تحبين اكل البطاط تعالي..

السلام عليكم بناااات
شرايكم بنات نسوي مشورع نسميه مشروع البطاطا يعني كل وحده عندها فكره يديه للبطاط تضيفها لنا هني وانا بكون اول وحده ... ويايبه لكم عمل البطاط اللي يسوونه بيتزا هت .. وهذي المقادير والطريقة
المقادير:

بطاطا
كاس دقيق
2 ملعقه بيكنج بودر
ملعقه شطه
ملعقة كركم
ملح حسب الرغبه
ماء


الطريقة:

- تقطع البطاطا بشكل عيدان (مثل طريقة المطعم) و توضع في قدر .
- تخلط المقادير السابقه جيدا في قدر و يضاف الماء حتى يتكون لدينا خليط متوسط السمك .
- يوضع الخليط على البطاطا و تقلب جيداَ .
- تغطى البطاطا و تترك لمدة نصف ساعه .
- تقلى البطاطا بالزيت , ثم يصفى من الزيت و يقدم .
وللامانه الطريقه منقوووله .

افااااا ولا رد منكم يا بنات ... وينكم ؟؟

والله شكلها بتصير حلوة بس للاسف انا طباخة فاشلة ههه
تسلمين

يسلمووو حبيبتي على الاقل فيه احد عبرني ورد هههه
واذا على الطبخ كلنا في الهوى سوى ... بس نحاول لو بشي بسيط مثل المقبلات والبطاااااااااطااااااااااا هههههه شكلي ينييت هههههههه

تسلمين يااارب

طريقة سهلة بنجربها -بإذن الله -

مشكورة اختي عالموضوع .. انا اول ما قريت العنوان على طول دشيت لاني من اكبر محبي البطاط لوول

انا اكتشفت اشلون يسوون البطاط اللي بجيس اللي يبيعونه بالجمعية

اتقصين البطاط شرايح ضعيفة حيل باي طريقة اتحبين

تقلين البطاط عادي بس ما اتخلينه بالدهن وايد عشان ما يحترق

بعدها اترشين عليه على طول اي شي يعني مثلا ملح او فلفل اسود يعني اللي تبينه

و بعدين تاكلينه و العافية

انا اكتشفت هالحركة قبل ما اشوفها بالتلفزيون << لوول ماشالله علي

و ثانيا عندي طريقة اتخلي طعم البطاط احلى و شوي مقرمش

اتقصين البطاط عادي يعني على شكل اصابع و اتنقعينه بماي وفيه ملح شوي و بعدين تقلينه

و هم البطاط اللي يبيعونه المشوي طريقته سهلة

ان تشوين البطاط بالفرن و اتحطينها بعدين بصحن و اتبطلينها و اتحطين جبن فيها

امبيه من صج انا من اكبر مجبي البطاط ماشالله

يعطيج العافية اختي و انشالله اكون فدتج بالطرق اللي ذكرتها

اي اتذكرت

و على سالفة بطاط المطاعم

انا اكتشفت طريقة نفسها تقريبا

اتغسلين البطاط من بره عدل و اتقصينه مع قشوره و تقلينه

و سمعت ان لو فوحتيه شوي و بعدين قليتي يضبط اكثر بس هالشغلة ما جربتها

اجربها انشالله و اقولكم اذا نجحت ولا لاء

يسلمووووو حبيبتي على مرورك الكريم اللي يزيدني شرف .... جربيها وان شاء الله تعجبج

وااااااااو ..... بجرب طريقتج ومشكووورة وااايد على مرورج وعلى المعلومات والطريقه للبطااااطاااا ... يم يم
يسلمووووووو مرة ثانية حبيبتي ,,,,,, هياااااا بطاااطااااا ههههههههههههههه

جربيها وقوليلي ,,,,, يمممم يمممم بطاااطااااا

يالله بناااات وين افكاركم للبطااااط .. خلونا نستفيد ونفيدكم

بجربها باجر انشالله لان يمعتنا

اذا ما شفت اثار جانبية اقولكم << لووول اتغشمر

انا عادة الطبخ ما يضبط معاي من اول مرة

راح اجربها انشالله اكثر من مرة و لمن تضبط معاي راح اقولكم باقرب فرصة انشالله

امبييه انا وايد احب ابدع بالبطاط لوول

يبيييييله بطاااطاااا ... شكلنا ينيينا مع مشروعنا بطاطا يا بطاطا ههههههههه
بس ناطره تجربتج حتى اذا ما اضبطت معاج .. علمينااا

اوكي انشالله

اتذكرت طريقة ثانية حق البطاط اختي سوتلي اياه وايد عجبني ماشالله كان لذيذ (تسلم ايدها )

اتفوحين البطاط و بعدين اتحطينه بصحن و اتشيلين القشر عنه و تهرسينه

تطبخين اللحم عادي مثل ما تطبخين لحم المعكرونية

و يعدين اتييبين البايركس و تدهنينه بزيت القلي او اي دهن و بعدين اتحطين طبقة من اللحم و فوقه طبقة من البطاط و فوقه طبقة من اللحم و اخر شي طبقة بطاط اتحطين فوقه شوي خبر العادي و يكون مقطع لي قطع تقريبا صغار و اتوزعينه فوق البطاط و اتحطينه بالفرن شوي عشان يتحمش الخبر و بعدين طلعيه و بالعافية

اختي تعرفني اموت على البطاط لوول

انشالله اتكون عاجبتج الطرق اللي ذكرتها اختي اسرااار

و على مشروع البطاط

انا اول وحدة ادعم هالمشروع معاج لوول

والله ماني فاهمه الطريقه
احنا نقلي البطاط بعدين نحط فوقه الخليط والا شلون؟

عندي طريقة وايد حلوة للبطاطا وصحية:
أول شيء قطعي البطاطا قطع طولية كبيرة يعني تقريبا الوحدة 4 او 6 قطع وبعدين اسلقيهم مع ملح او شويهم بالفرن مع شوي زيت زيتون ورشة فلفل اسود بتكون احلى وبعد وماتستوي رشي عليها جبنة شيدر البضاء مش الصفرا العادية وبالعافية
تحذير لكل من تحافظ على رشاقتها لاتكثرين من البطاطا لأنها مليانة نشويات تتحول لدهون وسكر

واااااااو .. اتيننننن الطريقه هذي .. اما امووت عليها .. مره سويناها عند يمعتنا مع الاهل ... اذكر انا اكثر وحده اكلت منها .. بصراحة وااااااايد حلوة ... شكلي تعرفت على وحده مثلي تحب البطاااطا ههههه
وهم يبيله بطااااط .... تدرين حتى البطاط الشبس اللي ينباع بالجمعيات .. انقي احسن شي. يعني ليز والا نايس ماقامو يعجبوني مثل اول .. الحين ما آخذ الا بطاط وونت تعرفينه
عجيــب .. انا ساعات احطه داخل سندويتش الجبن مع الخس والطماط وشويه فلفل قراااش
هههههههههه صج يبيييله .

حبيبتي ... لا لا تقلينه .. نقعيه بالخلطة .. وخليها شوي ربع ساعه تقريبا .. وبعدين اقليها بخلطتها .. عشان تكتسب الطعم ... جربيها .. وناطره رده فعلج معاها ... ( الله يستر ) ههههههههه اتغشمر معاج