صباح الخير بنوتات العسل صبحكم الله بالخير شلونكم ..؟؟ بنات بما انه معرض العطوور على الابواب وبما اني انا عرووووس نيووووو حابه افيــد واستفيــد .. بأحلى العطووور اللي جربتوهـــا احـــلى لووشنات .. عطــور شرقيه .. او فرنسيـــه عطــر مفارش .. يللله بنات كل وحده نبيها تبدع .. وتطلع ابداعاتهااا وذوقها الخاص في هالموضوووع واكوون ممنووونه بمشاركتكم
بنت خالتي توها عروس شاريه طقم ستيلا وجادور وكم عطر ناسيه اساميهم بس عجبني واحد مرره حلو وخفيف يصلح للصبح بسألها عن اسمه وارد لك خبر فيه عند جنيد عطر رووعه اسمه عُطير الكل يسألني عنه على شكل معجون ترا عطر فرنسي مو عود عندك ألف ليله وليله من أجمل عطر ريما من الماجد للعطور لما تتروشين رشي منه على شعرك من داخل بعدين بخري شعرك بعود وشوفي شلون بتصير ريحة شعرك تجنن كويز من لوي ألين من جيفنشي بلاك اكس اس ch من كارولينا هيريرا Gucci Eau de Parfum II من قوتشي مس سكستي من مس سكستي كل العطور اللي ذكرتها لك عن تجربه وان شاءالله يعجبونك ان شاءالله اذا تذكرت شي برجع لك
بعد قلبي فراشه يسلمج ربي على الرد الحلووو وبسألج وبسأل البنات عن هذا العطر انا عجبني وايد بس في اجد جربه بيتوفل شير وهذه صووورته عجيب وايد وبارد وتبين ريجته بعد ما تبرد
عطرجيفنشي الجديد Absoutely Irrésistible Givenchy توني شاريته من جم يوم من سيفوراللي بالافنيوز حلو عجبني وهي صورته
اولا مبروك وتتهنين انشالله بقولج العطورات المفضله عندي واذا تبين اكثر راسليني على الخااص عندج عطر غلا بأجمل مو بس يجنن شوية عليه هلكلمة وااجد بنات بالمنتدى استعملووه ودعولي وعندج برستييج بالعربية للعود وعندج درووبس بأجمل هم فضيع وعلى فكرة ريحتهم ماتروح من الملابس الا بعد فترة وفي بودرة مع لوشن تلاقينها عند اجمل او اي محل فرنسي اسمه كوكو شانيل وربي تتسبحيين وماتروح ريحته من جسمج** وفي غسول جسم مع شعر مع مرطب مع حمام زيييت مجموعه كاملة في بدي شوب اسمها مجموعة الفراولة جربيها بس اذا مادعيتيلي ماسامحج***** تحياتي
عطوراااااااااااااتي المفضلااااااااااااااا العربيه اقحوان خشب افاق نجد الثرياااا من اجمل الفرنسيه الين كارتير الاحمر تو ونوتو سكسي مع الوشن راند روبس جفنشي بوكس
هاااي انا بعد مثلج عرووس هالسنه وانشالله بروح معرض العطوور مع ان عرسي راح يكون شهر 10 انا بقولج عن جم عطر اولا فرساتشي كرستال اينن و عطر شيخ حلو حق الدراريع وبخوور وهاج من اجمل العطوور الفرنسي مال جفنشي عجبني بس ماتوقع اليديد لان اليديد ماشميته للاسف والن طبعا !! وبلاك اكس س
احلى العطور لهذا الموسم وجت بقوه وعجيبه: الاول : جفنشي الجديد الاحمر الثاني : بلغاري الجديد الثالث: شوبرد الجديد اللي على قلب بزري الرابع : فلور بم البنفسجي الجديد قوي الخامس: بلاك اكس اكس السادس : نينارتشي التفاحه الذهبيه السابع: توم فور للعاريس قوي جدا جدا مع البخور مو طبيعي الثامن: بلاك من عطور الجزيره اللي بالرايه عربي مو طبيعي للعروس المميزه اما البخور : عود ملكي من القرشي + معمول اجمل اللي بالتوله للغرفه+ عود اسيوفي من القرشي تولته26 للعروس لليله الدخله اما معطرات الغرفه : اكوى كوثر+ زينة الفراش+بشرى من الرصاصي ماعليهم كلام يدومون وثابتين كل وحده اخذي منها علبتين ومسك العروس ومسك الطهاره من القرشي اما دهن العود مايبيله كلام من جنيد ماعليه كلام دهن عود جنيد ربع توله ب 18 واما اللوشنات من زهور الريف اللي بعربيد بلازه اخذو مجموعه الكمليه احلى بواجد من بدي شوب وعندهم زيويت للفواحات مو طبيعيه اسمهم مايا ودلع البنات وخلطة زهور الريف للفواحه عجيبه وفي لوشن عجب من جنيد اسمه لمسة اطفال انصحكم فيه يعطي نعومه وشكرا ادري طولت حيل
هلا ياعروس الله يوفقج ويسعدج ويرزقج بالذريه الصالحه ويكتبلج السعاده ويسخرلج زوجج ياااااااااااارب اما اذا تبين عطورات حلوووه عندج هالعطورات عندج عطر بوس الجديد رووووعه وعندج عطر فلور بومب اكثر من روعه وعندج عطر ستيلا وعطر شوبارد وسالوران الجديد وعطر آلوور وعطر الين وامن اللوشنات في لوشن مافي احلى منه عند المنصور بنكهة الكرز سعره رخيص ب 4 دنانير بس يهبببببل يثبت بالجسم والفراش وهذا اللي استخدمهم
تاسكن لذر من توم فورد قوي جدآآ وكانك متبخره احب استخدمه مع عطر فرنسي وستيلا 2 احبه في الصيف اخف من الاول وهابي فزز منعش للصيف مااستغنى عنه ودايسي الاسود هذا اللي اذكره الحين موفقه.
