قوة بناات بااقوولكم ساالفتي انا ام ريلي منااافقه قداام ولدها تموووت علي ومن ورااه تغثني بكلاامها وحركاتها وال**ييبه ريلي مو **دقني يقولي شلون تقولين جذي وامي تحبج وتحترمج وتبي تحكم بخداامتي مااتبيها تقعد فووق خل تنزل تحت تساعدها للعلم في خدامتين بالبيت غير خدامتي ولا ريلي يقول غصبن عنج الخدامة تنزل تحت وتساعد امي انتي قضبي عياالج مو ياايب عياال عشان تمسكهم خداامة وااااي كرهته هو واهله شااسوي والله مقهووره ولا ال**يبه اني قااعده بين اربع طوف مو راضي ادرس او اتوظف انحااش واخليلها البيت واخرب حياتي وعندي 3 منه يحرشوونه علي وانا اللي انزف واكون الغلطانة لدرجه امس قالي مو عااجبج روحي بيت اهلج اقوا من جذي اهانة عمره ماقتلها لي والله اني مليييت وتعبت شاسوي
انتي تقدرين ت**بين امه بالكلام الزين وبالفعل الطيب شيلها من راسج هذي امه ويمكن تغير عليه لانها تحبها هذا ضناها لاتسوين لها شي خليها على راحتها باجر تعرفين قيمه الام لمن ولدج يتزوج ويصدق كلام مرته ويخليج ساعتها بتشوفين القهر الوان خافي ربج فيها عشان الله ينولج الي في بالج
عزيزتي الغاليه..... شي غريب ...تبين ريلج يوقف معاج عدل؟اشلون وانتي تشتكين له امه اللي ولدته وربته وحبته قبلج وفوق هذا هي معاج اكثر من ممتازه اذا كان موجود ...يعني اللي يشوفه بعينه شي حلو وتيين انتي بعدين تقلبين على سالفه يمكن تكون صحيحه بنظرج بس هو ماشاف اللي تكلمين عنه انا انصحج وانتي على راحتج ونصيحتي ابيج تجربينها بس اسبوووووووع فقط لاغير انصحج...تكونين مبادره بالسلام على امج ريلج وتقولين لها كل ماشفتيها محتاجه شي...تامرين على شي...ناقصج شي...حتى لو كان من ورى قلبج بس حاولي وكله قعدي يمها وناوليها الماي والشاي او على الغدى سإليها شنو ناقصها على السفره اشتري لها هديه عربون الصفحه اليديده اللي بتنفتح بكتاب حياتكم صدقيني ...احيانا الام من حبها لولدها ماتعرف اشلون تتكيف مع زوجته انا ما اطلب منج النفاق بويهه ام ريلج..لا..اطلب منج مساعدتها على التعلم كيف تحبكم احترميها كانها امج ماعلي دوسي على نفسج شوي وجاملي علشان راحتج على فكره الهديه اخذي ريلج وروحي اختاريها معاه وقولي له بروح اشتري هديه لخالتي لاني حاسه اني وايد ضايقتها وابيك تختار معاي الانسب لها...وربي راح تنصدمين من ردة فعله سويي اللي نصحتج وناطره منج الرد
نفس حالتج والله .. بس انا اعاملهم مثل مايعاملوني قدام رجلي امدح بخالتي وبخواته واسوي اي شي يطلبه مني وعمري ماشتكيتله عن اهله لان مهما سوو فيني ماراح يقولهم شي وانا بعد مارضى يصير هالشي لاني اطالع امي مع حريم خواني بكل شي اسويه مع خالتي .. اصبري مع الوقت بتغيرون انشالله ونصيحه مدام رجلك زين معاك طنشي فيهم ولاتخربين حياتك بسبت اهله لان يمكن هذا الي يبونه موفقه حبوبه
