مرحبا كل وحده فينا عندها مشكله بحياتها يبنات انا عمري 33 والحمدالله موظفه ومعاشي يكفيني ويزيد بس انا سبحان الله مو نفس البنات اللي من ينزل المعاش راحو ماخلو فيه ولا فلس انا موبخيله ولله اخواني اذا اطلبو مني او خواتي ماقصر عنهم اعطيهم وامي الله يخليها لي ماقصر عنها بس المشكله فيني انا يعني مثلا اذا رحت السوق وشفت مثلا بدله حلوه وعاجبتني اقول بيني وبين نفسي ليش اخذها يعني انا وحده مومتزوجه ولا راعيه طلعات اذا اخذتها رح تظل بالكبت ولا رح البسها واخر شي رح ياخذونها خواتي ويلبسونها لان خواتي متزوجات وطلعاتهم كثيره واحيانا لمه يعجبني عطر اقول ليش اخذه اتعطر حق منو ومرات اذا شفت جنطه نفس الشي اقول حق نفسي يعني اذا شريتها من رح يشوفها وعلى فكره انا بالدوام مااخذ معاي جنطه اللهم بوكي في تلفوني وبطاقاتي ومبلغ بسيط والمكياج انا ماحبه والا**سوارات ماحبهم احس خرابيط والساعات ماحب البس ساعات صج يبنات ماحب البس يعني صراحه مادري شرح تقولون عني بس هاذا اللي حاصل معاي صج بنات ترا انا وحده بيتووووووتيه درجه اولى حتى بيت قرايبي نادرا مازورهم وسلامتكم
انزين مو شرط تلبسين حق أحد لبسي حق نفسج و نسي روحج مثلا تقولين عطر حق منو ! أكيد حقج و تقولين ما تحبين ا**سوارات ع الاقل و المفروض حق الدوام ساعه و خاتم بإيدج يبا ونسي عمرج الفلوس إذا ما ونستي عمرج فيهم ترى مالهم طعم بس طبعا بحدود و بدون اسراف انزين مو شرط مكياج أوفر حتى أنا ما أحب المكياج حطي مثلا كحل بعينج و بلشر وحمره فاتحه أدري بتقولين حق منو ؟ بقولج الله جميل و يحب الجمال ياخي حق نفسج
حبيبتي ولنفسك عليك حق مو معناته انا مو متزوجة مالبس ماأكشخ ماتعطر يعني على الاقل اكشخ لما اكون بقعدة مع صاحباتي مع خواتي او قريباتي يعني الكشخة بس انوجدت للريال،، وحاولي انج تحتكين مع اللي حولج مو عشان شي عشان تعرفين الناس شو عندها وشو ماعندها ووين وصل تفكير الناس وشو اخر جديدهم >>> ياشيخة ليش بينزلون ألبوم قال شو اخر جديدهم قال خخخ السموحة طولت بس انقهرت يوم قلتي مو معرسة اكشخ حق منو >>
اشكركم على الردود بس على فكره ترا انا اعرف بالموضه والبس والماركات وترا عندي بشهادة خواتي بس مشكلتي اني استكثر على نفسي هالشغلات رغم اني الحمدالله الماديه متوفره
لا تبخلين ع رووحج نفسج بعد لها حق مثل ما خوااتج تعطينهم عطى حق رووحج شوى واهتمى برووحج وكشخى لعمرج وخلى الناس تشووفج كاشخه مو مهتله بعمرج حبيبتى لو اشوف وحده مثلج ما اخطبها لخوى بدوووووووووووووووووووووووووووووووووووووووووووووووووووون زعل بس لا شفت وحده كشيخه ولبيسهومهتمه بعمرها اكيد بخطبها له مو عساس ماعندج ريل كشتى بعمرج لا رووحى التفتى ل نفسج شوى ولج ودى
هلا أختي . . . لانج بيتوتية وما تطلعين فما تشترين بدل ولا جناط شي طبيعي مو بخل ،لكن بين السطور حسيت انج ظالمة نفسج لانج مو متزوجة تحرمينها ولانج بيتوتية تحرمينها ليش ؟!! ع الاقل اشتري بدلة لمناسبة ما تلبسينها زوارة او حفلة تحتاجينها مستقبلا نروح للعطورات تدرين لما يضيق خلقي او اكتئب ارش عطر فرش لنفسي ولنفسيتي علشان اتغلب ع مشاعر الاكتئاب والاحباط لاحظي كتبت لنفسي يعني الريل ماله شغل ودايما اتعطر لاني احب رائحة العطور واتعطر لنفسي مسحة مسك وعطر خفيف يجدد النفسية وخصصي لنفسج شهريا جلسة دلع حمام بخار تنظيف بشرة سنفرة كل شي يكون يوم دلعين فيه نفسج . . . انا وياج التبذير والاسراف ماله داعي لكن كل شي بحدود المعقول وربي يبارك لج في صحتج و راتبج ويرزقج الخير دائما ،ما احب اسراف الموظفات اللي من ينزل الراتب طار ثلاثة ارباعه !!
لا تظلمين نفسج يا قلبي .. تعوذي من بليس وونسي نفسج ودلعي روحج وان شاءالله ربي يرزقج بالزوج اللى يستر عليج ويصونج لكن صدقيني عمر الكشخه والاهتمام بالنفس للناس .. الواحد مرات يكون قاعد في البيت ويشتهي يحط اشوي ميك اب يتعطر ياخذه له حمام يترس البانيو وينقع روحه فيه بس عشان نفسج مو عشان احد لا تظلمين نفسج اكثر من جذى حرام عليج نفسج .. وما عليه اكيد ما راح تتغيرين بسرعه بس حاولي تدريجيا وان شاءالله بتقدرين وطمنينا عليج شيصير معاج..
حبيبتي حبي نفسك اكتر وزيدي من ثقة بنفسك ومتعي حالك مو شرط تلبسين للناس او تتعطرين لاحد كلو سويه لحالك والله يوفقك
حق عمرج ألبسي وكشخى وأستانسي بشبابج مو شرط حق أحد أنا عن نفسي أحب ألبس وأسوى تسريحات ةأحب يوميا أحط ميك أب ومزقرته عمرى وأنا متزوجه ووحتى لمن كنت بنت حتى أخوانى يقولولي بعض المرات معزومه عرس منو اليوم يعنى يضغطونى هههه وتطبعت على هالطبع مو شرط منو يشوفنى مع أحترامى للزوجى بس أنا أكشخ حق عمرى أكثر من أنه يشوفنى حلوه
