اولا السلام بغيت مساعدتكم انا تزوجت من سنه وشوي تقريبا وريلي اكبر واحد فخوانه بس عنده اخت اكبر منه واصغر واحد باخوانه متزوج من خمس سنين تقريبا للحين مافي مشكله المشكله ان للحين مايابت عيال وقعد تحاول طبعا انا حملت وقلتلها عقب ثالث شهر من حملي للحين كانت طيبه ومافي ايييي مشكله يوم قربت اولد بدت بالسوالف شقتها جبال شقتي ريلي بس يخلص فلم يعطيه لهم وصدفه كان ريلي ماخذ الكرت مال الحوامل وقعد يطالعه وطاح بين الاشرطه وحط الاشرطه يم الباب مال شقتهم وشافته الاخت وقالت اني بحرها وبعدين قالهم شالسالفه السالفه الثانيه اني انا حنطاويه واهي بيييضه فقامت تدزلي برود كاستات عن السمر على اني سمره مع اني مو سمره وثالث سالفه اني انا بس سويت ملجه يعني. بدون عرس قامت تدزلي برود كاست طبعا طويل بس معنا اللي ما سوى عرس حظا اوفر في المره القادمه وانا انبطت جبدي وطفح الكيل قمت وحطيت الستيتاس مالي (الاطفال نعمه الله يرزق كل محروم )وشلته بنفس اللوقت وطبعا اخت ريلي لقطته وعلمت خالتي وصار الغلط علي ولما ريلي قال لاخته شوفي اهي شدازه توقعوا شقالت >>>شهالسخااافه اهي دازته حق الكل تكفون قولولي شسوي معاهم كلهم
لالالا اختي غلطتي المفرروووض انك مااادزيتي لهااا مثل هـ الكلااام خل الغلط يجي منهاا واذا ماااخذتي حقك فـ الدنيااا ربي ياخذه لك بـ الاخره بكيفهاا اهـم شئ زوجك يدري انك مو غلطاانه الناااس بكيفهم من راقب النااس ماات هماا والله يااخيتي يصير لي من المشاااكل حدث ولاحرج بس اتغااظااها واطنش بالمره اقولك امسحي بنها من عندك تفااادياا لمثل هـ البيسياات طولت بـ الكلااام بسس اهم شئ وصل اللي بقوووله والله يوفقك ياحلوه لما يحبه ويرضااهـ
نصيحه كل شي سوية الاانج تجرحينها بسالفه الاطفال والله يوفقج يارب ويهدي مرت حماج واذا هي عقلها على قدها لاتصيرين نفسها واحتسبي الاجرمن رب العالمين
هلا اختي . . . الاخوات ما قصروا . . . لكن شيلي من بالج انها تتعمد تاذيج بمسجات او رسايل وربي يكون بعونها ويرزقها يارب وديري بالج تسوين حركة التوبك مرة ثانية ترى هالشي مو بيدها وربي يخليلج ما عطاج يارب طنشي وحاولي تقولين لها بلاطفه في دكتورة شاطرة او في تحاليل معينة لازم تسويها ولازم ريلها بعد حسسيها انج مهتمة فيها وتحاتينها لكن هالشي بعد ما تهدى النفوس يعني بعد شهرين وطنشي اي تصرف منها وربي يشغلها في نفسها يارب
مشكورين وما قصرتوا بس النشكله طلعتني صغيره بعين اهل ريلي والمشلكله اني ما اعرف ادافع عن نفسي واخت ريلي من عقب ما قالت سخافه وانا حاقده عليها
يمكن قصدها سخافه عن مرت حماج مو عنج عموما لاتعطينهم اعتبار وايد عشان بتتعبين سوي اللي تشوفينه صح وطقي بالناس طوف
شوفى حبيبتى لاتعطينه اكبر من حجمه عشان مايقولون بعدين محتر منه اذا طرشت شى عن السمر قولى والله انج صاجه وخليه تموت من الحره فهمتى ولاتعطين الموضوع اكبر من حجمه فهمتى عشان ماتصيرين انتى الى عليج الحق
اختي الله يجزا البنات خير ماقصرو في الردود اما عني انا حبيبتي فاقلولج خلي عقلج اكبر من عقولهم ولا تحطين دبوبج دوبهم وعليج بالدعاء في ضهر الغيب فانه مستجاب ان شاء الله. الله يرزق مرة حماج بالدرية الصالحة ويرزق اخت زوجج بالزوج الصالح وترى الملائكة ترد ولك بالمتل وخلي امرج بيد رب العالمين واصبري***ان الله معا الصابرين صدق الله العضيم *** والله يوفقج ويسعدج ويتتم عليج بالخير يارب
ناااس عقولهم مريضه .. لو كل واحد يفكر الرزق من الخالق .. ماصارت هالمشاكل .. والواحد يسعى والله يبارك له ..
اختي خلي الحكمه الدائمه عندك هي ادفع بالتي هي احسن--------وخّذيها نصيحهامني عمل الخير عمره مايضيع مهماطالت الايام---وتقبلي مروري
