السلام عليكم بنات عندي بنتي الوسطى عمرها تقريبا سنتين وتسع شهور البنت بس تبجي على اي شي بس تصارخ وعلى اي شي على الحمام لله يكرمكم على لبس على لعب وانا ما استحمل بس اضربها سويت كل شي ارضيها ماكو فايده اعلمها اقولها صرتي كبيره ولله مافيه فايده ايه حتى اذا شافت ناس قامت تبجي واهي خوافه على اي شي تخاف ولله اني محتاره مادري وش اسوي ياليت تفدوني
هلا اختي . . . انتي تصارخين عليها ؟ اذا اي عدلي من سلوكج وياها لا تصارخين تكلمي وياها بهدوء وقربيها منج واحضنيها وقولي لها لما تصارخ عيدي الكلام ماما لكن شوي شوي اذا سويتي جذي بلعب وياج لعبة حلوة لانج بنوته شطورة وتتكلم بصوت حلووو يبيلج تصبرين ولما تبين تلبسينها طلعي 3اختيارات من الملابس وخليها تختار بينهم وربي يصلحها ويهديها يارب
الله يحفظها ليش تطقينها؟؟؟؟؟؟؟؟؟؟؟ وايد صغيره على انها تفهم اللي تبينه منها حاولي معاها بهدوووء وكرري اللي تبينه وقبل هذا كله رقيها باسم الرحمن وشغلي سورة البقره بالبيت وانتي كل ماشفتيها اقري آية الكرسي عليها وكرريها
ولله يابنات سويت كل شي افهمها اكلمها شوي شوي لين اعصب وابد اهاوش واضرب وكل ماخلص شي تطلع علي بشي ولله كانت تبجي من ادخله الحمام ويوم علمتها على حمام ماقمت تبجي وبعدها قامت تبجي على البس لدرجه انها تبي تمشي ماعليها شي مادري ليش وبعدين الحين ماتبي الناس لدرجه تمسك فيني وتبجي وتوسخني وتوسخ نفسها وانا عند الناس حالتي حاله ولا الحين احاتي السنه الجايه لانها راح ادش الروضه احس اني محتاره ولله يابنات اني مرات ابجي منها النوم مانام منها لا صبح ولا حتى القيلوله واهي احسن انها تحب ابوها اكثر مني تسمع من ابوها ولا تسمع مني مادري ليش ولله اني اكلمكم وانا حيل متضايقه ولله كريم ان شالله
السلام عليكم ام شواقه الله يحفظ لج بنتج وتشوفينها عروس ان شاء الله انتي قلتي تحب ابوها اكثر منج معناته انتي تزفينها وتصارخي عليها عشان جذي تنجذب لابوها اكثر منج لازم تعدلي اسلوبج معاها لا تطقينها ابد توها صغيره ولاتخوفيها بصراخج العبي وياها وسولفي وياها حاولي تقربي منها اكثر اقولي لها قصص والفي لها قصص على ان البنت الشطوره ماتصارخ والبنت الشطوره تسمع كلام الماما طلعيها وديها العاب وخليها تلعب مع بيهال بسنها فهميها انها صارت كبيره وما تخاف وانج تزعلي اذا صارخت او خافت من احد كل شي بلهدوء يصلح الله يصلحها لج ويحفظها رب العالمين
