من فرج عن مسلم فرج الله عنه كربة من كرب يوم القيامة ( جمعية - قطية )

السلام عليكم


شلونكم سيدات الكويت

ترددت في كتابة الموضوع بس بما اني ادري انكم سباقات في الخير صار عندي امل اني القى تجاوب و مساعدة منكم

الموضوع هو اني بنات ابي يشتركون معاي بقطية او جمعية

بتقولون شنو علاقة هذا بالفرج عن المسلم

اقولكم ان في وحدة محتاجة مبلغ ضروري قبل ما يخلص هالشهر و هذا الشهر آآخر مهلة لها و لا بتصير لها سالفة << و انا مو حابة اذكر تفاصيل سالفتها هني بشكل عام

مطلوبة اكثر بس اهيا قدرت تجمع جم الف و في بنات ساعدوها و انا وعدتها بساعدها و ما ودي اتركها بهالظروف لكن ما عندي حاليا فقلت اسوي قطية

و لي الحين ما لقيت احد يدش معاي غير وحدة و مو اكيد عشان جذي كتبت هالموضوع يمكن القى بنات يدشون معاي خصوصا ان ما في وقت لازم تبدأ القطية بهالشهر و ما ادري شسالفتهم الناس الكل مضغوط هالفترة و محد يقدر يدش

فاللي شايفة نفسها تقدر تدش و توفر مبلغ 80 دينار كل شهر ( و بما انه قطية بيرد لها المبلغ اكيد ) و حابة تاخذ اجر على نيتها بتفريج هم البنت او تعرف احد يقدر تراسلني عشان اسجلها معانا

اي جم العدد المطلوب مو محدد بس على الاقل راح يكون العدد من 6 الى 13

و مشكورين ^_^

تفريبا كلامج صحيح بالوقت هذا الناس مضغوطه لأنة عيد و عطله و بعضهم حج
إن شاء الله بس ما انصحج تسوين جمعية بالمنتدى لأ نة صعب الإتفاق والله يوفقج

آمين مشكورة فاصلة

ادري صعب التواصل بس مثل ما قلت لج الوقت يمر و ما لقيت احد لي الحين

بس اذا في بنات اشتركوا بحاول كثر ما اقدر انظم طريقة التواصل و اكيد في بنات هني ثقة و ما يقصرون

حبيبة قلبي
اللي تكلمين عنه اصعب من الصعب
المبلغ لازم يكون موجود كل شهر...اشلون وانتي ماتعرفين البنات اللي هني الا عن طريق نـك كل وحده اختارته لنفسها...واشلون تثقين فيهم واشلون هم يثقون فيج بالاساس؟؟؟؟؟؟؟؟؟؟

أكبر غلط تسوين هالشي بالنت

اذا في وحدة بتشترك اكيد راح يكون في بيننا تواصل بالتلفون و عناوينا راح تكون عند بعض

ما اتوقع راح يكون صعب للهدرجة و السبب الي خلاني ادور هني لان قلت لكم ما في وقت ومحد يبي يدش من الي اعرفهم ما يقدرون و انا وعدت البنت بساعدها ...

هلا اختي . . .

خواتي ما قصروا قالوا نفس اللي بقوله

بهالزمن الناس ما تضمنينهم يعني عادي توهمج بعنوان بيت او بطاقة مدنية مزورة فيها عنوان غير

صحيح وتقط وياج جم شهر وتالي تاخذ قطيتها وبحححح . . .

انصحج لا تضيعين وقتج بالمنتدى ادورين ع مشتركات ابحثي بين اهلج ومعارفج افضل

وحياج الله