بنات متزوجات حبايبي صح الضره مره ولو كانت جره بس الي عندها ضرها ولا حولة ولا قوه الا بالله كيف تعامل زوجها مو الضره يعني صحيح ان الضره تكون في بيت بروحها ويوم لش ويوم لها بس لما تكون ليتك انتي كيف يكون كيف يكون احساسه يعني يكون مشتاق لش ولا يتريا الليله تعدي عشان يروح للثانيه ولا ما يكون في ليلتش موجود اصلا وانتي شخصيا هل تتقبلين زوجش معش يعني ما تدرو في راسش غيره وافكار وتقول الحين قاعد يسمعني كلام نفس الي يسمعها انا عن نفسي عندي ضره يعني انا الزوجه الاولي ومول كارهته وكارهه العيش معاه وعندي مبدا في الحياه لا اشرب من ا لكاس الي شرب منها غيري تفاعلو معاي هل انا صح ولا بكون ضالمه زوجي لاني والله لا ارادي كارهته كارهته كاني ميته في الدنيا وعايش لنفسي وعيالي وبس تفاعلكم بليييييييييييييييييز
هلا حبيبتي الله يعينج ويصبرج وصاجه الضره تحر لو بالقبر صج الله يعينج قلبج قعد يحترق مالومج والله حاوليتعرفين ليش تزوج عليج؟ شنو اسبابه؟ وتقربي منه لاصارت ليلتج لبسي وتكشخي وضحكي وتغشمري معاه لاتبينيله انج متظايقه عشان لاينحاش منج وكله يتم عندزوجته الثانيه حاولي تهتمين فيه اكثر ومثلا شوفي انتي بشنو مقصره معاه وليش تزوج؟ حاولي تجددين تسوين نيو لوك من صبغ وقص ولبس غيري وتقربي منه بعيالج خليه يلعبون مع ابوهم ومن هالسوالف وهم انا مالومج والله صج الله يعينج ويصبرج وينصرج وحاولي تتعايشين مع هالحياة لاتفكرين بالطلاق اذا مومقصر بواجباتج انتي وعيالج من كل النواحي وهم ارجع واقولج فكري ليش تزوج عليج شنو الاسباب عشان تكسبينه من اول وجديد وعليج بالدعاء والاستغفار وشغلي سورة البقره يوميا ابيتج
اللة يصبرج انا نفسج تزوج علي وماصارلي سنتين عندة بس ماقعت على طول طلبت الطلاق بصراحة ماتحملت رفيجتي اخذت واحد بس عندة مرة كل وحدة ساكنة بيت ويشوفون بعض بس عند امة بس رفيجتي هدت الوضع وزوجتة الأولة لما شافتها سلمت عليها عادي بس مايتزاورون بالبيوت بس بينهم اتصالات رسمية فقط وكل وحدة عايشة بيتها ماتدري عن الثانية بس الأولى معترفة تقول ماينللام لما تزوج انا مقصرة بحقة
الله يصبر قلوووبكم يارب٠٠٠ حبيباتي اذا تفكرين ليش زوجج تزوج عليج لازم تفكرين بامرين: ١- ياما انج مقصره بحقه لووو بشي بسيط( لانه بيلقونه عذر) ٢- انه زوجج مايملا عينه غير...........( في رجاجيل من هالنوعيه يحبون التغير) انا معاج انج بتكونين كارهته لانه المرا اذا نجرحت من شخص تحبه مصيبه انتي اللي عليج انج تسوين اللي عليج بواجباتج المنزليه وتهتمين بشكلج وبزوجج يمكن يحس بفرق عندج ويترك الثانيه ولاتنسين دعااائج لربح وصلاتج واستغفااارج الله يكون بعونج يارب
حبيبتي الله يصبرج ويهدي زوجج والله يسخركم لبعض،،،،،، انا اشوف انج تنسين ان عنده مرا ثانيه ولو انها صعبه انا مالومج بس تكشخين مثل ماقالو البنات وتاخذينه بلسانج وعاملتج الحلوه له وتبهرينه بابداعج من ناحية طبخ او ليلي رومنسية او تغيرات بروتينكم اليومي .............الخ وحاولي انج تحبينه وتنسين انه متزوج عليج ياما حريم تزوجو عليهم ازواجهم وبعدين طلقو حريمهم بعض الزواجات الثانيه تكون نزوه ،،،،،،، وحاولي اتهدين نفسج وبس اتذكرين انه تزوج عليج صلي ركعتين ومن بعدها بتحسين براحه موطبيعيه وادعي بالثلثين الاخير من الليل ان الله يهدي بالج
الله يصبرك لكن اذا كان معاكي واولادك ماتغير وعادل بينكم حاولي انك تعطينه حقوقه وترضين الله من ناحية حقوقه لانه مايسوى عليك غضب الله عليك عشانه لان فيه ناس تعطي كل شئ حلوا للي تحبه ولما تكون رد الحبيب طعنه تكون قاتله قتلت الحب والاحترام وصعب مليون مرة انه يسامح فيه ناس كذا طبعهم مو بكيفهم اذا انتي من النوعية هذي مثل ما قلتلك وعشان عيالك والله يعوضلك فيهم ويجبر خاطرك فيهم ويبلغك فيهم اللي تتمنين لاتكرهين زوجته الثانية لان مالها ذنب يمكن تكون مغصوبه او الظروف حدتها انها تتزوج واحد متزوج اهم شئ رضى الله وبرضاه ماراح تخسرين شئ ولاخسرتي شئ تقبلي مروري ورأيي
واااااااااااااااااي صج قهر انا طليقته ولا يعه جبدي وهواش طول اليوم وشي طبيعي تكرهينه لان مع غيرج الله يعين وانا لو منها ما اوافق عليهه لان متزوج وعنده عيال الشي الي ما ارضاه على نفسي ما ارضاه على غيري مالج غير الدعاء وربي يسهل عليج ويطيب خاطرج
مرحبا حبيبتي انا بعد زوجي تزوج علي......احس بقهر وقلبي يعورني..بس هذا لما كانت عندي بس الحين الحمدلله احس براحه.....لانها بعيد عني لااشوفها ولا تشوفني..هع...... انصحج لاتسألين عنها خير شر وامحيها من تفكير.... واتكشخي وكوني عروس فعينه....انا كنت فالبدايه كذا كله اصيح وافكر ومشاكل بس سمعت نصايح اللي يحبوني واستفد منهم........... واتمنالج التوفيخ وادعي.....في صلاتج............
