بنات تذكرتوني ,,,, كنت دايم استشير في امور الحمل وهالسوالف طبعا كنت كاتبة قصة ولادتي ببنتي الاولى بالصبااااح , والثانية بدار الشفى ,,, وهالمره قلت ما ابي اقصر على فلوس زوجي لانهم دين فقلت ارخص مستشفى الامومه 350 وقريب حيل على بيتنا ,, وللعلم زوجي قالي خلينا على شي نعرفه احسن من شي ما نعرفه يقصد دار الشفا قلت لالا عااادي الولاده الثالثه اكيد بتكون اسهل لاني مو بجريه , المهم اسموعو رحت المستشفى وانا صار لي 3 اسابيع بتاسع .. وعندي عوار خفيف رحت وقلت خليني استشير دكتورتي { رشيده } على العوار ,,,فحصتني قالت 4 سنتي اصدمتني ارتحت وقالت لي ادخلج الحين وبسرعه ولاده ما اطول عليكم ... صعدت فوق ودخلت الغرفه وقطيت ملابسي ولبسة لبس الموت , استغفر الله وامي يمي تبجي وقلت لها يما انا فرحااانه لاني بفتك ,, المهم نمت ع السرير وزوجي قاعد يمي وقالو له اطلع شوي وحطو البربيش مال البول تكرمون وانا قاعده يعور يذبح ,,, شوي ولا احس بعوار قوي .... ولا اناااادي الغرفه فاااضيه , اقول له شغلو الكمام تكفووون بموت ,, وستتر تتمشى على راحتها وتسولف كمامهم حراااام يسمونه كمام ولا تجي تكتورتي رشيده ولا تفحص وتقول ماشالله 6 سانتي بس انا بحط طلق صناعي قلت لها ليش في طلق ,,," بس يبون فلوس :: طبعا دخلت الساعه 11 بلييل وقلت نادوا امي ,, وانا اصارخ اقول يمااااا احس بطلق قطعني طبعا والكمام علي وامي مسيجينه تقرا علي ودتدعي وصارت الساعه 3 الفجر واصارخ والسسترات طاقينها سوالف وبزاويه ,,, وصارت الساعه 5 الفجر ,, فحصتني الدكتوره ولا تقول مافي تغيير 6 سانتي وانا اصااارخ حيل اي والله وابوس ادين زوجي واقوله بموووت خلاص , ولا قالوا حق زوجي وامي برا شوي خلووووني لي الساعه سبعه الصبح وبروحي بالغرفه لا سستر ولا شي ,,, ولا اشوف العايله كلها فوقي ابوي وامي ومرت اخوي واخوي الكبير ... واخوي الثاني الي لابس لبس جيش ,,, انا شفتهم وتحطمت لا رقابه ولا شي فشله يشوفوني بهالمنظر ودموووعي تصب ولا يجي ,,, ولا تنزل علي رحمة ربي اي والله يجي دكتور شاطر يطلع الجميع الا امي ويشوفني ويقول للسسترات ليش مخلينها بروحها وين السستر المسؤاله ... ويتهاوشون , وانا اصاااااارخ , المهم صارت الساعه 8 الصبح , ولا دكتورتي تخليني وتقول انا خلص شفتي وانتي مو راضيه تولدين ... ولا انا نهرت ابجي واقول ابي اروح البيت وشمخت وجهي بظافري من العوااااار ولا يجي الدكتور قال انتي علي انا بولدج صج تسع ارتفعت حراراتي ونزلها وحرك السسترات الباردات الغبيات ,, ونسوا الحقنه الشرجيه وانا نسيت ما اذكرهم وتبرزت ع نفسي وانتم بكرامه ,,, تقول انا ينسي هذي السستر ويقول انتي الحين 10 سانتي طلع امي برا .... وقالي بس تحسين بخروج دفعي وانا اصاااااااااارخ لان كمامهم ينفخ ع الفاضي ما احس ولا ارجولي تتحاذف بروحهم والراس يطلع ... والدكتور مو موجود راح شوي ... واجا يركض , شوي ولا طلعت بنتي ,,, وابقى اصااااااارخ ولا [ [[[[ علقت المشيمه جنها طلق ثاني ]]]] ولا ع الساعه 10 ونص انا والده .... عاد نمت من التعب , بطلت عيوني ولا مافي احد ,, قعدت اناااادي بتعب سستاااار ولا تقول لي بعد ساعتين نوديج غرفه وبس والله يا بنات والله انها مستشفى فاشله الي يجرب كمام دار الشفى صج كمام روووعه يا حلاتهم وتندمت ما سمعت الكلام وكرهت كل شي حتى بنتي كل ما اتذكر المووت الي صار لي وانا الحين الحمدلله زينه صار لي شهر اي استفسار انا جاهزه
الحمدلله على سلامتج ومبروك ماياج وتتربى بعرج وعز ابوها انشالله أنا ولدت ولدي بالسلام عنايه والسستر حقج بروحج بالغرفه وايد ارتحت وماحسيت بالولاده
