السلام حبيت اعلمكم عن قصتي في عيالي التوائم الثلاثي كنت أراجع عند مستشفى خاص وصلت الشهر الرابع ورتفع الضغط وضل الضغط مرتفع وتنومت مرتين فى الخاص وآخر مره قالي الدكتور احتمال اتكملين على السابع ونولدج بس عشان التكلفه بتولدين في حكومه او اولدج وانقل البيبيات الى الحاضنات في مستشفى الحكومه قلت أوكي بس انا سألت اذا ارتفع مرة ثانية الضغط قالي تعالي عندي وانزلج الضغط لما توصلين على الأقل نصف السابع ولاتروحين الحكومه عشان لو رحتي راح يولادونج على السادس المهم طلعت من عنده ورحت البيت عشان كان عندي موعد حق مجلس طبي وهناك شيكت على الضغط وتقول ان مرتفع لازم انحطج تحت الملاحظه بس لما رحت الملاحظه واي ملاحظه صارخ وتعذيب نفسي و غرفة الملاحظه عندهم هي مالت الوضع واحسن ماينزل الضغط يرتفع عندج من صارخ اللي يتولدون يمكن في اليوم اللي دخلت فيه يمكن عشرين وحده اكثر وقاعده انادى الممرضات من الزحمه مايلحقون ودكتور طل طله على الماش ومشى شأن ادق على ريلي وقوله ابي اطلع على مسؤليتي ابي اطلع واروح عند دكتوري اللي في الخاص واتصلت اختي عليه في العياده عشان يسقبلني والله ماقصر قالها خليها تيني في العياده بس مارضوا يطلعوني ناديت السستر وقلتلها ابي اطلع على مسؤليتي شأن تنادي على الدكتور رفض يطلعني عشان ضغطج مرتفع حيل قلت شسوي رفعت ايديني لرب العالمين واستخرته وسألت ودعيت و وكلت أمري لله بعدين يتني الدكتوره قالت لازم انولدج عشان هرومونات البيبيات كل ماله تضغط على انزيمات الكبد عندج وراح اتدهور صحتج فلازم عمليه قيصرية على الساعه 10ونصف ياني طبيب التخدير خوش واحد طبيب العملية هم خوش واحد والحمدالله الله سخرهم لي ومن يتوكل على الله هو حسيبه وفي غرفة العمليات شفتهم من بعيد يتراكضون عليهم وماقصروا فيهم والحمدالله واحد منهم ماتحمل توفى على طول والثاني قعد بشيشه اسبوع وتوفى بسبب نزيف في المخ والرئه وكانت حالته من الدرجه الرابعه والحمدالله على كل حال مابقى عندي الا بنت وهى الحين مازالت في الشيشه تحت رحمة ربي ادعوا لها يقومها بسلامه ويشفيها آمين يارب العالمين بس اسمحولي كرعاية ونظافه وعناية لأ والف لأ ماألومهم بسبت الزحمه الناس والحمدالله هذي قصتي مع ولادت التواءم الثلاثي0
الله يطمن قلبج ياحياتي ثبتي فكرة الخاص بببالي اقط فلوسي اريح منهم والله يعوض عليج ياربي ان شا الله تنفعج شفاعتهم يارب انا غطيت فجأة عنكم لاني طحت على بطني بالحمام وخفت حيل وجسمي مزورق وراجعت المستشفى طمنوني الوضع مستتب بس قاعد يجيني الم نفس الطلق الله يستر واحاتي تكفوووون ادعولي الله يتمم علي ولايضيع تعبي ياربي
