السلام عليكم انا خلصت التاسع تاريخ 5-9 وعطاني الدكتور مهله لحد تاريخ12-9 وامس بس جاني عوار بظهري ومغص رحت الطواري فحصت الرحم مسكر وطمنتني كل شي سليم لكن نبهتني اجي 12-9 لان قبلها ولدت قيصريه والتاخير موزين وماتقدر تعطيني طلق صناعي الا نص تحميله اذا فتح الرحم معاي خوف من القيصريه امس ماخليت شي شربت زعتر كليت اناناس وبلح وامشي من زمااااان واليوم الصبح قمت من عوار بالمبيض اليسار مع الم بالظهر كنت ابجي بسبب المبيض يقرصني لدرجة مااقدر اتحرك ولا اقوم الا اتعور ماخف الاالمغرب كلمت الطبيبه قالت لي المبيض ماله شغل بالولاده اخذي بندول واذا ماخف تعالي المشكله العوار بالمبيض مخليني موقادره اامشي عشان يسهل الولاده ماادري شسوي بحالتي هذي تعبت وابي منكم الحل والدعاااااااء حالتي مايعلم فيها الاالله
هلا اختي ربج كريم وماتشوفين شر اكلي رطب وكثري منه وماعليج منهم ربج كاتب لج ساعة تولدين فيها وحسبة الاطباء مو دايما صحيحة لكن توكلي علي ربج وادعيه وربج كريم بيسهل ولادتج وتبشرينا بسلامتج وسلامة البيبي
مثل ماقالت حبيبة قلبي ام عبدالله لاتحاتين ترى التوتر مو زين لج الحين كل شي له وقت واذا حان هالوقت محد يرده تطمني وناطرينج تبشرينا
اقري سورة مريم على بطنج واكلي تمر وكثري ماي ونطري السهالة من الله كل شي طبيعي وسليم خلاص لاتحاتين ولاتروحين تاريخ 12 -9 متى مانولد بينولد
يابنت الحلال توكلي علا الله وادعي لنفسك ربي يهووون عليك ياما حريم دخلو العاشر وخلصوه واخرتها ولاده وبس الله يسهل عليـــــــــكـ ويقومك بـ السلامه
لا اله الا الله محمد رسول الله صلى الله عليه وسلم... الله يهون عليج يا رب وتقومين بالسلامه ادعي ربج واستغفري والله ان شاء الله يهون عليج لا تخافين ولاشي كل الحريم يمروا بحمالهم بظروف صعب عادي فترة وان شاء الله تهون وماتشوفين شر..
يأقلبي اللله يسهل عليج ويقومج بالسلامة أن شاء اللله اانت والبيبي عليج بكثرة الاستغفار وادعي بالصلاة أنه اللله يسهل عليج وأنت مدام حوضج مو صغير لاتحاتين لأنه إلي حوضها صغير هي راحت تكون قيصري وترا اانت بحساب الدكتورة طلعتي بس ماطلعتي لأنه أهم يحسبون منن أول يوم دورة لاتحاتين وأقري سورة مريم وصح ترا الطلق الصناعي مو زين يعني لاتروحين إلا اانت موصله وأناا إذا اللله رزقني أن شاء اللله ماراح أروح بدري علشان أنا ببنتي قيصري علشان بنتي تعبت والثاني باعون اللَّـ♡ـہٌ ماراح أروح إلا خلاص علشان مايولدوني قيصري مرة ثانية والم صح مو بالمبيض حاوي تقرين على بطنج وربي يسهل عليج أن شاء اللَّـ♡ـہٌ وتدخلين تبشرينا بعون اللَّـ♡ـہٌ
ابشركم ولدت طبيعي الحمدالله بفضل الله وبفضل ردودكم كنت بروح لولا كلامكم ماصبرت الله يحقق لكم ماتتمنون والله يسهلج يا جرحني الزمن وعقبالج يارب انا ولادتي تعسرت حيل والله العالم كانوا حاطين عندي سرير غرفة العمليات خايفين على نبض الجنين حتي اني وقعت على عمليه بس الله اراد وفرجها وكانت اخر الولاده من 6 سانتي عطوني طلق صناعي ووقفو البنج عشان لايضر نبض الجنين كنت مقعده الدكاتره علي اعصابهم اللي يقول نصبر واللي يقول عمليه لان نزل ماي الجنين وماكان فاتح الا سانتي بس الحمدالله طبيعي مثل ماتمنيت وولدت مثل ماحددو 12-9 شربت يومها حليب بالدارسين وبعدها باربع ساعات نزل الماي والله شربته وانا ابجي وخايفه لايضرني لكن فرجها الله