شوفى حبيبتى باين ان زوجك انسان مايحب الحرام وهذا اهم شى تزوج بشرع الله ومافيه شى والاخوات الى يقولون انه نزوه ويمكن يطلقه حرام عليكم مايجوز تحرمون شرع الله ويمكن زواجه هذا فيه خير عليج انتى وموشرط يكون فيج اى عيب بس هذى طبيعه بنفس البشريه لاتحرين عمرج ولاتنقهرين عادى جدا والله يفرجه عليج وبنت الناس ماله اى دعوه باين من كلامج حبيبتى ولاتسالين عنه انتبهى عشنا مايشوف نفسه ويقول تغار على لاتسئلينه اختى وعدى اليوم الى يروح له انه فى دوامه ولاتفكرين واملى حياتج ادخلى حلقات تحفيظ القران ادخلى دورات تعلم لغات يعنى اشغلى عمررج قد ماتقدرين تزاورىوالله يسعدك
الله يعينج والله الزوج لما يكون جاف وتصير تصرفاته بايخه ويحسسج انه مايحبج تكرهينه فما بالج الي حط مره ثانيه بحياته بس الله يصبرج والغيره فطره بالمره والزواج الثاني شرع الله والله مايضر عبده اصبري واحتسبي وياما رجاجيل عرفوا قدر حريمهم بعد ماخذوا عليهم وصاروا مايطالعون غيرهم ولعل بالامر خيره لج بس ديري بالج تنفرينه منج ويلقى البيت الثاني الملجأ المريح ساعتها انسيه مره وحده لان الرجاجيل ماعندهم تقدير وين راحتهم وراها
والله كلامكم كله صح خواتي وما قصرتوا وهو فعلا بيتي انا يعتبره راحته والصراحه اشوفه وايد مستانس لما يكون في بيتي ومع عيالي وانا الي حسبالي انه مستانس من زواجه طلع قايل للناس ان راحته في بيته الاولي والله يعيني عليه وانا الصراحه بعد زواجه مو طايقتنه اتمنى انه يروح عندها بس من غير ما احسسه بها الشي بس عشان عياله انا اسوي شي عشان يكونو عياله في جضنه وبس
ليش حبيبتي ما طايقته ...........بالعكس حطيه بعيونج.............. واستانسي معاه..............والله يوفقج يارب.................
اختي كان الله في عونج بس انت وايد منهارة ومضيعة حقوقج ومسلمت ريلج للجديدة كاملا فانصحج ان تقيمي علاقة حب من جديد مع ريلج وتحاولي تكوني صديقة له وتاخدي حقج منه لان تصرفج سلبي وانسحابج من ارض المعركة مو في صالحج بالع** في صالحها ولا تتوقعي ان ياتيك ريلج بدون بدل جهد منك لان عنده غيرك وعنده من يقوم بطلباته واعدريني ادا جرحتج
والله قهر انامثلك تزوج بس بدون سبب والحمدلله مافيه مني تقصير بس هو من شيوخ القبائل وهالنوع يتباهون بكثرة الاموال والاولاد بس زي ماقلتي انا كرهته وقلتله طلقني مارضى بس صراحه اوراقه وفلوسه وملابسه كلها عندي وهو يبغانا نزاور بس انا مارضيت واسال نفسي نفس اسالتك لكن اتعوذ بالله من الشيطان الرجيم ولا افكرباالموضوع واحاول ذحين اخلص دراستي الجامعيه
بصراحه انا مومتزوج علي بس دايم يقولي احمدي ربج علي النعمه اتزوج غيرج وتحمد ربه على هانعمه دايم يقول اعقلي لاتزوج والله ياقلبي حاسه فيج الله يصبرج
اذا اهى طيوبه وحبوبه اعتبريه مثل اختك انا اعرف ثانتين والله فالينها يطلعون مع بعض ويسلفون خوات على الحلوه والمره وهى مسكينه مالها ذنب اكيد الضروف اجبرتها تتزوج رجل متزوج يله قوليى من فينه تتمنى تتزوج وحد متزوج اكيد مليون بالميه انها انها متحسره على وضعها وتقول يليتنى كان نصيبى لرجل مو متزوج الله يكون بعونج وعونها
