بدخل بالموضوع دايركت أنا كانت مراهقتي صعبه كل شي ابيه يكون تحت امري وهل الشي خلاني استغل طيبة قلب اهلي دخلت عالم الشبكة العنكبوتيه وانا مب عارفة لشي وطبعا اسمع من ربيعاتي المسنجر والجات واسألهم شوو هذا وطبعا ما قصرن خبرني مع العلم محد خبرني بالطريقه وين ادش او شو اسوي كان كل شي برحي ومن تعلمت اسوي الايميل وادش المنتديات مره كان عندي موضوع فالمدرسه عن المشروبات الغازية وانا ادور معلومات دخلت على شي وكاتب الاسم وسجلت طبعا باسم العنيده ودخلت وشفت شي أنا مب عارفه شوو هذا وللأسف طلع الجات ومن ذاك اليوم وانا افتر بين الجات الفلاني للجات الثاني لين اتعرف على هذا ولجذب على ذاك وانا مستانسه ......... لين مره تعلق قلبي بشخص اول شخص يدش قلبي كان اسمه محمد وطبعا استمريت ويااه سنتين لين فجاه قطع كل شي واختفى للعلم أنا ما رمسته فون بس كان عن طريج المسنجر ومن ابتعد عني وانا خلاص لا اكل مثل قبل ولى دراسه لدرجه كرهت شي اسمه دراسه وطلعت من الجامعه وكنت يوميا ادش المسن بس عشان اشوفه او حتى مطرش رساله بس للأسف ماشي ......... وعادت حياتي طبيعية ونسيته اقصد كنت اتناساه ...... لين مره من المرات أخذت رقم وحده اعرفها من حرمة اخوي عشان أبارك لها بالمولود اتصلت وجان يرد علي ريال أنا استغربت بس قلت يمكن حد من اهلها بس اهي ما عندهم ريال فالبيت كلهم صغار المهم ما طولت عليه وقلت له اسمحلي غلطان قالي عادي حصل خير وسكر بس اتفاجاء فيه مطرش مسج يقولي انتي منو ومن ذاك اليوم بدت علاقتي فيه وكنت أتواصل وياه فون ادري بتقولو شوو هذا ما صدقت على الله حد يكلمها بس والله ما اعرف شو صار لي ........ المهم كملت ويااه حوالي خمس شهور وبعدين وتني الطامه الكبرى طلع ........ طلع ...... طلع اخو ربيعتي الروح بالروح وانا من عرفت على طول ابتعدت بدون اي كلمه واهو يتصل وبطرش مسجات وانا طااااااااف. لين حلفني شو الي صاير وانا قلت له كل شي أني أنا ربيعت اخته واعرفه واعرف ماضيه كل شي كل شي ........ وقلت له خلنا نبتعد احسن لي ولك عشان ما أظلمه ولى يظلمني بس والله شو اقول لكن أني من قطعت علاقتي فيه الله هداني قمت أحافظ على صلاتي مع أني قبل كنت أتناساها استغفر الله وأتوب اليه صرت أصوم اثنين وخميس ولساني دووم يستغفر ربي ويحمده والمفاجأة انه اخو ربيعتي خطبني هيه خطبني وانا مب **دقه ولله الحمد تم الموافقة عليه وأموري طيبه المشكله الحين انه ربيعتي اخت خطيبي اترمس شباب وتطلع وياهم وحرمة اخوها مسكتها وشلت عنها البطايق مالها و**رتها عنها بس ربيعتي ما تابت طلعت رقم ثاني وأترمس واحد واصله بدون واهو يجذب عليها بأشياء ما تتصدق بس اهي غبيه واتصدقه واتجذبني والحين مب عارفه شو اسوي أخسر ربيعتي واخبر اخوها او حرمة اخوها ولى اخليها وانا ادري لو يدرون اهلها والله ما بيخلوها عايشه اهي اكبر عني بسنتين يعني عمرها 24 محتاجه نصيحتكم واتمنى ما تحذفون موضوعي لأني محتاجه النصيحة *
والله فرحت لك بشدة انه خطبك فى الاخر وربنا يه***م يارب ويتمم زواجكم بخييييييير . بالنسبة لصديقتك انصحيها وخليها تتقرب من الله وعرفيها انه قاعد يخدعها وما انصحك انك تخبرى اخوها . انتى سوى اللى عليكى وانصحيها عسى الله يهديها انشاء الله
تسلمي حبيبتي وبالنسبة لربيعتي كل يوم قبل عن ترقد تقرا قران ومحافظه على صلاتها واذا بتشوف شي غلط بتنصحه لدرجه انها كانت تنصحني أني ابتعد عن الشباب واتقرب من الله وبالفعل جي سويت وارتحت بس اهي الله يهديها مع هذا بعدها اترمس الريال بس والله لو اتشوفيها فالننتديات يوم ترمس عن الشباب وشو يسوؤه بالبنات بتقولي صج ونعم التربيه وتنصحهم بس ما تنصح عمرها حاولت وياها واختبرنا الريال الي اترمسة وطلع يخوننا مع هذا جذبتني وصدقته قولولي شو اسوي أنا تعبت واذا درى اخوها أني ساتره عليها والله بيخليني *
الله يهديها ان شاء الله انتي انصحيها بالاول اكثر من مره وحاولي تخلينا تنشغل باي شي والله يهديها بس الاهم انج ماتقولين حق اخوها لان ممكن رفيجتج تزعل عليج حتى لو انتي تبين **لحتها بس الاهم انتي حثيها ع الصلاه وقراءه القران والاستغفار لان الصلاه تبعد عن الفحشاء والمنكر وادعيلها لان دعاء الشخص لاخر بظهر الغيب مستجاب والله يعينج وموفقه يارب وتقبلي مروري لاتنسون ادعولي ان الله يحقق امنيتي ويغفر لابوي ويرحمه
اول شي اهنيييج من كل قلبي وربي يتمم عليج ويا خطيبج ثانيا أنصحج انج ماتخبرين خطيبج عن اخته لانها ممكن تفاتن عليج وتقول لاخوها عن اللي كنتي تسويه وذيك الساع بيخليج الله لايقوووول احسن لج انج تنصحينها وتقولي لها انه هالريال لو صدق يحبها جان خطبها ووضحي لها انه يلعب عليها ربي يوفقج ويا خطيبج ويهدي ربيعتج مشيختها فعايل ابوها ربي يحقق اللي في بالج ويرحم ابوج ويرحم موتى المسلمين
تسلمولي حبيباتي على المرور أنا كلمتها وقلت لها الطريج الي تمشي فيه غلط وبيدمرج اتركيه اتقولي حرام اهوما سوا لي شي بس نتخاصم شوي ونرجع عادي والله صرت ما اتصل لها تعبتني مب عارفه شو اسوي وخوفي من اخوها يدري اهو الحين مسافر المانيا ويا ربيعه علاج ويمكن يطولو شوي بس بعد خائفه والطامه الكبرى انها تطلع وياه عادي ويوم أقولها حرام مب زين تضحك واتقول شو ما خذين من الدنيا خلينا نستانس ذكرتها بربنا بس بعد ماشي فايده راكبه راسها والله أني أصيح اهي بدمرني وبدمر نفسها دعواتكم لي والله محتاجه لكم واسمحلي على الاطاله بس والله ما عندي غيركن افضفض له
