سلام عليكم ورحمه الله وبركاته قررت الآتي ؟ ؟ ؟ بصراحه الي اشوفه من البنات الي يشتكون من أزواجهم أحس اني تعلمت منهم شغله يعني مثلا نلاقي الزوجه 24 ساعه ماعندها شغل غير زوجها وشلون تسعده وشلون تونسه وبأي طريقه تطيح عليه واهو يخون ابي اعرف شي واحد بس لهدرجه الزوجه فاضيه والا ذاكره زوجها وناسيه نفسها تدرون انا قررت بحيل الله واذا رب العالمين أراد اني اعطيه كل حقوقه بس ماراح ابالغ بالعطاء معاه بأختصار لان الريايل مايترس عينهم غير التراب يعني اذا راح ماأسأله اذا طول بالقعده مع ربعه عادي ماجنه في شي غاثني منه يعني أخلي عندي جو اروح لرفيجاتي اطلع شوبينق اكمل دراستي وانشغل بالامتحانات يعني احسبه انسان عاد أحبه احترمه بس يركبني او يتمادى معاي لا وماابين له نقطه ضعفي أبدآ بالاخير بنات تأيدوني والا ؟؟؟! وشنو الاضافات او النقاط الي تقترحون علي فيها يعطيكم العافيه
امممممممممممم طبعاا كلامج عين العقل ؟ انا عن نفسي ماشيه علي هالنمط ماا ابالغ بسؤالي ليش تاخرت وشحقه وغيره طبعاا حقوقه لازم حق عليج يعني مو بكيفج ؟ وحبيبتي انا اييدج بس اهتمي فيه يعني اذا كان طالع دزيله مسج حلوو يعني مو ناسيتك احبك اشتقتلك وغيرهاا لاتدزين المسجات المعتاده ماتاثر كثر الكلام الي تكتبينه خصصي يوم بالاسبوع طلعه لكم ونصيحه اذا ولا سمح الله حسيتي بخيانته (( لاتقوليله )) وسوي روحج ماتتدرين نهائيااا خليه يحترمج وابدي نقديه اشلون انا اقولج مثال تسولفين معاه تصدق رفيجتي جكت زوجهاا وييييييييع شنو هذاا طلع مراهق جاهل والله لو انا مكانها ما اقعد عنده ثانيه مراهق هذاا مسكين مريض نفسي هذاا فيه نقص ولا ما خان زوجته ويع هيلق ههههه والله بيندم حييييييييييييييل ومع الايام بيبعد عن هالشغله لانج رسختي باله انه الي يخون مريض نفسي مراهق جاهل فهمتي علي الله يوفقج واي سؤال دزيلي عالخااااص موفقه
يسعدلي صباحج ممرضه والله انا من الي اشوفه وترى من طبعي اهتم بالناس وخاصه المقربين علي بس لان اشوف مشاكل الحريم مع ازواجهم كثرت رغم انهم ايدين اصابعه شمع لهم بس احس الريال يحب المره الي تكون ثقيله عازه نفسها وعلى العموم اسعدني تواصلج كثر مااسعدني كلامج
حياتي انتي ومالج شغل بناااس اصابعج مو سواااا وديري بالج علي نفسج من شخص لثاني يختلف الاسلوب والطريقه ان شاء الله يكون زوجج سهل وماتحتارين فيه موفقه يارب
اذا يستاهل ليش لا ماتهتمين فيه وهذا زوجج انت ابخص بطبعه وهل ينعطى وجه والا لا يعني المفروض ماتكتبين يمكن بجذي تخرب علاقتج مع زوجج يعني خليج مثل مانتي لا تعطين واجد تندمين واجد بجيج الحين وحده تخرب عليج وتلعب بعقلج ومادري شنو وانتي حره برايج يعني والله يوفقج
نوووونه حبيبتي لالا تباالغين الزووووج يبي اهتمام من زووجته احيانا بعضهم يتعمد يطلع من البيت بس علشاان يبي يشووف زووجته تدق عليه والا تطنشه !!! يبي يعرف هي تغاار عليه والا كييذا يصير جمووود بعضهم يبي يتهااوش على الطلعه موو علشاان الهواش بس لالا كييذا يحسوون بالوناسه اذا الزووجه تزعل على كثر الطلعه و تباان غيرتهااا الرجل يحب يكوون محور اهتمام للمرأهـ وانتي كييذا راااح تجلطيينه انا معااج بس ما يكووون مباالغه و التطنيش حلوو بس مو بكل مرهـ بعضهم يتمادى ويعجبه الوضع دامه ماخذ حقه منها !!!!!!!!! = = = = = = = = = = = == = = = = = انا ان شاء الله خطتي المستقبليه اني اسوي نظام بالبيت و مثل ماهو له شخصيته انا بعد لي شخصيتي وكمان هالشي ينطبق