السلام عليكم ورحمة الله وبركاته بغيت أسألكم عندي ولدي وبنتي من بدت المدرسه وهم علي طول مرضي يعني كل أسبوعين اوديهم الطبيب بس اذا مافي مدرسه ما يمرضون اسم الله عليهم وعليكم السؤال هل فيه تطعيمات معينه لهم تقوي مناعتهم اولدي عمره سبع سنوات وبنتي ست سنوات وسؤال ثاني اولدي شهيته حيل ضعيفه واذا راح المدرسه تنسد ازياده وهو حيل ضعيف كل من شافه قال لي اولدك ضعيف حيل وانا وياه انتهاوش اذا يبي يأكل اتعرفون علاج فاتح شهيه زين ومايضر لان واجد انصحوني اعطيه بس ماعرف شنو العلاج اللي يبين معاه وشنو احسن دكتور او دكتوره للأطفال يمدحون الدكتوره فاطمه الثلاب بس مارحت لها وسامحوني تكلمت واجد شكرًا
هلا اختي . . . ما يشوفون شر يارب وربي يعافيهم لج مشكلة فصل الشتاء الجو يتغير مرة حر ومرة رطوبة ومرة غبار ومرة برد هذا جونا بالشتاء الفصول الاربعة بأسبوع او يوم . . . وديهم دكتورة وخليها تصف مشهيات لولدج لكن اي دكتورة للاسف اغلبهم نفس المستوى . . . واحرصي على اعطاء عيالج شوربة الدياي لما تطبخينه اخذي شوي من الشوربة وضيفي لها مايلي: شوي عصير ليمون لومي اسود مطحون شوي كمون شوي يوميا عطيهم هالشوربة
انا بنتى عمرها 3 سنين وبرضه ما تاكل ممكن تضل يومين بدون اكل بحثت فى المنتديات ولقيت دواء شرب فيتامينات وطعمه حلو وفاتح للشهية وماله اى اعراض جانبية بعطيها يوم بعد يوم قبل الفطار وممكن اضيفه على عصير والله لاحظت انه بعدها بدت تاكل واول مرة هى تطلب منى اكل الدوا اسمه (((((( kiddi ))))))) جربيه وما راح تندمى لانه عبارة عن فيتامينات . انا ناويه انى استمر عليه شهر وابطله شهر وهكذا واراقب بنتى بالدوا وبدونه بس والله لاحظت انها بتاكل لما تاخده . ويارب يحفظ اولادنا ويعافيهم انشاء الله
فحصتيهم عن اللحميه , لان ولدى فيه لحمية متوسطه وهى مسببه له اللوز على طول وسد الشهيه لان الدكتورة تقولى ان اللحميه تاثر بكل شى حتى الشهيه وتسببله امراض اللوز , وعسي الله يعطيهم الصحه والعافيه .
مشكوره اختي ام العياد علي المرور والله يعافي لك وليدك ويعطيه الصحه والعافيه ويعافيك بالنسبه لولدي مافيه لحميه بس بنتي فيها لحميه تنصحيني اشيلها لها وهل هي خطره وكم تقعد بالمستشفي وشكراً
