انتوا خالصين
تصكرين الجنطه
تشربين عصير فرش و تطالعين التلفزيون لمده نص ساعه او ساعه
بعدين تسبحين و تقرين جريده و حاولي تاخذين معلومات من الجريده من كل مكان يعني اغلب الصفحات
شوفي شنو الاحداث اليديده ؟ جذي راح تزيد ثقافتج و تقدرين تناقشين مدرساتج بالاحداث و بتتقوين بالقراءه و هالشي لمصلحتج و بتكونين مثقفه
بعدهعا بتكون الساعه 10 حطي راسج و نامي
و اذا عندج فون حطي سايلنت و لا تحطينه يم راسج حطي بعيد عشان ترى التلفون له تأثير كبير عالمخ بعيد الشر عن الجميع
و طالعي الورقه الي كتبتي عليها هدفج ... و نامي على شوفتها و اقري اي سوره عشان تنامين انتي مرتاحه


الي عجبها الموضوع تحطلي ارائها و ان شاء الله نتساعد ​

الموضوع وايد مفيييد

والله يسهلهاا عليناا

بالتوفيق

يعـطيـــــج العـــآفيـــه يــآقلبــــــــي ..

استمـــري المــووضـــوع حــدهـ رووعـــه وومفيـــــد ...

واللــه يوفقــنـــآ ويســهـــل درآستــنـــــآ اجمــعــــــــييين يــآربــ ....


الــــــــــــى الامــــــــــآآآم ..

يعطيج العااافييييه لاتوقفين كملي موضووووووعج رائع فديتج

موضوعك مفيد وبالتوفيق للجميع

يعطيــج العافيه ..

مشكوره حبيبتي

الله يعطيج العافيه يا قلبي

مشكورة جزاك الله خيرا

يعطيج العافية على هالموضوع الرائع
تقبلي مروري

الله يعطيك العافيه يا عمري ودي اكمل معاكم لاني بصراحه من زمان ودي بحاجه زي كذا يعني ابغى شي يشجعني على الدراسه بس في شي ابغا اقوله انو انا من السعوديه فهل تسمحون لي بأني اكمل معاكم لاني تحمست كثييييييييييييييييييييييييييييييييير وودي استفيد منكم (انا انتظر ردكم اذا تسمحون لي اكمل معاكم او لا)

يعطيج العافية قلبي

استمري وحنا معاج

وموفقة انشالله

يعطيج العافيه الموضوع جدا روووعه

مشكووووورهـ ويعطيج العآفيه

الموضووع روعة. وااااصلي الله يجزاج خير

السلام عليكم
بشرى سارة لجميع طلاب المرحلة متوسط وثانوى مذكرات أبويوسف بالكويت الأقوى (أسئلة متوقعة +تلخيص شامل للمنهج+امتحانات محلولة) مشاهدة المرفق 19509