السلام عليكم خواتي الغاليات حبيت احط موضوع لاخواتي اللي طولو بالحمل ابيكم تقرون قصدتي وتثقووون بربكم الله وحده القادر علي كل شي سبحانه قصتي ياحبيباتي : انا الحمدلله حملت بولدي نواف بعد شهر من عرسي والكل فرحلي واستانس ولله الحمد ولدته بالسلامه وكأي بنت تاكل حبوب منع حمل بعد الحمال لانه مابي بسرعه احمل واكلت حبوب لمده سنه 7 شهور قلت عشان جم شهر تعطيني مناعه وراها ب4 شهور تاخرت الدوره وسويت تحليل حمل طلعت حامل بس الهرمون ضعيف من كملت شهرين بحملي نزل علي دم وانتم بكرامه رحت مستشفي خاص سويت سونار داخلي وخارجي وهنييييه الصدمه انه ( مافي جنين ولا في حمل)!!!!!!! انزين شلون والهرمون يزيد بس بنسب بسيطه؟؟؟؟ قالت الظاهر نزل واجهضتي اشربي اعشاب وخلاص قلت يالله الله يعوضني بعدها بشهرين وكان بدايه رمضان اللي فات جاني مغص عجييييييب لدرجه ماقدرت ارفع طولي صرت ربيانه من العوار قالي زوجي اوديج الطبيب قلت لا هذا هوا اكيد برحمي عادي عدا كم يوووم ورجع علي الالم بس بقوووووووووه اكثر لدرجه ااشر لزوجي اني ماقدر اتنفس وقمت فجاه مااسمع وطحت شلون دخلوني المستشفي وعلي طول غرفه الانعاش واكتشفو انه حمل خارج الرحم وانا ماادري ومنفجر داخل قناه فالوب وصار فيني نزيف داخلي 6 لتر وواصل لي القلب (بعيد الشر عنكم) وعلي طول عمليات بعدها بالعنايه المركزه والحمدلله سيطرو عالحاله لانه الدكتور يقول لزوجي واهلي بينها وبين المووت شعره بس الحمدلله المهم طلعت بالسلامه وبدا الكلام بالعايله انها ماراح تحمل وهالسوالف والحمدلله بعد مداومه عالقران وصلاه الليل والدعاء والاستغفار والصدقه بنيه التوفيق والحمل ورحت العمره ودعيت عند باب الكعبه انه احمل بدون علاج ولامستشفي والله ماخيب ظني الحمدلله الحين حامل اناطبيعي والله خيب ظن الناس اللي تكلمو عني والحين انا بالشهر السابع لله الحمد اسفه طولت عليكم بالسالفه بس حبيت اقولكم (لاتياسو من رحمه الله) واهم شي اخلاص النيه بانه الله قادر علي كل شي بلحظه الله يرزق كل محروووم ويعافيكم يارب العالمين تقبلوو تحياتي:أم نوافي
الف حمد لله علي سلامتج حبيبتي والف مبروك الحمل وعسي الله يثبته ويرزقج بالذريه الصالحه ونعم بالله اكيد الانسان عليه التوكل علي الله اولاً واخيراً وان شاءالله يرزق كل محرومه بالذريه الصالحه اللي تتمناها وتقبلي مروري ،،،
حمدلله على سلامتج... ويالله يارب ياقادر ياكريم انه يثبت حملج ويرزقج الذريه الصالحه ويتربون في عزكم... انا لي سنتين للحين ربي ماكتب وكل تحاليلي سليمه ومن شهرين استخدمت الرقيه الشرعيه وعطاني الشيخ سدر وزيت وخلطة عسل اكلها 40 يوم واليوم كان الاخير ... وباقي انتظر كم يوم واحلل ....الله ينفع فيها ويرزقني ويرزق كل محروم ياااااااااارب ادعولي الله يجزاكم خير.. الناس ماترحم اعوذ بالله يحسسون الوحده كن لها 10 سنين ماحملت.
يابعد عمري دالين مشكوره عالدعوه وصدقيني الله مااخر حملج الا في خيره لج ولزوجج والحين العلم تطور الحمدلله ومافي شي بعيد عن رب العالمين الله يرزقج بالذريه الصالحه اللي تبرج وتبر ابووه ويرزق كل محروووووم واذا علي كلام الناس طوفي محد ماجاه كلام بس حنا اكبر من هالشي
