مساء الخير للجميع عندي مشكله ارجوكم ساعدوني اتعرفت على شاب اردني من 3 سنوات واتطورت العلاقه بيني وبينه بشكل كبير واصبحنا نتحدث بالساعات .... مع العلم بانه شاب جميل وجذاب جدا وولد عيله ماهو بحاجة شي صرت احبه وهو يحبني جاني زياره الكويت وشفته متحاتينا وزاد حبي اله بشكل كبير مشكلتي انه يريد يتزوجني لكن مايبي يعيش بالكويت يريد ياخذني الاردن واهلي يرفضون فكرة اني اتزوج واعيش في الغربه وانا اقول اريد اعيش معاه ساعه واموت حتى اني تعلمت لهجته مع العلم انها مو مختلفه شي كثير عن لهجتنا اخذ عقلي وكل تفكيري وما اقدر انام لزوم اسمع صوته قبل النوم وااتصبح بصوته انا مقهووووووووووره وما اعرف شسوي ارجوكم ساعدوني :emoticon_U:
حبيبة قلبي اذا انتي راضيه بزواجج وسفرج معاه صدقيني راح تقدرين تقنعين اهلج حاولي معاهم وشوفي شنو ربي قاسم لج
يابنت الحلال انتي ببلدك قويه بين اهلك لاكن بالغربه بتكوني بروحك فكري فيها واذا يحبك نفس حبك هو يضحي عشانك
حبيبتي الزواج الناجح لازم ينبني على التكافؤ وانتوا من البداية مو متفقين وكل واحد فيكم يبي يعيش في بلده واذا واحد فيكم تنازل راح يحن لبلده مع الوقت انا اقول فكري عدل قبل لا تتخذين قرار تندمين عليه طول عمرج والعيشه في الغربةمعناتها انج تكونين بدون ظهر اوسند الله يوفقج وينولج مرادج
اختي اذا اهو زين ويصلي وقريب من ربه فحاولي تقنع اهلج واستخيري اهم شي يكون **لي وملتزم واخلاقه عاليه اهم شي الخلق والدين ام اهلج راح تقدري تقنعيهم لانها حياتج هذي انتي الي تختاريها
اذا انتى تحبينه و اهو انسان خلوووق و اهم شي انه شايف خير مو طمعان بشي عندج ف خلاص تقدرين تقنعين اهلج و شوفي حطي ابالج لو اهو نصيييبج بتاخذينه غصبن عالكل و لو اهو مو نصيبج لو شبتسويييييين مراح تتزوجينه ف بالنهايه ردي لربج و استخيري كذااا مره و شوفي شصير معاج
هلا اختي . . . طيب خلي قلبج شوي بعيد . . . واتركي عنج انه حلو وجذاب ترى الشكل مطلوب لكن مو سبب تعلقج فيه . . . الاردن دولة عربية وصديقة لكن مستوى المعيشة هناك متذبذب ناس فوق وناس بالغصب عايشين وناس حالتهم المادية تعبانة . . . انتي الان ببلدج ومرتاحة وكل شي متوفر لج هناك حتى الماي يشترونه للشرب والغسيل والاستحمام غير غلاء معيشتهم . . . اختي الحب شي والزواج شي . . . لما احب اعيش قصة حلوة ومشاعر طيبة واتمنى هالفارس اللي احبه يتقدم لي وان تقدم لي حبيته اكثر واكون مستعدة اواجه اكل علشان يوافقون واتزوجه . . . لكن ان كان هالفارس مو من جنسيتي ولا بلدي اهنيه افكر مليون مرة قبل ما انجرف في مشاعري واتهور واتزوجه الزواج واقع يبيله تكافؤ اهم شي في المستوى العقلي والفكري والمعيشي . . . لا تتهورين وتقدمين ع خطوة بتعانين منها بعدين . . . فكري في حالته المادية شهادته هل هو مسؤول عن اهله في الصرف والمعيشة هل هو مقتدر يعيشج في شقة ويدفع اجارها ؟ والاهم والمهم استخيري ربج . . .
انا من رائ ام عبدالله خلي قلبج علي صوب وفكري لا يبتي عيال اشلون بيكون **يرهم ؟ ترا حلات الثوب رقعته منه وفيه .. والنعم بكل الدول العربيه بس يختي ما ادري ما اشوفها حلوه تتغربين وانتي عايشه لحمدلله ومستقره بديرتج .. فكري واستخيري .. وعسى الله يوفقج .
يابنات القصه مش قصة اكل وشرب وغلاء صدقيني اختي لو لكي نصيب فيه بتاخذيه غصب عن الكل انا اختي كانت تحب ولد خالتي وهو في الغربه وطلب ايدها بس اخواني ما وافقو لا نهابتكون في غربه مع انها مع خالاتي وخوالي وماتدري الزمن مخبي لك ايش وهي هي تزوجت ومعها 4 اطفال صدقيني لما تكوني قريبه من اهلك وبين عزوتك وخوانك افضل فيه ناس حبو وتزوجو ولاكن مافيه تفاهم واخيرا اقول استخيري
حبيبتي عادي انا متزوجه سويسري وراح اعيش معاه بديرته دام تحبون بعض ومتفاهمين ان شاء الله ما تحسين بغربه واهلج فهميهم ان هذا مستقبلج وان شاء الله يكون على قدر المسؤوليه
حبيبتي انا عن نفسي متزوجة واحد مو من بلدي وعايشة معه بالغربة هون بالكويت والحمد لله حاططني بعيونه عمري ما اشتكيت منه انتي لو مقتنعة بيه بتعرفي تقنعين اهلك وكمان والاهم لو ربنا ارد انكم تتزوجو ببلدك وتوثقين عقدك من سفارات بلدك وبلده وبالتالي بتكون عندك نفس الحقوق لو انتي عايشة بديرتك
لو تزوجتي واحد كويتي من بلادج بيكوون احسن بوايد اهلج ربيعاتج بيكونون دوم و يااج و فبلاد وحده بتكونون و لو سافرتي الاردن انتي منو تعرفين هنااك غير اللي تبين تتزوجينه ؟! و انتي كيف بتعيشين هنااك ما تعرفين و لا حد انتي راضيه عيالج يكونون اردنيين ؟! راضيه اتمين طول عمرج فالاردن ؟! راضيه شريك حياتج يكون من الاردن ؟! اذا كنتي راضيه اقنعي اهلج و صلي صلاة الاستخاره
انا كنت نفس حالتج ف البداايه اهلي ماوافقوا اني اعيش بعيد عنهم لان زوجي اماراتي وانا كويتيه لاكن بعد مااتعرفوا اهلي ع زوجي و اهل زوجي وتمينا واايد انرووح الامارات للسياحه وجيه يعني اهلي واافقوا ... خصوصا ان زوجي و اهل زوجي طيبين و متفااهمين و عسى الله يوفقج و يسعدج ف الدنيا و الاخره
