استفسار

السلام عليكم ورحمة الله وبركاته
انا من دوله الامارات ان شاءالله سوف سنقوم بزيارة الكويت من 31 مارس الى 5 ابريل
وانا في حيره باختيار الفنادق
اود السكن في السالميه واريد فندق قريب من المولات والمطاعم والاسواق
يعني وسط المدينه واتمنى ان تكون هذه الرحله ممتعه
اولا اريد فنق ممتاز
ثانيا هل توجد رحلات بحريه عشاء اوغداء
ثالثا اريد التعاقد مع شركة مواصلات
ارجو الرد باقرب وقت
وشكرا

حياج الله حبيبة قلبي في بلدك الثاني الكويت

سواء سكنتي بالسالميه او بالعاصمه ...صدقيني مافي بعد عليك على اي مكان تبين
الكويت صغيره وبكل منطقه في مجمع وفي سوق
اذا كنتوا عايله انصحج بالشقق الفندقيه وهذي موجوده بكثر بمنطقة الشرق وهي منطقه قريبه من سوق شرق ومجمع الرايه وسوق المباركيه(اذا تحبين الشعبي) وماقبل البحر على الكورنيش اذا حابه تعشين على المطاعم اللي بالبحر او حتى تمشين مع العايله خاصه انه توقيتكم راح يكون الجو وايد حلو وربيع
السالميه طبعا فيها اكثر من مجمع وفيها فندق المارينا على البحر وهو متصل بمجمع المارينا على البحر طبعا
اي استفسار انا حاضر وبالخدمه
بس انا راح انقل موضوعج لقسم ثاني لانه هني ماراح تستفيدين شي

يعطيج العافيه المزاين ما قصرتي

افا عليج بالخدمه يا حلوه

هلا والله
مشكورين عالرد السريع وهذا العشم فيكم يا اهل الكويت
الصراحه احنا عايله من 11 شخص كبار و5 اطفال والكل معتمد علي في اختيار الفنادق والمواصلات
واحنا علشان الوالد وده بسفره للكويت ترجعله ذكريات الماضي لانه كان بالكويت عشر سنوات وما زارها من 35 سنه يعني فندق قريب من الاسواق الشعبيه للوالد والمولات إلنا ادري اني بثقل عليكم بس ما بنسالكم هالجميل
شو رايكم بفندق كويت السالميه ما اعرفه بس انصحونا فيه
ولا فندق بودل
ايهما احسن من حيث النظافه ويصلح للاطفال
وشكرا

هلا والله
مشكورين عالرد السريع وهذا العشم فيكم يا اهل الكويت
الصراحه احنا عايله من 11 شخص كبار و5 اطفال والكل معتمد علي في اختيار الفنادق والمواصلات
واحنا علشان الوالد وده بسفره للكويت ترجعله ذكريات الماضي لانه كان بالكويت عشر سنوات وما زارها من 35 سنه يعني فندق قريب من الاسواق الشعبيه للوالد والمولات إلنا ادري اني بثقل عليكم بس ما بنسالكم هالجميل
شو رايكم بفندق كويت السالميه ما اعرفه بس انصحونا فيه
ولا فندق بودل
ايهما احسن من حيث النظافه ويصلح للاطفال
وشكرا

تنورى الكويت

اهلين بريق امل
ممكن تساعديني باستفساراتي
عن فندق بودل او كويت السالميه شو الافضل

حبيبتي مالج الاتاخذين شقة فندقية بالسالمية وانصحج ب بودل بالسالمية مكانه جدا مناسب لكم......... عنوانهم
شقق (بودل) في "السالمية" - شارع عمر بن عبدالعزيز (شارع المطاعم)


وحياج الله بين أهلج وناسج

مشكورين عالرد وما قصرتوا