اصنعي كحلك بديك

تحياتي لكم اخواتي ....

اليوم جايبه لكم طريقه يمكن غريبه اغلبكم ماسمع فيها بس طريقه حلوه لصنع كحلك الطبيعي والآستغناء عن اقلام الكحل اللي بالآسواق وانتم تعرفون ان كحل السوق فيه مواد مو كويسه مره للعين وبعضها كثره استعماله يؤذي العين والكحل الطبيعي غير عن جماله وسواده مفيد جدآ للعيون وراحتها
‏ اول شي كحل زيت الزيتون
هذا كحلي اومااستخدم ابد الي بالسوق ويخلي عيني صافيه ومرتاحه ومفيد لرموشي وللنظر
‏ طريقه عمله بس لازم يكون بره البيت يعني بالحوش او مكان مفتوح
هاتي قطعه شاش ابيض تكون قطن هذا شرط اساسي لنجاحه وبلليها بزيت الزيتون
يعني لفي الشاش على شكل اصابع وتكون على حسب الكميه الي تريديها انا اعمل 6 اصبابع
ناخذ كاسة زيت زيتون بكر
نضع الزيت في علبه حديد فاضيه مثل علبة القشطه بس تكون نضيفه ووشايله الاسق الي عليها يعني ماعليها ولا شي
ونغمس اصبع الشاش في الزيت
وبرا الالبيت او في المكان خارجي زي حديقه
نحفر حفره صغيره على مقاس علبة القشطه
ونوقف الشاش في العلبه
ونولع في رؤوس الشاش وناخذ صنيه الامنيوم كبيره ونغغطي العلبه فيها حتى يتجمع الكحل في داخل الصنيه
بس لازم نخلي منفس للشعله حتى لا تطفي النار عن الكحل واتركيه ساعه ساعتين لين تطفي القطعه وبعدين ارفعي الغطا وشوفي بتلاقيت صارت عليه طبقه من البودره السوده حكيها وحتيها ويتلاقين صار عندك كحل عربي وحطيه بعلبه واستخدميه وهذي الطريقه امي تسويها واتمني انكم تجربونها وتدعولي وقولولي وش يصير معاكم
تخلي عيونكي ماشاء الله عليها مادري انتن ايش تستخدمن وانا حبيت اوريكم طريقتي انا واهلي في الكحل
والله انه مايسيح
بعدين نفرغ الكل المتجمع في الصنيه ونضعه في علبة الكحل او المكحله
[/SIZE]




اما هاذي الطريقه هي خليجيه
ماعمري عملتها
الكحل المنزلي الصحي

الادوات اللي نستخدمها في صناعة الكحل هي :
1- مدقة نحاسية ( هاون ) لطحن المواد اللي عندنا طحنا ناعما جدا
2- منخل دقيق جدا لنخل المواد
3- قطعة شاش كبيرة شوي ومطوية اربع او خمس طيات
4- مكحلة عادية بس لازم اختيار ميل المكحلة عن طريق اللمس اذا كان الميل ناعم الملس فهو جيد واذا كان خشن طبعا ما ينفع لأنه يضايق العين عند وضع الكحل فيه .
5-ورقة عادية صغيرة وتطوى من النص ونرجع نفكها لأن اثر الطية يساعدنا بصب الكحل داخل المكحلة .

المقادير :
كحل حجر اصلي من عند العطار بحجم البيضة تماما . و
3حبات من رأس القرنفل (المسمار ) المستدير يعني بس ناخذ الحبة المدورة اللي بالقرنفل ونرمي الباقي. والقرنفل مع الكحل علاج للعين .
صبر ( الأفضل حضرمي واذا مافي استخدمي صبر عادي ) بحجم حبة الفستق. وهي ايضا لعلاج العين وتمتص الحبوب والدمامل .
فحم طبيعي بحجم نص البيضة ( يعطي سواد للكحل ) انتبهوا تحطوا فحم اصطناعي لازم طبيعي .

الطريقة :

1-نطحن المواد المذكورة بالمقادير كل واحد لوحده .
2- نبدأ بطحن الكحل جيدا بالهاون ويطحن ناعما جدا ونقوم بنخله بمنخل 5 مرات او اكثر ثم ننخله بشاش او قطعة قماش مطوية كما ذكرت لكم وينخل 10 مرات او اكثر حتى تنزل الشوائب اللي لونها فضي لأن الشوائب اذا فضلت بالكحل فانها بتوجع العين .
3- نطحن القرنفل والصبر والفحم وينخل بنفس طريقة الكحل الحجر
4- نخلط المواد مع بعض ونرجع ننخلها 5 او 6 مرات بالشاش حتى يصير ناعم جدا وتزول الشوائب تماما .
5- اختبر الآن الكحل بوضع ميل بوسط الكحل واكحل عينك فيه ونلاحظ اذا حسينا بشوائب بالعين يعني لازم نرجع وننخل من جديد واذا ما حسينا بشئ فالكحل جاهز للأستعمال .
ولما ننتهي من عمل الكحل نحضر مكحلة او اثنتين ونحضر الورقة اللي طويناها من النص ونضع الكحل بمكان اثر الطية ونضع طرف الورقة على رأس المكحلة فينزل الكحل للمكحلة بسهولة .


إن شاء الله تعجبكم

يعطيك العافيه قلبي

يعطيك الف الف الف عاأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأفيه موضوع شيق ورائع