هلا والله اخت فاطمه الله يهون عليج ويقومج بسلامه انا عن نفسي دايما اجهز بالشهر السابع عشان ماانسي شي اولا اجهز البيبي وبعدين افضي لنفسي
سلام عليكم انا جديده معكم في المنتدى وانا حامل في شهر سابع ونص وموعد ولادتي ان شاءالله 4_4_2012 باذن الله واول حمل لي بتقبلوني وياكم ): الله يتمم علينا على خير يارب ^^
مبروووووووك والله يتمم عليج وعلى كل الحوامل وان شالله يكون هالتجمع عامر بالحوامل والله يرزق كل محرووووووومه ان شالله
قوووووه بنااات شخبار الحمل معاكم انا بديت احس بثقل موطيبعي بنااات علموني منو الي جهزت لبيبي ومن وين يلااا شاركونااا عشان نستفيد ونعرف والي تولد بالسلامه تبلغناا والله يهون علينا ان شاءالله
قوووووه بنااات شخبار الحمل معاكم انا بديت احس بثقل موطيبعي بنااات علموني منو الي جهزت لبيبي ومن وين يلااا شاركونااا عشان نستفيد ونعرف والي تولد بالسلامه تبلغناا والله يهون علينا ان شاءالله
هلا اي والله صح جذي صاير وياي بثقل وتنمل ريولي وايدي وايد وغير قعدتي نص الليل ميته يوع بعض المرات اكل وبعض المرات اطنش اغصب نفسي ع النوم مالي خلق اقوم بالبرررد هههههه
هلااا وغلاا اختي مملوحه انا راجعه طبيبتي الخاصه وقلت لها عن الثقل والام في ارجولي وسوتلي تحاليل طلع معي املاح وضغط انا من البدايه كنت مهمله في نفسي ماسويت تحاليل وقلت عادي يمكن من الحمال وانتي نصيحه ديري بالش علا نفسش روحي سوي تحاليل والله يهون عليش ويقومش بالسلامه
ويهون عليج حبيبتي لا انا ماطوف ولا تحليل ولا مراجعه لانه المشيمه كانت نازله وانا باخر الرابع فما اقدر اهمل نفسي وااله قبل بحمالي ابنتي وولدي اي كنت اهمل وطنش بس هذا لا وايد تعبت فيه الله يقومنا بالسلامه انشالله
اي صج ع التنمل عادي انا بعيالي جذي لاتوسوسين وتشيلين هم عادي حبيبتي وبالتاسع راح يزيد حيل تري يعني لاتخافين
وينكم مختفيين بالسوق هههههه انا خلصت فرارت السوق خلااص ارتحت عشان اول ما ادش التاسع اتفرغ حق المشي الله يسهل علينا يااارب
كويتيه مملوحه علمينا وين جهزتي البيبي والاماكن الحلوه واسعارها بعد خلينااا نستفيد... وعليش بالف عاااافيه
هلا مناير والله من النصار اللي بالديره كل شي منه ومالج شغل باسعاره خرطي اسعاره اخذي وكاسريه ع كيفج عقبها قوليله ابي هديه ههههه والله العظيم صج اكلمجاهو جدام في اي بي اللي بالديره وفوق كله ذهب نزلي تحت السرداب واخذي منهم حتي السرير مال الياهل منهم كل شي والله مايكلف عليج شي وملابسي هم بجايم من الديره والدراريع من النصار وثنتين والله تفصال كلفومي ١٤ بس واي شي تبين انا حاضر
اسعار ملابس الياهل من الدينار ونص لين ٣ ونص بسسس بعد المكاسر ٣ ونص طبعا هههه والفوط اخذيهم دينار ونص مالج شغل فيه اذا قرقر وقالج لا مايصير طنشي خمطيلج اربع حبات كافي وقوليله حاسب يلا ع دينار ونص جتي المهادات من دينار ونص لين الثلاثه بس لاتعطينا اكثر كاملين مع كل شي وكنبل الياهل تلاقين عند واحد بالويه اول ماتنزلين اخذي منه الكنبل اينن ناعم ويكددد مجربته بعيالي ع ٥ ونص اخذي هم مالج شغل بسعره اقولج انتي اخذي وحطي المبلغ اللي تبينا ههههه