مبرووووك ياقلبي وحمد الله على سلامتج وااي الحين اغلبيه الدكاتره بس يبون فلوس مايبون **لحه النااس اهم شي طلعتي انت والبيبي بالسلامه ومره ثانيه روحي للمستشفى الي متعوده عليه انا ولدت بالاحمدي ببنتي وطبعااا على حسب الدكتور الموجود وتعذبت وخلاص انا لاخر لحظه طبيعي بس الله كاتب لي جذيه بس ان شاء الله بعون الله الثاني اذا الله رزقني طبيعي يااارب
يا حياتي الله يسلمج ... بس والله حتى هالقسم ما حبيت ادخله .... الا ابيكم تسفيدون حرام تقطون فلوسكم فيه ,,, وانا طلعت ب 450 ..... والولاده بدار الشفى 480 لو رايحه هناك جان احسن ...... بس الحمدلله ع كل الاحوال
يا قلبي شنو هالمعاناة مأجورة إن شاء الله من رب العالمين خوووش عناية عندهم سولف والعايلة كلها يدشون واااي حده فشيله لكن ربج كريم رزقج بنوته حلوة ربي يجعلها من مواليد الصلاح والفلاح وتكون بارة فيكم وتجربتج ان شاء الله بتفيد البنات اللي يفكرون يروح لها ع الاقل يذكرون السسترات بالحقنة الشرجية والبربيش ثاني مرة طلبي يحطونه لج لما تاخذين كمااام بروحه يذبح
يوووووه للحين ما اصدق اني طلعت منه سالمه يعني اهي غرفة ولاده المفروووض تكون معقمه .... مو مدخلين اخوي بلبس الجيش وتعبان المسكين اهو توأمي ويحبني حيل بس شافني اتألم واصيح جان قعد يمسك اديني ويرجف خخخخخ **ر خاطري ولا بس رجعت البيت صار عندي التهااااب بول من البربيش تكرمون حرقاااان قوي .... خالتي قالت لي كثري سوائل عشان ينظف المجرى وفعلا الحمدلله ...... والله من خوفي عليكم ما حبيت اطلع من هالقسم الا وفايدتكم .... لاني قيل الولاده كنت ابي اي وحده تنصحني بهالقسم والحمدلله انتم ما قصرتوا على الراس والله بس القلييل ما يعرفون عن مستشفى الاموومه نصيحه اخيره { تبون مراجعاتكم مثل السونار أو اشياء بسيطه اوكي خليكم عندهم , لانه اسعارهم رخيصه حيل بسسسسسسس ولاده نوووووووو لاااااااااا ومستحيل ومستشفى الصباااااااح ابرك بمليووون مره
حبايبي الله يسلمكم واسم الدكتور ( فريد ) والي مفكره تولد ، نصيحت اخيتج لا تولدين الصباح ابرك والله لاني جربته بعد واذا تبين الامومه خليج مراجعاتج وسونراتج ، لانهم ارخص ، اما ولاده لا
فديتكم كلكم ياااااااااارب سهل على خواتي المسلمات والي بالمنتدى والي خارج المتتدى وبكل مكان يارب اجعل الولاده عليهم بردا وسلاما كما جعلت النار على نبيك ابراهيم بردا وسلامه ،،، يااااارب يا مستجيب الدعاء اقبل مني ومن اخواتي هنا وهناك الله يسهل عليكم
والمشكله اي احد من الاهل يسأل برا ( بشروا ولدت ؟ ) يقولون له تبي يشوف ماما ادخل ،،، فشله اخواني جو من دواماتهم يسالون والسسترات دخلوهم الي يجرب دار الشفا ( مستحيل ينسى الرعايه حتى يشتاق لولاده ثانيه ) والله دخلت نمت فتحت عيوني ولا بنتي يمي وتقولي لا شفط ولا شي انتي يدفع بس مو حاسه ،،،،، بس ما اقول الا انا الغبييييييييه هههههههههه
الحمدلله علي سلامتش عاد انا ولاداتي الاخيره بدار الشفا ومفكره هالمره بالامومه لانه اقرب لي بس شكلي بنحاش عقب كلامش
انا ولدت فيه وكانت رعايتهم تممممام ع** ولادتي بدار الشفاء صج زفت الله لايعيدها ودكتورتي راجني الله لايحللها
السلام عليكم الحمدالله ع السلامه ومبرووك البيبي والله بالضبط نفس الي صارلي لدرجة محد صدقني انه السسترات يتمشون حواليا مايدرون شالطبخه لاومع نزيف يتفرجون علي هذي مشكلتنا ياحلو الحكومه ولو انه له مساوء والله سالفتج قطعت قلبي والحمدالله على كل حال