بسم الله ماشاء الله الله يقومج بسلامه انتي وعيالج بنسبه للولاده الحكومه عشان اذا احتاجو البيبيات حضانه انا ولدت بتؤم بس 2 ولدتهم في الشهر الثامن في الحكومه ولما طلعو الاول بكاء والثاني لا جان عنده نقص ا**جين بس لحقو عليه ولارضو حتى اشوفه وخفت عليه كثير وتمو عندهم شهر ونص يعني في الحكومه افضل للبيبيات اما التعب والتربيه الله يكون بعونج تقولين عندج خدامه وطباخه الله يساعدك صحيح صعب جدا مابعد الولاده وديري بالج على ولدج الاول لا تهملينه وتهتمي بتوام لانج راح تندمي بعدين انصحج عن تجربه الطفل الاول يغار من الي بعده عشان جذي حاولي تهتمي فيه كثير وحببيه باخوانه الله يوفقج ويقومج بسلاامه يارب
سلامات مااتشوفين شر والله يسهلج ويقومج بسلامه والله يسخرلج اطباء بس عليج بالتوكل على الله في كل شئ وعليج بالأستغفار 0
اشكر كل من سال عني سواء بالخاص او العام. ابشركم اني ولدت ولله الحمد يبت ولد وبنتين ولدتهم باول اسبوع بالسابع ادعولهم كلهم حالتهم حرجه بالعناية المركزة ونفسيتي تعبانه حيل شفت الموت بهالولادة لكن الحمدلله على كل حال والخيرة فيما اختاره الله وانا راضيه بحكمة وقضاءة ادعو لعيالي يالغاليات انه الله يقر عيني بحملهم معافيين على صدري الحين صارلهم اسبوعين تقريبا على نفس الحال الرئة ماكتملت مع اني اخذت ابرة الرئة جرعتين ولدتهم بمستشفى الفروانيه.
الله يسلمك ويقومك بالسلامة انتى واطفالك حبيبتي مدام الدكتورة تقول ادا فيهم شي نوديهم للحكومة انا نصيحة مني خليج تولدين بالحكومة احسن وترى الحكومة اضمن لج بعد الله سبحانه لان مرد المستشفيات الخاصة الله لا يقولها ادا صار شي بالام او الاجنة على مستشفى الحكومة فخليج فيه احسن وانا شخصيا والده عيالي كلهم بمستشفى الفروانية وادا عن الازعاج اطلبي لج غرفة خاصة وترتاحين والله يتمم عليج ويسر ولادج ويخليلج عيالج يااااااااااااااارب ويقومج بالسلامة
توليدين بالسلامه ويهون الله عليج بس اذا ولتي بخاص عباله وتعب وصرف بعد بس اذا انتي عمليه احس شي الحكومه نفس رعايه الخاص وممكن سوال ابي اعرف اسم دكتورتج الي عالجتي عندها
اهلين وردة الف مبروك والله يخليهم لك يارب العالمين بس كم اوزانهم تحت الكيلو غالبا بالسابع وبالنسبة للخدج بيخوفون بس لا تسمعين لهم ناس كثير صارو وش حليلهم كانو خدج وها ولدتي طبيعي او قيصري وشلون ولادتك نحاتيك جاوبي ياوردة لا تطنشين
اهلين وردة الف مبروك والله يخليهم لك يارب العالمين بس كم اوزانهم تحت الكيلو غالبا بالسابع وبالنسبة للخدج بيخوفون بس لا تسمعين لهم ناس كثير صارو وش حليلهم كانو خدج وها ولدتي طبيعي او قيصري وشلون ولادتك نحاتيك جاوبي ياوردة لا تطنشين
اسال الله العلي العظيم ان يحفظهم لج وتقومين بالف سلااااامه وادعي ربج 0000وانا له لحافظون 00وحفظا من كل شيطان مارد 000ان كل نفس لما عليها حافظ والله خير حافظ وهو ارحم الراحمين
الله يقومج بالسلامة انشالله ولا يضيق خلقج هذا رزق من الله وانشالله كل شي يتيسر واعتقد الحكومه افضل بهالحاله لان اصلا الخاص اذا صار شي الله لايقدر علي طول يحولونج للحكومه
اقول مالج الا الدكتورة عاليا الفضلي روحيلها وباذن الله راح ترتاحين هي ولدت وحدة باربع توائم والله يقومج بالسلامة