على البيت ,,,, المعنى الكل عااارف ما له وما عليه اغراضه الخاصه انا احددد لها مكان بما اني مسؤووله البيت :teeth_smile: وهو الله لالا يهينه يحط اغراضه بمكانها المحدد مو معناته ترتيب البيت علي يقعد يحوووس كل مرهـ وملابسه بعد التغيير يحطهااا بركن الغسيل مووو يحذف كل فاانيلا بمكان واقعد الاحقهم ويقوول هذا شغلج لالالا حبيبتي النعال تكرمين مثل ما اخذهم يرجعهم مكانهم و الغسيل ماله يحطه بمكان الغسيل الروووب يعلقه بمكانه بعد الحمام = = = = = = = = == = = = = = = = = = = = = = والنووم حبيبتي لالالالا تطنشينه انا ماراح اخليه البته البته ينااام بروووحه >>>>> ابووك يالتعبير بعدين يتعود ويمكن يجووز له الوضع لازم ما ينام الا على ريحتي علشان ما يستغني عنهااااا بكييذا يعجز ينااام الا وانا عندهـ :wink_smile:>>>> ماراح يسافر بدوووني :74_74: = = = = = = = = = = == = = = = = = = = == وحتى الطلعه ولو بشهر العسل ماراح اطاوعه بكل مكان >>> انا استحي بس هذي نصايح صديقاتي مو بكل مرة يقوول بنطلع تقوولين يالله ومو كل مرة تقوولين لا خليكي وسط مرة طاوعيه ومرة عاندي قوولي لا مالي خلق بجلس بالبيت = == = == == == == == == = == == = = = والاكل لالالالالا يتعود على وتيرة وحدة للاكل يعني مو شرط العشااا دسم و الغداء خفيف او الغدا خفيف او العشا دسم مرة عشااا دسم ومرة خليهاااا شندويتشاات ع الماشي وكذلك الغدا مرة رز ومرة تقشف بس سلطه بالاقنااااع مو تبيني انووو مالك خلق تقوولي انووو مو صحي يكوون كل مرة دسوومه ووووووو اذا في خطط بعد راااح اسدحهاااا هووووون لعيوونك
حبيبتي كلنا قلنا جذي قبل الزواج بنسوي ونفعل بس الواقع غير...يعني لما تصيرين معاه تفكيرج راح يتغير وصدقيني زوجج كثر ماتعطينه حب وحنان صدقيني راح يحبج ويحن عليج والعكس صحيح ولا شرايج؟؟ واذا عالمشاكل اللي تشوفينها هذا ملح الزواج وكل بيت فيه مشاكل..هذا انت الحين قبل لا تروحين عنده تفكرين شتسوين وشلون تتعاملين معاه؟؟شلون لا صرتي عنده وحبيتيه وتعلقتي فيه شبيصير؟؟ الله يوفقج يالغالية ولاتحاتين..الزواج والاستقرار حلوين
صح كلااامج وعين العقل وهذا المفرووض اللي يصير بس طبع الشخص اللي يحب يتملك حبيبه ويحب من قلب اكيد الغيره لازم تكوون موجووده بس بحدووود ومايصير تهملينه وبعدين تقولين ياليت اللي جرا ماكاان ترى زوجج على ماتعوديه عوديته انه مايطلع ومايسهر بره بيضل جذي ويااج طووول العمر عودتيه انج ماتسألين عنه وانه مايهمج راااح يتمدى اكثر واكثر وبعدين ماتقدرين تغيرينه والله يهديه لج ان شاء الله تعيشين بسعاااااااااااده وماتحتاجين هالخطط تمشي حياااتج من ارووع مايكووون من غير تخطيط ...
والله انا اقوول ياحبيبتي يعتمد على شخصيه الزوج نفسه في ازواج شكاكين وفي ازواج حجرين وفي ازواج عصبيين يعني اصابعج مو سوا وبعدين انتي بالبدايه ماتقدرين تخططين شلون تبدين حياتج لين تعرفين زوجج من اي نوع وبعدين اقعدي مع نفسج وخططي وابدعي والله يوفقج ان شاء الله
بنات تدرون ميته ضحك على نفسي طبعا كنت كاتبه الموضوع قبل الزواج وترى بفضح عمري انا غير عن الي كنت اقوله ع** تماما تماما بس عن جد ضحكت تدرون ليش لاني كنت اضحك عالحريم الحين انا نفسهم وبزود يعني صج الوحده ماتعرف شيصير معاها بعدين ,,
الكلام سهل بس الفعل هو اللي صعب اقدر اخطط واقول بسوي وبسوي ووقت الصج انصدم بواقع يجبرني على فعل ما لا اريد عموما ربي يسخر لكم رياييلكم ويسخرهم لكم يارب
