السلام عليكم ورحمه الله وبركاته بنات انا ولدت بنتي وزنها 2500 والحين عمرها شهرين وللحين عنونه وكل من يشوفها يقول صغيره صغيره وكم جبتيها حتى مره دكتوره قالتلي انتي كملتي شهرج لما جبتيها يعني احباط ياريت اللي تعرف كيف اقدر اسمنها واكبرها ؟؟؟ اللي عندها طفله جابتها تحت 3 وسمنت بسرعه ياريت تفيدني او اللي سامعه او مجربه بختصاااار ابي بنتي تسمن وتكبر وتطلعلها خدود وتتعافى
اول شي الله يخليه لج انا ولدي جبته كيلوين وميه غرام وبنتي جبتها كيلوين وثمنمية غرام انحين تخيلي ولدي عمره سنتين امتن من بنتي تخيلي يعني لاتخافين يقلبي شربيه حلبه
لج طريقتين يا تفوحينه بماي لين يصفر لون وتشربينه مع شويت سكر او اوتحطين له برادة المويه مالته 7حبات بس
وعليكم السلام الحلبه حلوووه تمتن بس بعض الاطفال ماتاثر فيهم مايمتنون سويلها منقوعه التمر حلوه وتفيدها وتمتن بالعافيه
الله يحفظ لج بنتج واحد من عيالي وقت الولاده كان وزنه900جرام فقط والثاني كيلو و700جرام تخيلي هههههههههههههههههه كنت اطبخ الحلبه وبمايها اسوي لهم الحليب(الرضعه) والله من يصير عمرهم شهرين ما اقدر اشيلهم طبعا سمنه على صحه وعافيه
هلا ياقلبي شوفي مطارة الماي الي تسوين فيها الحليب حطي فيها ٧ حبات حلبه عادي تحطيها فوق الماي بدون غلي اصلا الماي مغلي فهمتي وهيا تطلع فايدتها و وعادي سةي حليبتها واختاري نوع الحليب بيبيلاك وربي بتفخ الياهل تفخ جربي راح تدعيلي اذا انتي ترضعيها طبيعي اشربي انتي يوميا كوب حلبه والله رفيجتي بنتها متبتبه شحلاتها مشاءالله كنها راضعه صناعي بس هبا ترضعها طبيعي وتشرب حلبه كوب باليوم وتكثر سوائل
حبيبتي بنتج بعدها صغيرة معدتها مااتتحمل غير الحليب حاولي ترضعينها طبيعي وصناعي مع بعض وان شاء الله بس تكبر شوي بيزيد وزنها الله اخليها لج ياارب
